|
محتاجة عربية هاتشباك ضرورى ؟؟
السلام عليكم جميعا انا محتاجة عر بية هاتشباك من byd ويكون سعرها مناسب ومش عارفة استقر على حاجة لان f0 بيقولوا انها مش هتنتج تانى ياريت اى حد يفيدنى ؟؟؟ |
رد: محتاجة عربية هاتشباك ضرورى ؟؟
نصيحة لوجه الله ابعدي عن ال f0 بالذات لو هتيجيبي byd خليكي في السيدان وبلاش الهاتش باك بتعتها تقفيلها ضايع ومفيش اي عوازل وانا كنت حاسس اني وانا راكبها اني راكب لعبة مش عربية مفتحاها لوحد ممكن يتكسر في ايد االواحد وهو بيدور العربية
خليكي في ال A113 او البيكانتوا او i10 |
رد: محتاجة عربية هاتشباك ضرورى ؟؟
اقتباس:
الف شكر لرد حضرتك بس انا لفيت كتير ودورت اكتر على النت ولقيت فى مشاكل كتير فى 113 اولها العفشة وفى مشاكل فى الفتيس انا معايا ماروتى وبالرغم من قلة امكانياتها بس بقالها 3 سنين معايا وزى الفل ... الله المستعان |
رد: محتاجة عربية هاتشباك ضرورى ؟؟
اقتباس:
|
رد: محتاجة عربية هاتشباك ضرورى ؟؟
اقتباس:
عندك حق والله وطبعا الف حمد وشكر على نعمته عليا بس المشكلة ان الماروتى مش فيها تكييف وانا موظفة يعنى يوميا فى الشارع وده شئ متعب جدا والله انا بفكر فى السلاريو ايلى هى بدل التو لان ايلى يجرب سوزوكى صعب يغير ... ربنا ييسر ان شاء الله ويرشدنى للصالح |
رد: محتاجة عربية هاتشباك ضرورى ؟؟
اقتباس:
السيارة f0 سيارة جيدة جدا بالنسبة للقيمة السعرية وتقفيل السيارة من الداخل ممتاز واتزان السيارة اثناء القيادة ونسبة التسارع رائعة بالرغم من صغر حجم المحرك وكونه ثلاثة سلندرات فقط وكان يعيبها فقط عدم وجود بور فى الدركسيون ولكن الموجودة فى الصين بها بور والشركة متوقفة الان عن استيرادها فى انتظار استقرار الاسعار لان موديل 2012 سيكون غالى نظرا لوجود كماليات اكثر مثل مانع الانزلاق وair bags وسعرها سيقترب من 60000 مما يجعله غير منافس لموديلات اخرى ولكن من حيث الجودة البى واى دى افضل بكثير ويمكنك مراجعة المشاركات التى كتبها الاعضاء الذين اشتروا السيارة بالفعل ومعرفة انطباعهم بعد استخدامها لفترة معقولة وانا شاهدت السيارة فى التوكيل فى القطامية لما كنت باعمل صيانة 5000 لسيارتى f3 واعجبت بها جدا وجودة خامتها وشكلها الرائع ودقة تجميعها الذين يضارع السيارات اليابانية المحترمة ولو امامك سيارة مستعملة للبيع توكلى على الله واشتريها ولن تندمى لكن بعد تجربة الدركسيون لانه هيكون تقيل شوية بسبب عدم وجود البور تقبلى تحياتى |
رد: محتاجة عربية هاتشباك ضرورى ؟؟
دى مشاركة من احد الاعضاء المحترمين الذين اشتروا السيارة وكتب انطباعه بعد الالف الاولى اتركك مع المشاركة
(السلام عليكم يا رجاله المنتدي.... انا الحمد لله وفقني لشراء السياره ال BYD F0 و استلمت يوم 21/12/2010 و الحمد لله رخصت و عملت 1150 كيلو الى حد الان...... انا اسف ملحقتش اصور العربيه و إن شاء الله هرفع صورها قريب.... -*- الموتور: هو اتنين كامه 12 صباب ثلاثه سلندر الف سى سى صيني الصنع سير الكاتينه بتاعه جنزير و بيطلع حوالي 60 حصان او اقل قليلاً... الموتور عمرك ما تحس انه صغير او تلاته سلندر (شخصياً كنت متوقع انها موتور توكتوك و هيبقي سحبها في الضياع بس الصراحه اثبتت جداره وهي في سحبها قريبه جداً من البكانتو) بالنسبه للموتور مع التكييف بيبقي متكتف و تحس ان سحيها قل و دا طبيعي جداً بالنسبه برضه لعربيه موتورها صغير بس اللي يعوض ده ان التكييف بجد بسم الله ما شاء الله معقول جداً و بيبرد العربيه كلها.... عيب برضه في الموتور تحس انه صوته عالي شويه و لما سألت قالولي طبيعي عشان 3 سلندر و فيه رعشه بسيطه برضه لما سألت كان نفس الرد .