|
معلش بتقل عليكم عايز اظبط عربيتى 125 بولندى
السلام عليكم ورحمه الله وبركاته دلوقتى ايه ممكن اعمله من بره مثلا جنوط استاذ طارق افدنى وقالى جنوط 131 مروحه واعتقد عتبقا حلوه طب بالنسبه للنواكل زى ايدين الابواب والاكصدامات لو حد يعرف سعرها ايه اووممكن اعمل ايه تانى وبالنسبه لداخل العربيه ايه اقتراحتكم وياريت اللى يعرف الاسعار يقولها معلش بتقل عليكم بس اعمل ايه المنتدى الجميل والناس الاعضاء المحترمه الجميله بتطمعنا نسال ونلاقى حد يجيب علينا زى مثلا نجم المنتدى استاذ طارق ابوزيد |
رد: معلش بتقل عليكم عايز اظبط عربيتى 125 بولندى
اخى العزيز هل تريد شد السياره من اولها الى اخرها قول لى ماذا تريد بالتحديد وان شاء الله اجاوبك على ما تريده
|
رد: معلش بتقل عليكم عايز اظبط عربيتى 125 بولندى
نعم اخى فى الله استاذ طارق
اريد ان اشد العربيه من اولها لاخرها بس واحده واحده يعنى تقسيمهالى جزء جزء كمان عشان الفلوس تبقا جزء جزء هى حالتهاجيده بس انا عايز اشدها تبقا شكلها حلو شبايى وعائليه فى نفس الوقت يعنى نركز على الحاجات الاساسيه على فكره انا عندى اربع كاوتش تيوبلس ممكن عادى اغير واجيب جنوط حديد 131 مروحه ولا عيبقا فى شغل والتابلوه برضه على قده لو ممكن اغيره بحاجه احدث وعلى فكره السياره م 79 ومقدما جزاك الله خيرا على مجهودك معنا فى المنتدى من غير اى غرض سوا مساعده الاخرين وبارك الله لك فى مالك واهلك |
رد: معلش بتقل عليكم عايز اظبط عربيتى 125 بولندى
بارك الله فيك على دعائك وهذا كل ما ارجوه
اما بخصوص شد سيارتك فأهم شئ الاساسيات وهى كالاتى دفيره السياره ثم العفشه اما بخصوص تغير الجنوط على الكوتش الموجود عندك فلا يوجد اى مشكله فى تركيبه وبخصوص الطبلوه ممكن تغيره لاى نوع افضل منه وممكن ايضا تركب طابلوه لسياره حديثه مع اطمه المهم هو المقاس اما بخصوص شد العفشه فهى كالاتى اثنان مساعد امامى للسياره 132 ثم جلب مقصات وافضل نوع البولندى ثم الكشف على بيض المقصات والبارات ونصيحه لا تكبس اى باره ولا بيضه مقص ثم الكشف على تيش النص وعلبه الدركسيون وافضل علبه ليك هى 132 خمسه بليه واذا اردت معرفه اى شئ اخر اكتب وان شاء الله سأرد عليك ولا تنسانى فى الدعاء |
رد: معلش بتقل عليكم عايز اظبط عربيتى 125 بولندى
بارك الله فيك استاذ طارق
بس لو فى اسعار الحاجات دى تبقا ميه ميه يعنى مثلا الاول انا عايز اغير تابلوه اى نوع ممكن اجيبه وسعره تقريبا كام ودفيره العربيه دى بكام |
رد: معلش بتقل عليكم عايز اظبط عربيتى 125 بولندى
وبالنسبه لعلبه الدركسيون 132 5 بليه بكام وهل هى جديده ولا مستعمله
|
رد: معلش بتقل عليكم عايز اظبط عربيتى 125 بولندى
استاذ طارق لو ممكن كمان سؤال
انا عندى الفتيس مدوخنى والنقلات بتبقا سعات لما اجيب الاول ميجيش ويفضل الموتور صوته يعلى بس وهكذا فى التانى وبالنسبه للمارشدير بيجى بشق النفس بيجى معايا بالعافيه ممكن فى حل اغير الفتيس او اغير ايه؟ ارجو منك الرد اخى العزيز بارك الله فيك |
| الساعة الآن 12:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017