|
بقع اسمنت وقعت على دهان العربية.....
السلام عليكم..........
من تلات ايام تقريبا معدي من جنب عمارة بتتبني فوقع كام حتة اسمنت على بويه العربيه لما روحت طلعت حبه منهم بأيدي (كان لسه ما نشفش) المهم سبته على اساس انه شكله هيطلع بسهوله بعد بعد كده ودي كانت الغلطه بقع الاسمنت دي نشفت......البواب جه يمسحها اتعافى عليها خربش الدهان ....مش يبطل بقى اول ما لقى كده لاء جرب مع بقيت البقع طبعا خربش الدهان بتاع السقف و حته من القايم الشمال عند الشنطه والشنطه كمان...... العربيه لونها اسود و بقى منظرها زي الزفت..... هل المفروض بقى اروح لبوهيجي يشوفلي حال و لا اروح مغسله الاول اطير الاسمنت ده ولا اعمل ايه لاني حاسس ان البويه اتخربشت يعني لو اتشال الاسمنت هتفضل الخربشه.....:shwt: |
رد: بقع اسمنت وقعت على دهان العربية.....
دخلها كار كير هيظبطلك الكلام ده كله
|
رد: بقع اسمنت وقعت على دهان العربية.....
اقتباس:
|
رد: بقع اسمنت وقعت على دهان العربية.....
الكار كير
هو مغسلة عربيات وعناية عامة بالعربية كاركير car care عناية بالسيارة موجودة في كل المحافظات في رايي لو جبت فوطة فيها كمية تنر قليلة بعد الغسيل ممكن تنفع انتظر المزيد من الاراء من بقية الاعضاء:01FDAB~189: |
رد: بقع اسمنت وقعت على دهان العربية.....
اللى انا فهمتة من حضرتك ان كتل الاسمنت اللى لزقت فى الدهان لسه فيه منها بقايا ده غير اثر الخدوش الناتج عن ازالتها
اولاً بالنسبة لازالة بقايا كتل الاسمنت فحضرتك هتحاول معاها بالغسيل بمنظف الاول وتسيبة فترة على العربيه يبوش اى حاجة ملتسقة بالدهان وتشطف وتكررها حسب الحاجة وده اللى كان المفروض تعملة من الاول بس قدر الله وماشاء فعل وبعدين حضرتك تجيب علبة كومباوند بتلاتة اربعة جنية وتخلى البواب بالعلبة ديه وكيس قطن يدعك مطرح الخدوش بمعجون الكومبوند بعدين يمسحة بناء على النتيجة اللى هتوصل ليها بعد ازالة كل اثار الاسمنت والخدوش الخارجية هيبان محتاجين نعمل ايه فممكن نستخدم قلم دوكو والعربيه تتشمع وتبقى تمام وممكن تحتاج ترش تانى ما يسمى برش نظافة لو حضرتك تقدر ترفعلنا صورة كمان يبقى افضل بكتير |
رد: بقع اسمنت وقعت على دهان العربية.....
كلام ابو نورا صحيح بس فى بعض التعديلات
حضرتك هتغسل العربيه كويس والاماكن الى فيها أسمنت قبل الغسيل كل شويه تبوشها بالمياه لحد ما تبوش خالص وبعد كده هتروح لبتاع دوكو يلمع العربيه كلها بالكمبون والبولش بس بيستخدم صاروخ زى بتاع الحداد بس ضعيف عنه وراكب عليه فرشه قطن بيطلع نتايج أحسن من التلميع اليدوى لأن حضرتك والبواب هتهتم بأماكن وأماكن لأ وكده مينفعش العربيه هتلطش مش هتبقا ميه واحده وان شاء الله ترجع أحسن مكن الاول تقبل تحياتى وطمنا عليك :fun_36_3_13[1]: |
رد: بقع اسمنت وقعت على دهان العربية.....
اقتباس:
شكرا جزيلا |
| الساعة الآن 09:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017