مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - فيرنا فيفا .. !! (https://www.masrmotors.com/vb/showthread.php?t=6295)

فيرنا فيفا .. !!

يا جماعة رأيكوا ايه فى الفيرنا فيفا ؟؟
لو حد معاه العربية يا ريت يقولنا تقييم عنها وخاصة من ناحية:
1- توافر قطع الغيار وأسعارها
2 - هل هى عالية عن الأرض ولا واطية وبتحك وخاصة لو حد قاعد ورا ؟
3- الاعتمادية ومدى التحمل.
4- لو جبتها هاف أوبشن ينفع أركبلها الحاجات الناقصة بدون ما تخرج من الضمان ؟

أنا بفكر بينها وبين الرينو لوجان ومحتار جدا بصراحة .. !!!

رد: فيرنا فيفا .. !!

بالنسبه لقطع الغيار متوفره جدا جدا جدا و خصوصا لان موتورها شبيه للموتور بتاع الاكسنت 1500

العربيه ارتفعها كويس

بالنسبه للاعتماديه ممتازه

ينفع تركبلها الحاجات الناقصه عند عشم نوار وبالتالى مش هاتخرج من الضمان

انا مش بحب اللوجان علشان قطع غيرها غاليه غير كده عاوزه التوكيل على طول للصيانه مافيش حد بيفهم فى الرينو اوى بره التوكيل

رد: فيرنا فيفا .. !!

مش حاقدر افيدك بتجربة عملية لكن الفيفا احدي موديلات هيونداي أكسنت و ترتيبهم كالتالي (من هيونداي العالمية)

- الهيونداي أكسنت موديل 99 و 200 (منشرة في مصر و نزلت أولا بموتور 1500 ثم 1300)
- فيفا و هي موديلات أكسنت 2001 و 2002 تقريبا
- فرنا و هي موديلات أكسنت 2003 و 2004 و 2005 تقريبا
- أكسنت 2 من 2006 و طالع

كل الموديلات دي بره اسمها أكسنت مع اختلاف سنة الصنع و طبعا الموديل الأحدث بيتم في تلافي مشاكل من الموديل الأقدم

بمعني ان فيرنا هي أكسنت موديل أحدث من فيرنا (أكسنت برضه)

و بالتالي الأحدث أكيد أفضل (يا ريت تكون فهمت حاجة من الكعبلة دي)

من وجهة نظر أخري السوق هو المحك الرئيسي لملائمة العربية لظروف التشغيل في مصر و بكده الفيرنا تكسب

رد: فيرنا فيفا .. !!

اقتباس:

المشاركة الأصلية كتبت بواسطة AHMEDCAR (المشاركة 30245)

متشكر جدا لحضرتك يا أستاذ أحمد ..

طيب معلش أنا بفكر ما بين الفيفا والـ I10 .. حضرتك رأيك ايه ؟؟

رد: فيرنا فيفا .. !!

اقتباس:

المشاركة الأصلية كتبت بواسطة islam_galal (المشاركة 30254)

مش حاقدر افيدك بتجربة عملية لكن الفيفا احدي موديلات هيونداي أكسنت و ترتيبهم كالتالي (من هيونداي العالمية)

- الهيونداي أكسنت موديل 99 و 200 (منشرة في مصر و نزلت أولا بموتور 1500 ثم 1300)
- فيفا و هي موديلات أكسنت 2001 و 2002 تقريبا
- فرنا و هي موديلات أكسنت 2003 و 2004 و 2005 تقريبا
- أكسنت 2 من 2006 و طالع

كل الموديلات دي بره اسمها أكسنت مع اختلاف سنة الصنع و طبعا الموديل الأحدث بيتم في تلافي مشاكل من الموديل الأقدم

بمعني ان فيرنا هي أكسنت موديل أحدث من فيرنا (أكسنت برضه)

و بالتالي الأحدث أكيد أفضل (يا ريت تكون فهمت حاجة من الكعبلة دي)

من وجهة نظر أخري السوق هو المحك الرئيسي لملائمة العربية لظروف التشغيل في مصر و بكده الفيرنا تكسب

شكرا يا أستاذ إسلام ..
بس أنا بصراحة مش عاجبانى الفيرنا المصرى .. ومش فارقة أوى حكاية الموديل الأحدث .. المهم تكون العربية تقفيلها وأدائها كويسين ..ا

رد: فيرنا فيفا .. !!

قبل مانقول تشترى ايه انت الاول فهمنى انت عاوز ايه من العربيه علشان نقدر نقول بالظبط انت تجيب ايه

رد: فيرنا فيفا .. !!

اقتباس:

المشاركة الأصلية كتبت بواسطة AHMEDCAR (المشاركة 30967)

قبل مانقول تشترى ايه انت الاول فهمنى انت عاوز ايه من العربيه علشان نقدر نقول بالظبط انت تجيب ايه

أنا عايز عربية معقولة .. دلوقتى مش فارق معايا الحجم أوى لأن أنا أسرتى صغيرة .. بس بقول بالمرة تبقى عربية فيها شنطة للمستقبل .. عربية تكون مصاريف تشغيلها معقولة .. قطع غيارها متوفرة ومش غالية .. عايز أعملها صيانة فى مراكز صيانة مش ميكاينكية بس تكون برضه مش غالية ..
وفى نفس الوقت تكون بتستحمل خاصة العفشة عشان الطرق بتاعتنا زى الزفت .. مش مهم معايا الموتور يكون قوى أوى .. لإن أنا مش بحب الجرى الجامد .. بس .. !!!

أعتقد اللوجان فيها الاستحمال والوسع بس يعيبها قطع الغيار حتبقى غالية والصيانة فى التوكيل بس وغالية ..

الفيفا قطع غيارها أعتقد متوفرة ومعقولة وفى مراكز صيانة معتمدة كتير يعنى مش لازم التوكيل نفسه وأسعارها معقولة برضه ..

الـ I10 كعربية أحسن بس عيبها الحجم الصغير وأعتقد قطع غيارها حتكون أغلى من الفيفا ..

وبرضه ساعات بفكر أجيب مستعمل نضيف وأريح نفسى لإنى لو جبت جديد حجيب قسط فشايل هم القسط وانه بيزود تمن العربية ولازم تأمين وكده .. !!!

محتااااااااااااار جداااااااااااااا ...