grande punto vs elantra vs lancer 1300
 

انا محتار بين التلات عربيات دول.... دية اول عربية ليا فمحتاج رأيكم... انا ميال اكتر للجراند بونتو بس كلة بيقولي بلاش..... عايز اعرف اية مميزات و عيوب كل واحدة .....

رد: grande punto vs elantra vs lancer 1300
 

انا محتار بين التلات عربيات دول.... دية اول عربية ليا فمحتاج رأيكم... انا ميال اكتر للجراند بونتو بس كلة بيقولي بلاش..... عايز اعرف اية مميزات و عيوب كل واحدة ......يا ريت اسمع ارايْكم عشان انا عايز اشتريها الاسبوع الجاي ...........

رد: grande punto vs elantra vs lancer 1300
 

اهلا بيك يا استاذ زياد ...

الجراند بونتو تختلف عن الالنترا و اللانسر
الجراند بونتو عربيه جميله ... لكن للأسف فيات في مصر مبقتش زي زمان ... الطلب قليل و سعر اعاده البيع مش زي الياباني و الكوري عموما .. والتوكيل اوماترا معنديش فكره عنه

لو بختار العربيه اللي تشدني فيهم .. حختار الجراند بونتو
ولو حختار بعقلي ... حفضل الالنترا عن الانسر ال 1300 ... على الاقل من ناحيه الاداء
ولو حختار بمنطق السوق المصري .. تبقى الانسر او الالنترا

ارجو اني مكنش لخبطتك زياده

بس لو حضرتك تقولنا طبيعه استخدامك و احتياجك من العربيه ممكن نفيدك اكتر

رد: grande punto vs elantra vs lancer 1300
 

مادام انت ميال للجراند بونتو هاتها,
شراء سيارة هو زواج حب لا زواج عقل, عشان كده لازم تكون حابب العربية قبل ما تجيبها.
عموما انا مسمعتش عن حد اشتكى منها, بالعكس اللى جابوها بيشكروا فيها جدا,
الانترا اكبر و اوسع, بتديك مساحة اكبر و محرك اكبر مقابل جودة اقل, اللانسر ادائها سىء لكن برضوا مساحتها اكبر من البونتو,
و لكن لو انت مش فارقة معاك حجم العربية و مش متجوز, يبقى الجراند بونتو مناسبة جدا.

رد: grande punto vs elantra vs lancer 1300
 

sam ram

اولا شكراsam ram علي الرد بس انت فعلا لخبتني شويا انا عموما عايز عربية فيها امان و اقتصادية انا مش من النوع الي بجري كتير بس بسافر ساعات كتيرز
انا ميال للبونتو عشان مريحة جدا في السواقة بس طبعا موتورها اضعف هي 77 bhp بس احسن في الsafety و مش بتستهلك بنزين بس عيبها التوكيل وحش و قطع غيار ساعات موجودة و ساعات لا
انا بردو مش بغير عربيات انا بحب احافظ علي عربية و خليها معايا اطول فترة بس بردو اكيد شكل العربية مهم
انت شايف بقي اكتر عربية انسبلي و مش هندم عليها

رد: grande punto vs elantra vs lancer 1300
 

شكرا فادي انا مش متجوز ولا بفكر دلوقتي و بحب الهاتشباك يبقي الجراند بونتو هي موزتيييييييي

رد: grande punto vs elantra vs lancer 1300
 

عموما اي عربيه زيرو .. مبتحتجش في الاول الا الصيانه العاديه .... وحتى لو التوكيل مش اد كده ... الواحد بيستحمل يوم الصيانه كل كام شهر ... قصاد انه يركب العربيه اللي عجباه ...
وبعدين مش حتبتدي تفكر في اسعار قطع الغيار العاليه الا بعد فتره طويله 4 او 5 سنين ... ساعتها ممكن تبتدي تفكر في اسطوانه او ديسك ...
وقبل كده كل الحكايه بتبقى تيل و سيور و زيوت و فلاتر .... متهيألي مقدور عليها ...

موضوع الهورس باور مهم ... ممكن يفرق معاك في الاداء من ناحيه التسارع ....
بس قصاد كده بتدي عزم كويس على دورات قليله 117نيوتن / 3000 دد ... ودي ميزه
و المواتير الايطالي عموما ادائها كويس و معمره ... وتستحمل الكبس الجامد ....
ومنظومه العربيه بين قوه الموتور و النقلات القصيره القريبه في الفتيس بتدي متعه في السواقه
والله اعلم ... ده احساس شخصي عن تجربه السيينا 1400
والهاتشباك سواقته ممتعه وثباته احسن من السيدان ...

بيني و بينك انا لو مكانك حجيب الجراند بونتو .... وكفايه ان الواحد يركب العربيه اللي نفسه فيها ....
خصوصا انك لسه لوحدك ...

لكن مشكله الفيات اليومين دول انها مش مطلوبه زي زمان ... وبالتالي يوم ما تفكر تبيع حيبقى سعر اعاده البيع شيء مجهول ....

اتمنى مكنش لخبطتك المره دي
الفكره انك بتاخد رأينا ... فمينفعش اقولك هات العربيه دي علشان عجباني ....
يعني احنا بنقولك ارائنا ووجهات نظرنا ... والتقييم و الرأي ليك في الاخر
مش كده ولا ايه ptmnlo123per1127