لو يرضيكوا اتنفخ اوك
 

يارجاله انا بقالى شهرين بقول مطلوب ماروتى و محدش سال فيا
هى الماروتى قلت فى البلد و لا ايه
مغقول مفيش و لا و احد عاوز يبيع ماروتى

ماشى للمره (6666665151548888878)

مطلوب ماروتى ابتداء من موديل 97 فما فوق تكون مش محتاجه اى مصاريف
لو رشه خارج مش مشكله
المهم فابريقه من جوه
بس لو سمحتم بلاش اللون الاخضر الغامق

السعر 18000 لو سمحتم انا محدد السعر

ياريت تكون العربيه فى الاسكندريه او القاهره
لانى مستعجل جدا على العربيه
و جزاكم الله كل خير

رد: لو يرضيكوا اتنفخ اوك
 

يا أخي سامحني في كلامي
وأرجو أن يتسع صدرك

اللي عايز عربية هو اللي بيدور عليها
يعني تشوف الاعلانات هنا مثلا
او تشوف في مصراوي او كونتاكت كارز
أو تنزل السوق مثلا

وتقبل اعتذاري مرة أخرى

رد: لو يرضيكوا اتنفخ اوك
 

يا باشا انا بدور فى 600 موقع من زمان
شويه و هفتح موسوعه مواقع سيارات
سافرت القاهره مخصوص من الاسكندريه و مش لاقى
اعمل ايه
و فى الاسكندريه نادر لما تلاقى للبيع مش فاهم ليه
ممكن تلاقى موديل مثلا 2007 اللى اسعرها من 25 الى 30 يعنى

مفيش غير كام مره كان فى على كونتاكتكارز و كام موقع بالماصفات اللى عاوزها و يكون لسه عرضها اتصل يقولى اتباعت
حظى وحش مع الماروتى

رد: لو يرضيكوا اتنفخ اوك
 

الصبر بالله يا باشا دور براحتك و متسربعش نفسك دور إنت بس تاني و ممكن تنزل السوق يوم الجمعة بردو

رد: لو يرضيكوا اتنفخ اوك
 

وهو احنا كمان مش حواه (جمع حاوي) يا عم يحي باشا يعني انت بتقول طلعت ونزلت - بفتح الام والزال - وملاقتش باذن الله حتلاقي وباذن الله لو فية حد في المنتدي جت في وشة واحدة مش حتغلي عليك واكيد حيديك خبر - عموما النهاردة الخميس وحننزلوا السوق باذن الله النهاردة لو لقيت حاجة حظبتك:286:

رد: لو يرضيكوا اتنفخ اوك
 

انا بقالى شهر كل اسبوع بنزل القاهره مفيش فايده
و اخرها امبارح كنت هناك
ده انا كنت بشترى الجرايد و تفرج يمكن الاقى اى حاجه
و روحت الفجر بعد عذاب غير انى اتنفخت من الطريق عند بنها كان فى حادثه رهيبه و الناس قفلت العربيات و نامت فيها انا واصل قرب الساعه 8 الصبح تخيل و انا طالع الساعه 12 بليل
بالله عليك مش حاجه تنفخ الواحد
اصل انا معايا عربيتين فولكس فاجن سوران 2009
و سوبارو فيفيو هاتشباك 1995

بيعت السوبارو لان قطع غيارها ناررررررررررررررر
فوانيس ب 1200 جنيه و مش عارف ايه

فقولت اجيب ماروتى احسن
و السوران مش عاوز ابهدلها التانيه بروح الشغل بيها
كان قبل السوران معايا اوبل فيكتر

كنت بركنها قدام العياده انزل الاقى عيال فوق السقف و على الكبوت العربيه اتبهدلت و السقف اطبق
فبعتها و جبت السوران لاى مشاوير ماعدا الشغل
فانا محتاج الماروتى ضرورى جدا



ان شاء الله هبقى اسافر بكره القاهر اشوف فى سوق الجمعه يمكن يبقى ليا حظ
<o:p></o:p>

رد: لو يرضيكوا اتنفخ اوك
 

توجد ماروتى فابريقه بره وجوه وصيانه توكيل ورخصه سنتين ومؤمن عليها موديل 2009 لون شامبين ماشيه 44000 وطبعا كاسيت وسنتر وانذار متركبين بالتوكيل وفرش مطلوب فيها 27000 والاتصال على تليفون 01228411882