و جربت السيريون وان (1000 سى سى و تلاته سلندر الصراحه صوتها اقل شويه و الرعشه محدوده فيها بس فرق السعر طبعاً ).... بالنسبه لاستهلاك البنزين بصراحه هي اقتصاديه للغايه انا سافرت بيها و حسبتها اخدت 23 لتر و عملت 407 كيلو (يعني حوالي 17 كيلو في اللتر) و بسرعه تتراوح بين 100 -120 . و التنك بتاعها 30 لتر.... -*- العفشه :- الصراحه بسم الله ما شاء الله العربيه ماسكه نفسها جداً علي الارض و في تفس الوقت العافشه مش ناشفه..... كنت ماشي في طريق النصر و بنت بتتكلم في الموبايل وانا كنت ماشي على 70 وفجأه عدت الشارع قدامي مكنش في حل غير اني اخبطها يا إما اجازف بأني افاديها علي سرعه و قد كان لفيت الدركسيون حوالي نص لفه او اكتر يمين في شمال و دايس فرامل و الحمد لله فاديتها و بصراحه فوجئت من ثباتها على الارض ولا تنطيط في العربيه ورا ولا زحفت لجنبها و الجو دا مع العلم ان العربيه وزنها حوالي 900 كيلو تقريباص (عمات نفس الحركه دي قبل كده بعربيتي القديمه كان مصيري انها زحفت بجنبها و طلعت على الرصيف بس كنت ماشى 80 او اكتر سنه) الدركسيون مش باور و هي اساسا مش محتاجه لان بجد دركسيونها خفيف و بصراحه دا عملي مشكله (ولا يمكن عشان اتعودت على البولونيز ) -*- الفرامل : شخصياً انا حاسس انها عندي محتاجه تظبيط لان بعد حوالي 300 كيلو الدواسه وطيت و ما بقتش تقفش غير في اخر المشوار و التيل في صفاره غبيه جداً بس هي قبل كده كانت تمام زي الفل (غالباً محتاجه يتاخد هوا من دوره الفرامل و التيل نوعه رديء لان التيل ملحقش). -*- التفيل: الصراحه تقفيلها جيد جداً و في رأيي الشخصي انضف بكتير من الاسبرانزا 113 بمراحل حتي في نوعيه الخامات المستخدمه في التابلوه و فرش الكراسي و السقف.... الكاسيت اسطوانات (audio only) و راديو ووصله AUX لو هتوصل IPOD OR MP3 و فيها سماعتين في التابلوه مخفيين فيه بطريقه شيك جداً و في مكان للسماعات في كل باب و صوتهك كويس جداً وواضح وانا شخصياً مقنع انهم كفايه ...... البابين اللي ورا القزاز بتاعهم شراه بتتفتح للخارج و شكلهم شيك جداً بس العيب لو حد قاعد ورا وحب يشرب سيجاره توقع انه هيطفي يا في الكنبه يا في الارض ..... هي عربيه مناسبه جداً لاربع اشخاص (لكن لو انت زي حالاتي من اللي برجعوا الكرسي لاخر المجرى و بيريح الظهر سنه اللي هيقعد وراك لو قعد هيدعي عليك) لكن في الوضع العادي بتاخد 4 اشخاص بالغين و مرتاحين...... انا اللي بجد حابب اوضحه ان المنتج الصيني بيتحسن كل يوم عن الاخر و جودته بتعلي عن الاول يوم بعد يوم و بينافس بشراسه جميع المنتجات على صعيد واسع (انا بتكلم هنا عن الصيني المعلوم الهويه ) و بأسعار منافسه جداً..... الدور الاهم على التوكيل انه يظهر المنتج للناس و يبتدي يعمل توعيه و يحسن من مستوي الخدمه المقدم عشان بجد يكسب مستهلكين لان بجد في فئه واسعه من الناس بتدور على عربيه جديده و تكون مضومونه و يثق بها بدل ما يشتري مستعمل و يكون سعرها منطقي (عن تجربه غير لطيفه باالمره مع المستعمل خسرت فيها اكثر من 15 الف في اقل من 30 يوم .....) وحابب اشكر جميع الاخوه هنا في قسم BYD اللي بجد ساعدوني و شكر خاص للاخ الفاضل أحمد اللي بجد نورلي الدنيا قبل ما شتري..... يا رب اكون افدت....) للاسف لن استطيع ذكر الرابط لانه فى منتدى منافس ولن تقبل الادارة ذلك |
| الساعة الآن 08:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017