مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   متسوبيشى Mitsubishi (https://www.masrmotors.com/vb/forumdisplay.php?f=29)
-   -   حد جرب منظف الرشاشات قبل كده ياجماعه (https://www.masrmotors.com/vb/showthread.php?t=63335)

dede_sese 17-07-2011 02:36 PM
حد جرب منظف الرشاشات قبل كده ياجماعه
 
حد جرب منظف الرشاشات قبل كده ياجماعه, هل ليها تاثير فعلا , وايه احسن الماركات, وازاى الاستعمال, وهل فعلا لازم اغير البوجيهات بعد تنظيف الرشاشات.

akerima 17-07-2011 05:29 PM
رد: حد جرب منظف الرشاشات قبل كده ياجماعه
 
منظف الرشاشات لة انواع كتير انا عن نفسي مجرب STP بحوالي 29ج وبيتحط قبل ما تفول العربية تفويلة كامله علي تانك شبة فاضي وبيتحط كل 10000 كيلو وهو اجراء وقائي الا لو كان عندك مشكلة في الرشاشات يبقي علاج - وطبعا مابتغيرش البوجيهات بعدها

dede_sese 19-07-2011 12:40 PM
رد: حد جرب منظف الرشاشات قبل كده ياجماعه
 
طب هى بتعالج ايه.وهل ليها اى مضار

د.هبه77 21-07-2011 07:08 PM
رد: حد جرب منظف الرشاشات قبل كده ياجماعه
 
طيب يعني احطة مكان البنزين قبل تفويلة كاملة ازاي مش فاهمة دي؟
يعني تنك البنزين يكون فاضي خالص وبعدها يتحط؟
ولا اية؟
والبوجيهات مفروض تتغير كل اد اية ؟

HaMaDa-ToUBaR 06-08-2011 07:53 AM
رد: حد جرب منظف الرشاشات قبل كده ياجماعه
 
حضرتك يا دكتور دة عبارة عن سائل بنحطة فى فتحة التنك الى هى الفتحة الى بتاع البنزينة بيحط فيها المسدس ...ولازم يكون التنك فاضى او فى بنزين حاجة بسيطة يعنى العربية تكون مشطبة بنزين او فيها حاجة بسيطة جدا وبعدين نمليها بنزين بعد ما نحط المنظف دة ... والبوجيها المفروض تتغير كل 40 الف كيلو

احمد الشناوى1981 06-08-2011 11:08 AM
رد: حد جرب منظف الرشاشات قبل كده ياجماعه
 
اقتباس:
المشاركة الأصلية كتبت بواسطة HaMaDa-ToUBaR (المشاركة 489667)
حضرتك يا دكتور دة عبارة عن سائل بنحطة فى فتحة التنك الى هى الفتحة الى بتاع البنزينة بيحط فيها المسدس ...ولازم يكون التنك فاضى او فى بنزين حاجة بسيطة يعنى العربية تكون مشطبة بنزين او فيها حاجة بسيطة جدا وبعدين نمليها بنزين بعد ما نحط المنظف دة ... والبوجيها المفروض تتغير كل 40 الف كيلو
ليييه برضه بنحطه و التانك فاضى ؟؟؟ هل دى معلومه اكيده او هو مكتوب كده عليه

Limoway 06-08-2011 11:58 AM
رد: حد جرب منظف الرشاشات قبل كده ياجماعه
 
اقتباس:
المشاركة الأصلية كتبت بواسطة احمد الشناوى1981 (المشاركة 489691)
ليييه برضه بنحطه و التانك فاضى ؟؟؟ هل دى معلومه اكيده او هو مكتوب كده عليه
بص يا أستاذ أحمد.

منظفات الرشاشات نوعين.

نوع غالي في حدود 150 جنيه. بس ده مبيتحطش علي البنزين.
الرشاشات بتتفك وتتحط علي مكنه تنظيف رشاشات بتضخ منظف الرشاشات جوه الرشاش وبتخليه جوز اللوز. بيرجع زي ما كان طالع من التوكيل.
العمليه دي بالإضافه لتغيير البوجيهات والفلاتر والزيت إسمها تصفية محرك engine tune up
بالنسبه للحل الإقتصادي. المنظف مع البنزين.
ده شغل تلصيم لو عندك مشكله في الأداء ويصلح فقط كإجراء وقائي.
وسبب إضافته علي تنك فاضي هو مراعاة نسبة الخلط. بيكون مكتوب علي العبوه إنها بتتضاف علي 50 لتر بنزين مثلا. فا حضرتك بتستني علي التنك يفضي. وتروح البنزينه تحط 50 لتر ومعاهم إزازة المنظف المتينه. وبعديها يبقي قدامك سكة سفر. لإنه بيفضل تمشي علي سرعه عاليه لمده طويله علشان تلاقي نتيجه. من الاخر إعملها وانت طالع تصيف بالعربيه مثلا.

طبعا أنا مجرب كل الطرق دي والي إدتهولك ده هو الخلاصه. بس خد بالك علشان في أنواع مضروبه من المنظفات بتاعة البنزين. أحسن حاجه تشتريه من التوكيل.

بس إبعد عن توكيل الإسبرانزا لإنه أكيد هيكون صيني :286:


الساعة الآن 07:30 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017