ستروين AX 94
 

محدش يعرف واحد بتاع قطع غيار AX 94 في الاسكندريه انا لاقيت واحد في صلاح الدين بس حرامي قوي كل يوم يقولي علي حاجه بسعر مختلف يعني مثلا سالته علي سير تقسيمه قالي اول مرة 45 جنيه وبعدها ب 3 ايام فقط نفس السير قالي ب 75 جنيه بعت واحد صاحبي يسال علي سبيل الخباثه وفي نفس اليوم قاله 60 جنيه وطبعا دي ااقل حاجه ممكن اتكلم فيها وانا محتاج اغير طقم سيور وعايز مساعديين وشويه حاجات اكسسوار فوانيس و رفايع

معلش لو طولت عليكوا بس الراجل دا هيجنني :crazyW14::crazyW14::craz yW14:

رد: AX 94
 

بص يا باشا مافيش مشكله ان يبقى فى تفاوت فى الاسعار من تاجر للتانى وممكن برضه برضه التاجر يبقى عنده كذا سعر لنفس الحاجه لانه بكذا ذمه ومش مهم كل ده
المهم يا يا بوب هو تقدير القيمة الفعلية للشىء يعنى مثلا حضرتك بتقول عايز طقم فوانيس مثلا متوسط سعر الجوز 300 يعنى يزيد او يقل فا لما حضرتك تروح تشترى سيبه يقول زى ماهو عايز ان شاء الله يقول 1000 فين كلامك انت بقى؟؟؟ الفصال يعنى ومن هنا لهنا هتاخد بالسعر المعقول وهاتقضى حاجتك وهوه برضه هايكسب لكن زى ما قولت لحضرتك كده ..... تقدير القيمة الفعلية للشىء ده من ناحيه وممكن تسأل فى قسم ملاكى اسكندرية بحكم ان معظم اعضاءة اسكندرانية وخدومين جدا وان شاء الله هايقولولك
وعندك كذا موضوع عن اسعار قطع غيار ax بص عليهم وخد فكره عن سعر اى حاجه ممكن تشتريها عشان ماتشتريش بالغالى المبالغ فيه
بالنسبة لطقم السيور انا غيرته اول ما اشتريت العربية وطبعا كان جديد
سير كاتينة 70
سير دينامو 30
فلتر هواء 35
فلتر زيت مره 15 ومره 40 طبعا على حسب بلد المنشأ
طقم بوجيهات مره 30 ومره 45 على حسب الجوده
فلتر بنزين 15
يعنى دى بعض الحاجات بتاعة السرفيس اللى ممكن تحتاجها
وان شاء الله تحت امرك فى اى استفسار اخر:12A96E~160:

رد: AX 94
 

تسلم يا كبير انا ابتديت احس ان مفيش حد معاه ستروين غيرنا ايه ياترى

رد: AX 94
 

لا ازاى يعنى ؟؟؟؟؟ هتلاقى الناس بس مأنتخة من الصيام والحر مع بعض
قول كل اللى انت عايزة وهتلاقينىوتلاقى غيرة فى تواصل مستمر ان شاء
وبالمناسبة كل يوم يعدى علينا بنكتشف ونجرب حاجات جديدة بنتعلمها من بعض
واسأل مجرب

رد: AX 94
 

عندك حق ادعيلي انا ابتديت اشدها بقولك انت التكيف عندك شغال ولو شغال ال ار بي ام بتاعك بيزيد لما بتشغله ولا لا علشان عندي بحس ان ال ار بي ام مش بيتحرك وكان واحد اعرفه قالي اغلب الفرنساوي كدا

رد: AX 94
 

الحقيقة انا مش عندى تكييف للاسف
لكن بالمنطق والعقل كده ان لما تشغل التكييف عدد لفات الموتور بتزيد لان التكييف بياخد من الموتور والله اعلم لكن يمكن يكون الفرنساوى كده !!!!!
اسأل تكييفجى احسن
ربنا يعينك على الشد والتجديد وماتنساش تعملنا موضوع خاص عن تجربتك دى يا باشاROSE4U

رد: AX 94
 

معلومات مفيدة جزاكم الله خيرا