|
استفسار مهم جدا
فى واحد صاحبى لسة شارى عربية مستعملة العربية مرور النزهة والملف بتاعها هناك وهو تبع مرور السلام وما ادراكم ما هو مرور السلام المهم هل ينفع ينقل الملكية ويرخص فى مرور النزهة على اساس ان العربية ملفها هناك ولا لازم ينقل الى مرور السلام فى ناس بتقول الربية على حسب ملفها لو انت عايز ترخص فى نفس المرور عادى وناس تقول لازم ترخص فى المرور اللى انت تبعة ياريت حد يقدر يفيدنا وله جزيل الشكر
|
رد: استفسار مهم جدا
لو هتسجل العربية بأسمك وهترخص بأسمك يبقي لازم تنقل مرور السلام وربنا يعينك علي قسم المتنوع هناك انا كنت ببات هناك في قسم المتنوع يعني اللي جي من اي مرور الي مرور السلام
لكن لو هتمشي بالتوكيل هترخص عادي في النزهه وربنا معاك انا بعت عربيتي بسبب مرور السلام |
رد: استفسار مهم جدا
الف شكر يا باشا على التوضيحشكر وتقدير
|
رد: استفسار مهم جدا
اسوأ مرور على مستوى الجمهورية مرور السلام
ربنا يرحمنا منه |
رد: استفسار مهم جدا
معلش يا باشا هتقل عليك طيب ايه الاجراءات لو هاننقل الرخصة الخاصة من مرور السلام الى مرور مدينة نصر طبعا بعد مانكون غيرنا الاقامة الى مدينة نصر يعنى اروح مرور السلام الاول ونقول انا عايز انقل مدينة نصر ولا نعمل ايه وايه المطلوب بالظبط والف شكر ليك يا باشا:funny25::funny25::fu nny25::funny25::funny25:: funny25:
|
رد: استفسار مهم جدا
اخى الكريم للنقل من مرور لمرور اتبع الاتى
1 : شهاده مخالفات 2 : شهاده بينات موجهه للمرو الجديد اذا كانت الرخصه منتهيه فعليك بدفع الضريبه قبل النقل 3 : اثبات الاقامه الجديده فى البطاقه والله يوفقك |
رد: استفسار مهم جدا
مداخلة
اخى الكريم yasser tito لو انت عاوز ترخص فى مرور النزهة مش هاينفع خالص الا لو انت معاك توكيل بالادارة ومكتوب فية صريحة انك ليك الحق فى التعامل مع المرور والتجديد باسم المالك القديم.........وعلى فكرة مش هاينفع تطلع توكيل بالادارة لنفسك بموجب توكيل البيع والشراء ولا حتى بعقد البيع المسجل واعتقد انة من الصعب جداااااااااا ان المالك القديم يعملك توكيل بالادارة لانة بيدفع ضريبة ميزة لو اشترى عربية تانى ......................... ............ اما بقى اجراءات نقل الملكية هاتروح المرور القديم عشان تجيب شهادة مخالفات من هناك ودى الورقة الوحيدة اللى مطلوبة منك من المرور القديم بس لو الرخصة منتهية او معاك تصريح تسير لازم تجيب شهادة بيانات من المرور القديم تصحى الصبح بدرى تصلى الفجر وتنزل بدرى وتاخد عربيتك وهوب على مرور السلام اول ما تروح هناك مش هتلاقى موظفين على الشبابيك بس ممكن تستغل الوقت وتشترى نموذج فحص وتملاة وتختم شهادة صلاحية الطفاية وتستنضف اى شركة تامين وتدفع التامين الاجبارى على حسب مزاجك سنة او تلاتة بص بعينك كدة يمين وشمال هتلاقى العامل اللى بياخد البصمة تديلة احلى خمسة جنية وهايخادلك بصمة الموتور وبصمة الشاسية متهيالى بقى كدة الموظفين جم دور على مهندس الفحص وخلية يختملك الورق بعد ما يشوف شنطة الاسعاف والمثلت اتكل على الله وشوف شباك فاضى واقف ادامة ومعاك نموذج الفحص + شهادة المخالفات من مرور النزهة + الورقة اللى بتفيد صلاحية الطفاية وعدد 2 صورة بطاقة وعدد 2 صورة الرخصة هاتقدم الاوراق دى للموظف هايطلعك اذن تورد نقدية بالمبلغ المطلوب وعلى حسب هاتجدد كام سنة تروح زى الباشا تدفع وترجعلة وتقف تستنى دورك اما يندهو عليك اول ما تستلم الرخصة لازم تتاكد من جميع البيانات المدونة فى الرخصة والسلام عليكم ورحمة الله وبركاتة |
| الساعة الآن 07:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017