رحلة الى اعماق الكون : 3 - النجم الشمس
 

http://images.nationalgeographic.com...94_600x450.jpg
هذا النجم الجميل هو احد نجوم مجرة درب التبانة الى عددها يصل الى 2 بليون نجم
بفضل الله و رعايته وجد هذا النجم على هذه المسافة من كوكبنا ( البعد المتوسط 150 مليون كم )
و بالرغم انها ادنا فى الحجم ما يزيد عن مليون كرة ارضية فهى تصنف على انها نجم قزم اصفر مقارنة بنجوم اخرى كالعمالقة الحمراء مثلا

http://astrologymentor.com/wp-conten...ran_regel.jpeg

فى الصورة دى مقارنة ما بين الشمس و بعض النجوم التانية
لو ركزت حتلاقى الشمس مشار اليها بنقطة و كوكب المشترى احد العمالقة الغازية بل اكبرهم فى مجموعتنا الشمسية غير مرئى فى مقياس الرسم للصورة دى
لكن تفسير ظهور النجوم كنقاط صغيرة مضيئة لا تكاد ترى هو بعدها السحيق عنا

بعد هذه المقدمة الى كان لا بد منها لادراك حجم الانسان بكوكبه فى هذا الكون السرمدى و حكمة ربنا فى انه يورينا مدى ضعفنا و احتياجنا اليه

نرجع للشمس
وزنها 330 الف مرة وزن الارض و ده يفسر تزعمها لحركة الكواكب حواليها لان حاجة بالوزن ده مجالها المغناطيسى جبار جدا
و كأى نجم بتتكون فى معظمها من الهيدروجين و الهيليوم و نسبة ضئيلة من العناصر الثقيلة فى مركزها زى الاوكسوجين و الكربون و النيون و الحديد
درجة حرارة سطحها 5505 درجة مئوية تقريبا
و بتعتبر مفاعل نووى هائل ضخم بيولد الطاقة من خلال الاندماج النووى لذرات الهيدروجين الى هيليوم فهى تدمج 620 مليون طن من الهيدروجين فى الثانية الواحدة

لو قعدت اتكلم عن الشمس ممكن حكتب الف صفحة و لسة
فباختصار و المشاركات تكمل

الهالة الشمسية corona عبارة عن غلاف جوى للشمس من البلازما درجة حرارته تتخطى المليون درجة مئوية

البقاع الشمسية
http://upload.wikimedia.org/wikipedi...ting-scope.jpg


عبارة عن مناطق ذات مجال مغناطيسى جبار بيسبب انخفاض درجة الحرارة عند سطح الشمس بس على العكس بيسخن الكورونا بتاعتها

و البقعة دى صغيرة ؟
http://www.astronomycafe.net/qadir/SpotEarth.jpg
طبعا واضح من الصورة هى صغيرة و لا لأ
على فكرة ده كوكبنا بالنسبة للبقع الشمسية

اما عن النهاية المحتملة للشمس ( كله ظن و الله اعلى و اعلم )
http://upload.wikimedia.org/wikipedi...Life_Cycle.svgهى عمرها دلوقتى تقريبا 4 و نص بليون ( يعنى مليار ) سنة
لما توصل ل 10 بليون سنة حتتحول لعملاق احمر و تتنفخ 250 مرة قطرها الحالى ( يعنى حجمها يزيد 15 مليون ضعف حجمها دلوقتى لدرجة ان سطحها حيعدى مدار الارض الحالى بس جاذبيتها حتضعف فمدار الارض ساعتها ممكن يبعد شوية بس برضه كل الميه الى فى كوكبنا حتغلى و تتبخر
بعدين تدخل فى مرحلة السديم الكوكبى
و بعدين تتحول لقذم ابيض

بس كفاية
و ارجو ان المشاركات تكمل الموضوع لانه مبيخلصش

رد: رحلة الى اعماق الكون : 3 - النجم الشمس
 

يا سبحان الله فعلا له في حكمه شؤون

تسلملنا ايدك يا استاذ احمد وفي معلومات انا اول مره اعرفها عرفتها هنا

رد: رحلة الى اعماق الكون : 3 - النجم الشمس
 

راااااااااائع
طبعا هنيجي للسؤال المقرر بتاع كل حلقة
هو الغلاف الكورونا بتاع الشمس دة شبه الحلقة اللي حوالين المشتري ولا اية
ولا هو عبارة عن غلاف كامل زي قشرة البيضة مثلا اللي حوالين البيضة
وبعدين يعني اية من البلازما
هل درجة حرارته بتسخن عند البقع الشمسية كنوع من امتصاص الطاقة؟
بمعني ان البقع دي تعتبر باردة في الشمس والغلاف فوقها ساخن ؟ اذن هي امتصت الحرارة ولا اية؟
معلش اسئلة كتير!!!

رد: رحلة الى اعماق الكون : 3 - النجم الشمس
 

رد: رحلة الى اعماق الكون : 3 - النجم الشمس
 

رد: رحلة الى اعماق الكون : 3 - النجم الشمس
 

كورسير باشا منور الفضاء كله
شكرا على تشجيعك الجميل

منور يا ابو نورا بأمانة للاسف مش متابعه بس انا منذ الصغر بقرأ فى هذه المواضيع و حتى لسة شارى كتاب مصور عن الكون هبلنى
و شكرا على الفيديوهات بس مش عارف اشوفها لانى فى الشغل و مستلف لابتوب واحد صاحبى و خايف اسفله الرصيد

رد: رحلة الى اعماق الكون : 3 - النجم الشمس
 

ولا يهمك يا باشا الفيديوهات موجودة لما ترجع بس حاول تجيب افلام ناشونال جيوجرافيك بتاعة اسبوع الفضاء فيها حاجات جديدة تهبل اكتر

ديه مقدمة واحد من افلامها - رحلة الى اطراف الكون
Space Week: Journey to the Edge of the Universe

http://www.youtube.com/watch?v=Hyr77wBOf5g