|
رحلة الى اعماق الكون : 2- الهروب من الارض
لو حاولت تنط لفوق الارض حتشدك تانى لتحت
حتى الطيارة مش حتعرف تفلت من الجاذبية بتاعة كوكبنا اكتشفوا ان علشان حاجة تهرب من جاذبية كوكب الارض لازم سرعتها تتخطى 11 كم / ث تقريبا تقريبا 10 اضعاف سرعة رصاصة البندقية و 34 ضعف سرعة الصوت غالبا اطلاق سفن الفضاء بيتسارع ليتخطى السرعة دى و قد يصل الى 25 كم / ث و يمكن اكتر يعنى تعملك مشوار من القاهرة لاسكندرية فى 8 ثوانى المشكلة بس فى الرادار ! و دون الدخول فى تفاصيل علمية الخروج يجب انه يكون فى مسار منحنى قال تعالى: (وَلَوْ فَتَحْنَا عَلَيْهِمْ بَاباً مِنَ السَّمَاءِ فَظَلُّوا فِيهِ يَعْرُجُونَ لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ) (الحجر:14،15 و يفجأ من يخرج الى الفضاء ان الشمس قرص ازرق على خلفية كاحلة السواد http://www.historyforkids.org/scienc...nfromspace.jpg و ان النهار ده عبارة عن شريط ازرق رفيع بسمك 200 كم تقريبا فوق سطح الارض http://www.kidsgeo.com/images/earths-atmosphere.jpg و كوكبنا الجميل بيدور حولين الشمس بسرعة خطية تقريبا 100 الف كم / س يعنى اسرع الف مرة من عربيتك و انت ماشى على الصحراوى و سرعة دوران سطح الارض تقريبا 1600 كم / س علشان تلحق تلفلها لفة كاملة حولين نفسها فى 24 ساعة و طالما خرجنا الى الفضاء حيبتدى يبان حقيقة حجم كوكبنا بالنسبة للحواليه مثلا بالنسبة للشمس ( اقرب نجم لينا ) ادنا مليون مرة فى الحجم بس احنا بعيد عنها جدا 150 مليون كم علشان كده الضوء الى هو سرعته 300 الف كم / ث بيوصلنا من الشمس فى 8 دقايق تقريبا يعنى الشمس الى احنا بنشوفها فى الحقيقة هى الشمس فى الماضى من 8 دقايق ههه هههههه هههههههههههههههه |
رد: رحلة الى اعماق الكون : 2- الهروب من الارض
سبحان الله
كل شئ خلقناه بقدر ربنا سبحانه وتعالي لما خلي الشمس بعيدة عن الارض 150 مليون كم لانها لو اقرب من كدة كنا زماننا اتحرقنا!! ننتظر المزيد |
رد: رحلة الى اعماق الكون : 2- الهروب من الارض
تسلم ايدك ياباشمهندس أحمد معلومات رائعة وننظر الباقى - معلش إحنا طماعين
|
رد: رحلة الى اعماق الكون : 2- الهروب من الارض
اقتباس:
اقتباس:
اقتباس:
بس ححط التعليق هنا مرة كنت بتفرج على حلقة لزغلول النجار و قال ان اول بشرى خرج من الغلاف الجوى ( مش متأكد يورى جاجارين هو الى قال و لا نيل ارمسترونج انا عارف ان يورى هو اول بشرى يخرج الفضاء ) المهم انه لما اتفاجىء بمشهد الشمس كقرص ازرق و السماء حالكة السواد و النهار مجرد طبقة رفيعة فوق سطح الارض فقال : يبدو و كاننى قد فقدت بصرى او اننى مسست بالسحر It seems like I've lost my vision or I've been touched by magic نفس معنى الاية الكريمة |
رد: رحلة الى اعماق الكون : 2- الهروب من الارض
سبحان الله و الله يا باشمهندس الكلام ده هو الى بيحرك القلب و احنا بس الى الدنيا واخدانا جزاك الله خيراً |
رد: رحلة الى اعماق الكون : 2- الهروب من الارض
اقتباس:
قال الله تعالى ( إن في خلق السموات والأرض واختلاف الليل والنهار والفلك التي تجري في البحر بما ينفع الناس وما أنزل الله من السماء من ماء فأحيا به الأرض بعد موتها وبث فيها من كل دابة وتصريف الرياح والسحاب المسخر بين السماء والأرض لآيات لقوم يعقلون ) [ البقرة : 164 ] |
رد: رحلة الى اعماق الكون : 2- الهروب من الارض
بصراحة انا كان في حاجه كدة مش عارفة اقولها ولا لا
اصلا انا فاكرة ان كان جالي ايميل بيقول ان موضوع الصعود الي سطح القمر والكلام دة كله محصلش !!!!مستغربين طبعا بصراحة هو ايميل قديم وحاولت ادور علية لكن للاسف مش لاقياة وكنت بدور في تفسير الاية بتاعة سورة الرحمن القائلة يا معشر الجن والانس ان استطعتم ان تنفذو من اقطار السماوات والارض فانفذو لا تنفذون الا بسلطان وشفت التفسير دة وجاء في تعليق هامشي ما يلي: ثبت حتي الآن ضخامة المجهودات والطاقات المطلوبة للنفاذ من نطاق جاذبية الأرض, وحيث اقتضي النجاح الجزئي في ريادة الفضاء ــ لمدة محددة جدا بالنسبة لعظم الكون ــ بذل الكثير من الجهود العلمية الضخمة في شتي الميادين... فضلا عن التكاليف المادية الخيالية التي انفقت في ذلك ومازالت تنفق, ويدل ذلك دلالة قاطعة علي ان النفاذ المطلق من اقطار السماوات والأرض التي تبلغ ملايين السنين الضوئية لإنس أو جن مستحيل http://quran-m.com/container.php?fun=artview&id=981 هل المقصود بيها النفاذ من اقطار السماوات يعني المجرة كاملة ولا السماء الدنيا فقط ولو السماء الدنيا هل فعلا تم اختراقها ولا اية |
| الساعة الآن 01:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017