ما هى عيوب الباسات موديل 2000-2002
 

ياريت يا جماعة اعرف ايه هى مميزات و عيوب و اسعار قطع غيار الباسات موديل 2000-2002 ولكم جزيل الشكر

رد: ما هى عيوب الباسات موديل 2000-2002
 

الموتور 1600 سى سى 115 حصان والموتور 1800 سى سى 150 والتربو 175 حصان و2000 سى سى تربو 193 حصان و1600 الى فى كويس الى حد ما فى تالت وانت طالع اما فى الاول تقيل لان العربية وزنها كبير 1750 كيلو بالنسبة لقطع الغيار موجودة فى الحرفين وبورسعيد وغالية اوى فى بورسعيد بس معمرة جدا اما التقليد زى الصينى والتايوانى كويس الى حد ما اما على الثبات روعة فوق ماتتصور وفراملها قوية جدا واوبشن بتاعها كتير

رد: ما هى عيوب الباسات موديل 2000-2002
 

رد: ما هى عيوب الباسات موديل 2000-2002
 

ربنا يكرمك بس نصيحة خلى بالك من حالة المكنة وبالنسبة للعفشة اطمن من نحيتها على فكرة 1800 سى سى التربو 170 هورس باور والعادية 150 هورس باور بس

رد: ما هى عيوب الباسات موديل 2000-2002
 

سيارة ممتازة جدا جدا بس اتأكد من الحالة لان قطع الغيار غالية شوية لكن معمرة جدا فاكشف عليها كويس قبل الشراء

رد: ما هى عيوب الباسات موديل 2000-2002
 

هو الموضوع قديم اساسا, بس انا هرد على شوية نقط غلط عشان البيدور بعد كده ميغلطش.

أولا هتكلم عن الموديل, من 98 الى 2000 شكل و بيسموها B5, و من 2001 الى 2005 شكل تانى و بيسموها باسات المعدل B5.5, الفرق اساسا فى التصميم الخارجى و بسيط اوى فى الداخلى, من بره هتحس الاكصدام الأمامى و الخلفى منفوخين شوية و الفانوس الأمامى من الاشارة عبارة عن كتلة واحدة مش منفصلين زى الشكل القديم, و من ورا الفانوس الخلفى هتلاقيه متزين أو متقطع بجزر أبيض أو شفاف من النص, و بالنسبة للداخل ملاحظتش اختلاف غير فى المسند الفى النص عريض زى الجيتا و الباسات الجديدة مش رفيع زى الفى الجولف 4 و البورا والأوكتافيا 4 و من بعد 2001 فى موديلات فى شاشة المعلومات و كمبيوتر الرحلات الفى نص العدادات و بيكون لونها أحمر.

طيب نيجى بأه للمواتير, انا ماشفتش فى مصر منها مواتير 6 أو 8 سلندر (طبعا فى بره بس أنا بتكلم عن مصر), الشكل القديم تقريبا كل النزل منو هو ال 1600 ال8 صباب و 102 حصان زى الفى البورا و الأوكتافيا a4 و الأودى a3 & a4 و السيات توليدو, و الماتور ده مش قايم بالعربية أوى و العربية ثقيلة عليه خصوصوا لو أوتو بس ده ميمنعش ان العربية هتجيب معاك سرعات عالية و بثبات ممتاز.

الشكل المعدل نزل منه 1600 و نزل من 2000 سى سى و ده ماتور 8 صباب و 114 حصان و مقوم العربية كويس.

يتبقى مواتير 1800, و دول نادر اوى ان تلقيهم ستوك أو فابريقة فى مصر من أى من العربيات الذكرناها و غاليا بيكونو متسقطين (و ده عادى فى الفولكس اهم حاجة انك تكشف كويس و تعرف المكن ده متسقط عند مين) ,و مواصفات ال 1800 كلهم 20 صباب الأول بيطلع 123 حصان, الثانى بيكون تربو و بيطلع 148 حصان و الثالث و هو اقواهم و أحدثهم و بيكون فى موديلات بعد 2002 و ده بيطلع 177 حصان, بس فى ماتور من ال2 التربو اسمع ان قطع غياره قليلة شويتين مش متواجدة, و انا عموما لسه بسأل على توافر قطع غيارهم جديد و مستعمل الأيام ديه.

رد: ما هى عيوب الباسات موديل 2000-2002
 

سوقسوقسوقسوق:286: