احترت وتعبت من كتر ديه ولا ديه ولا ماشتريش خالص احسن ؟
 

امامى عربية سيفيك موديل 93 بسعر 44500 جنية اوتوماتيك موتور 1500 vlave ـ باور ـ تكييف ـ زجاج كهرباء ـ وحدات رفع ـ كاوشات سرعات ـ جنوط ـ فوج لايت ـ شكمان ديفيل - كاسيت DVD
الكل اجمع ان حالتها جيدة جدا مع وجود خبطة غى الرفرف الخلفى يمين معمول بس برضه اجمعوا انه لايعيب العربيه
مع العلم انه محول البطاريه مخليها فى شنطة العربية واحد اصدقائى اللى بيفهموا فى العربيات خوفنى جدا من الحركه ديه
والكل اجمع ان السعر غالى وقالولى خليك فى اللانوس او الاكسنت

وواحد صاحبى لفت نظرى للفولكس من 95-2000 وسعرها لاقيت قريب

مش عارف اعمل ايه وخاصة ان دى
اول مره اشترى سياره ارجوكم افتونى بما يرضى الله ؟

رد: احترت وتعبت من كتر ديه ولا ديه ولا ماشتريش خالص احسن ؟
 

رد: احترت وتعبت من كتر ديه ولا ديه ولا ماشتريش خالص احسن ؟
 

حلوة لانوس جميلة وفى ناس كتير بتشكر فيها
وزى استاذ سالم لما قالك فلوسك تجيب احسن لانوس
اهم حاجة متستعجلش وتفحص العربية كويس عند سمكرى دوقرم :w6w2005041122473461 .

رد: احترت وتعبت من كتر ديه ولا ديه ولا ماشتريش خالص احسن ؟
 

طالما أول مرة فى العربيات متخرجش عن الكورى ولو لقيت فيرنا تبقى احسن علشان قطع غيارها فى اللذيذ وعند البقالين وموش حتتعبك والفيرنا افضل من اللانوس ومتخرجش عن الانتين دول وابعد عن الالمانى وبذات مستعمل اعطاله كتير ومفيش مكيانيكية كتير بيفهموا فيه يدوبك كام ميكانيكى يتعدوا على صوابع الأرجل ههه وبالنسبة للهوندا سيفيك لو انتا موش من بورسعيد متقربش منها
سلامى :Wkiss5:

رد: احترت وتعبت من كتر ديه ولا ديه ولا ماشتريش خالص احسن ؟
 

شكرا جدا ياجماعة على الرد
لكن انا عايز رايكم فى السيفيك 93-94 انا عارف ان المعروضه عليه غاليه شويه ونص بس انا شفتها حالتها كويسه وانا ميال ليها اعمل ايه وخاصة انا نزلت السوق ويارتنى ما كنت مزلت احبطت اخر حاجه اسعار مولعه وعربيات ...........
اعمل ايه اشترى وخلاص على انى محبش خلاص لان احنا ما بنلاقيش الفلوس

رد: احترت وتعبت من كتر ديه ولا ديه ولا ماشتريش خالص احسن ؟
 

مفيش حاجة اسمها تشترى وخلاص بدل متقع فى عربية تقرفك
ولو عاوز تشترى سيفيك محترم عليك وعلى بورسعيد لانهم عشاق الهوندا

رد: احترت وتعبت من كتر ديه ولا ديه ولا ماشتريش خالص احسن ؟
 

السيفيك قليلة وقطع غيارها غالية، والسعر ده غالي، خليك في الكوري هتجيب حاجة 2005 مستريح بالمبلغ ده، وهتبقى حالتها حلوة وقطع غيارها متوفرة وبأسعار كويسة، ولما تيجي تبيع هتبيع بسهولة ومش هتخسر كثير.
ولو إنت عادي ممكن تركب عربية صغيرة هات عربية زيرو وريح دماغك، عندك لادا سمارا، وسوزوكي ألتو، عربيتين كويسين ويقضوا الغرض، ومش هيبقى فيهم وجع دماغ المستعمل. وفي طبعا لادا 2107 بس الناس مش بتحبها عشان خشنة وشكلها قديم، عموما رأيي مهما كان الزيرو شكله على قده أو صغير فهو أحسن من المستعمل، اسمك أول واحد يركبها. ودي نصيحة لوجه الله، وربنا يوفقك