مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ﻻنوس (دايو - شيفروليه) (https://www.masrmotors.com/vb/forumdisplay.php?f=153)
-   -   عربيتى اللى موريانى الويل (https://www.masrmotors.com/vb/showthread.php?t=64788)

poussi 06-08-2011 06:28 PM
عربيتى اللى موريانى الويل
 
عربيتى اللى موريانى الويل

النهارده وانا راجعه من الشغل ماشيه فى امان الله ومخدتش بالى من البالووعه اللى قدامى طالعه مترين عن الارض يعنى حاجه قمه فى ال ............... اللهم انى صايمه

المهم كلت البلاعه وطول الطريق حاسه بريحه بنزين جامد ف العربيه اطلع بره ملاقيش ريحه ولا حاجه اركب الاقى الريحه موجوده

المهم رجعت البيت وركنتها ولقيت نقط زيت على الارض

عايزه اعرف ده ايه المشكله دلوقتى وحلها ايه ؟؟ وهتتكلف كام

مع العلم انى مشيت بيها كده حوالى 50 كيلو ياترى دى هتاثر على العربيه فى حاجه ؟؟

اصلحها بره ولا فى التوكيل اضمن مع انها اغلى كتييير ؟؟؟

مستنيه ردكوا

memodina1 07-08-2011 05:00 AM
رد: عربيتى اللى موريانى الويل
 
كدا اكيد تنك البنزين اتخرم والتوكيل بيغير مبيصلحش كل الحكاية بسيطة جدا انتى هتروحى تلحمى الخرم وخلاص مبروك بس غيرلى فلتر البنزين لانة اكيد بعد اللحاكم هيلم شوائب والف سلامة

m_elmasoudy 07-08-2011 05:13 AM
رد: عربيتى اللى موريانى الويل
 
أنا متهيألى تكشفى على الموتور من تحت عشان تتأكدى من كارتيرة زيت الموتور ,, لآنك بتقولى لقيتى نقط زيت تحت العربية

ahmed zawawy 07-08-2011 07:09 AM
رد: عربيتى اللى موريانى الويل
 
لو العربيه دي جديده عليكي والتوكيل يكشف علي الموتور ويطمن علشان الزيت الي بينقط
ويشوف موضوع البنزين اكيد التنك اتخرم وراي تغيريه انا عمل معايا قبل كده في الانوس ولحمته بس موضوع فاشل ولحمته كمان كذا مره ومش بالساهل الحام بتاعه لازم يتحل التنك عند ميكانيكي وبعدين تخديه ولازم يتغسل كويس جدا علشان ريحه البنزين ويتساب لحد تاني يوم وبعدين تخديه عن سمكري يلحمهولك ولازم يتاكد انه مفهوش ريحه بنزين وبعدين تخديه وتريحي بيه للميكانيكي تاني يركبه وكده يبقي تمام
تخيلي بقي انا عملت الموضوع ده 3 مرات وفي الاخر جبت واحد استعمال عامل 500 جنيه وريحت دماغي علي الاخر الحمد لله
وبعدين خدي بالك موضوع الزيت ده يقلق جدا اوعي تمشي بيها قبل متشوفي الزيت ده جي منين
لو العربيه لسه شاريها وجديده انا راي التوكيل لو قديمه يبقي عليكي وعلي الصنيعيه وربنا يقويكي
اسف علي الاطاله

احمد على 1999 07-08-2011 08:20 AM
رد: عربيتى اللى موريانى الويل
 
فعلا اهم حاجة الماتور ميشتغلش الا لما يتعرف التلفيات بالظبط و هي واقفة في مكانها

احمد الشناوى1981 07-08-2011 12:07 PM
رد: عربيتى اللى موريانى الويل
 
انتى فعلا متتحركيش بالعربيه قبل ما تشوفى مقاس الزيت اخباره ايه لو ناقص حاجه بسيطه يعنى التسريب بسيط وممكن تمشى بالعربيه لأقرب ورشه يرفع العربيه و يبص على كارتيره الزيت لو مخرومه هاتى واحده تانيه و التانك نفس القصه و طبعا لو اشتريتيهم استيراد هيبقا اوفر بكتير

poussi 07-08-2011 03:55 PM
رد: عربيتى اللى موريانى الويل
 
ايه ده انا لقيت الموضوع كبير :1286B2~161:

عموما انا هرفعها دلوقتى فى بنزينه واشوف ايه اللى حصل

بس امبارح وديتها لميكانيكى اعرفه نزل تحتها وقالى مفيهاش حاجه هو الشكمان بس اللى فيه مشكله

هل ممكن يكون ده سبب فى يحه البنزين ؟؟

انا قلت علشان اطمن اكتر هرفعها فى بنزينه واشوف هيقولى ايه واجى اقولكوا

ادعولى حاسه انى بنتى فى المستشفى :crying: كل ماافتكر صوت الخبطه ازعل اوى


الساعة الآن 05:46 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017