|
الموتور بينفخ جامد من الفايظ اية الحل ؟
اشتريت لادا 95 حالتها ممتازة لكن كان فيها عيبين
1- الكرونة بتون ودى بسيطة غيرتها وكلة تمام 2- الموتور فية دخان من فايظ الموتور ولقيت الزيت ناقص حوالى كيلو فغيرتة ولقيت اورسيلات الموتور كلها بتجيب زيت عملتها وكلة تمام ومستنى اشوف لما اغير زيت لكن المشكلة فى دخان فايظ الموتور خانقنى ولو ركبتة فى عمة الكربراتير العربية بتلخبط السلانسية افيدونى يا اهل الخبرة لأنى عديم الخبرة فى عمرة الموتور ولم اجربها من قبل :070104~242: |
رد: الموتور بينفخ جامد من الفايظ اية الحل ؟
احتمال محتاجة طقم شمبر
|
رد: الموتور بينفخ جامد من الفايظ اية الحل ؟
معلش بقى يا استاذ ايمن لازم الموتور دة يتفك والموضوع سهل مش صعب ولا حاجة
اجرة ميكانيكى فك وتركيب 150 جنية طقم شنبر المانى او برازيلى 120 جنية طقم جوانات 65 جنية + جوان وش سلندر اضافى 15 جنية طقم جلد صباب منفصل فرنساوى 30 جنية ومصنعية تركيب وعمل رودية 30جنية جركن زيت شل 55 جنية فلتر 25 جنية صفيحة بنزين 20 جنية جركن زيت 55 جنية اجــــــــــــــــمالى 465 جنية قول 500 جنية وشغل يوم واحد ربنا يوفقك |
رد: الموتور بينفخ جامد من الفايظ اية الحل ؟
الف شكر يا باشمهندس ، وربنا يسهل متصرفش اكتر لأن الميكانيكى بتاعى بيقولى نشترى طقم بستم جديد هيخلى الشمبر محكوم جداً فى الشميز مش عارف اية رأيك؟
|
رد: الموتور بينفخ جامد من الفايظ اية الحل ؟
اخى الكريم استاذ ايمن
اسف جدا جدا للتاخير فى الرد ودة غصب عنى والله واخد دور برد صعب جدااااا من اللى هو تقوم من النوم تطمن على عيالك وتلاقى نفسك تنام تانى وصراحة بقالى خمس ايام مش بدخل المنتدى خالص ولا بروح حتى الشغل المهم نيجى للمشكلة والفيصل فيها هى حالة الشمايز مش البساتم يعنى اما تفك على خير بامر الله نشوف حالة الشمايز وانا من وجهه نظرى لو عاوزين نحكم اوى يبقى نعمل اربع شمايز مش نشترى اربع بساتم وتمن الاربع شمايز 180 جنية ودخان 20 جنية يبقى 200 جنية ومن احسن الناس فى خراطة الشمايز هو الزهار فى المنطقة الصناعية قباء وفى طبعا الجندى فى احمد بدوى على خير يا رب |
رد: الموتور بينفخ جامد من الفايظ اية الحل ؟
اقتباس:
|
رد: الموتور بينفخ جامد من الفايظ اية الحل ؟
مبروك عليك اصلاح الموتور وربنا يباركلك فى كل امور حياتك
وحاول بس تاخدها مشوار طوالى من 50 : 100 كم بغرض التليين وعلى سرعة لا تتجاوز الـ 60 كم/ساعة وطبعا يكون باليل عشان الجو وبعد الـ 1000 كم هاترجع للميكانيكى يراجع رباط على وش السلندر ويظبط تاكيهات تانى وربنا يكرمك ويباركلك يا رب |
| الساعة الآن 08:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017