|
هى قطع الغيار متوفرة بس غالية....ولا مش متوفرة اصلا
السلام عليكم ورحمه الله وبركاته الموضوع انى باذن الله بفكر اجيب عربية انا عايزها عضمها قوى وشاسية حلو وتستحمل مشاوير لانى كل يوم طريق سريع وكدا وبرضة مش بتسخن طبعا سؤال هى bmw حلوة ...مستفز جدا فمش هسالة هههههههههه دلوقتى انا بسال على 316 او بالكتير318 ولا اجيب اية تانى غيرهم افضل......لانى عرفت انه 316 يعنى 1600 سى سى و 318 يعنى 1800 سى سى ... لانى مش عايز موتور عالى عشان السرعه وانا بسرح اساسا والحمد لله كنت بجيب بفيات اونو 1000 سى سى 140 ودا العادى عندى....لحد الحمد لله ما عملت الحادثة((والكوميدى انها كانت واالعربية واقفة))ههههههههه بس انا مش بتاع شد وبتاع بس كل الموضوع انى مش بركز فى العداد.. المهم انا عايز عربية فى حدود 25 لحد 28....اية الموديل الى هيكون مناسب؟؟؟؟ وتانى حاجة قطع الغيار متوفرة وغالية ولا مش موجودة اصلا ومحتاجة لف ودوران يعنى انا قريب من شارع دمشق اصلا ف كل حاجة موجودة هناك؟؟؟وبرضة قريب من عزبة شلبى..المهم انى معرفش انى عشان اجيب حاجة اسافرلها بور سعيد او اروح الحرفيين والف.... ولو غالية ياريت يعنى اعرف رنج الاسعار ممكن تكون غالية نسبيا مش الارتفاع الفاحش للاسعار معلشى طولت عليكم شكرا مقدما |
رد: هى قطع الغيار متوفرة بس غالية....ولا مش متوفرة اصلا
فكر في bmw e30 انا عن نفسي امنية حياتي اني اركبها http://a4.sphotos.ak.fbcdn.net/hphot..._2999207_n.jpg في منها كوبية 2 باب وفي 4 باب سيدان حسب زوئك وقطع الغيار في حدود اسعار الكوري ويمكن ارخص(الاستيراد بحالة ممتازة) مع ميزة طول عمرها اضعاف الكوري يمكن لو هتسقطلها موتور احدث من موديلها 10 سنين يعني هي موديل 88 لو هتسقط 97 هتلاقية استيراد 1800 سيسي ب3500 كامل . |
رد: هى قطع الغيار متوفرة بس غالية....ولا مش متوفرة اصلا
دي اللي هي الشارك؟
اعتقد ام الشارك في حدود ال 25 الف لان ال ام 40 في الاربعينات |
رد: هى قطع الغيار متوفرة بس غالية....ولا مش متوفرة اصلا
اقتباس:
لا يا باشا مش الشارك الشارك انا ما اخدهاش ب 25 حتي سيبك من الاسعار الي علي النت وكونتاكت كار دا كلام فاضي انا كان قدامي e30 1986 مسقطة موتور دبانة 1997 وعفشة 6 سلندر وكانت فابريكا برا وجوة كان طالب فيها 38 وممكن لو كنت جاهز بالفلوس كانت وصلت 35 ودي كانت كوبية 2 باب اخو صاحبها معاة واحدة سيدان 4 باب نفس التعديلات ونفس الحالة فابريكا وكان طالب 33 الف علي كلامة من غير ما حد يفاصل لسة فا انا لقيت صاحب الموضوع كاتب لحد 28 فا قلت مش هتفرق 3 او 4 زيادة ويجيب حاجة نضيفة لان عن نفسي مبحبش الشارك ابدا وانشاء اللة لما ربنا يرزق كدا هجيب المسطرة e30 |
رد: هى قطع الغيار متوفرة بس غالية....ولا مش متوفرة اصلا
يعني رأيك ال اي 30 دي احسن من الام 40 ؟
و يا ريت لو وقعت قدامك واحدة حالة ممتازة بموتور اسود بتاع الدبانة ( بتكييفه و حاجته) لاغيني بيها - بس يكون سعر تكون شايفه لقطة |
رد: هى قطع الغيار متوفرة بس غالية....ولا مش متوفرة اصلا
علفكرة مفيش حاجة اسمها ام 40 اصلا
دا اسم موتور ومجازا كدا لما حد بيبق معاة e30 مثلا ويسقطلها ام 40 بيقول عليها ام 40 والماتور الاسود هو من بداية 1995 يعني قبل كدا متلاقيش والموتور الاسود استيراد مش غالي اصلا سعرة من 3000 ل 3500 يعني مش تهتم اوي بالموتور الي في العربية اهم حاجة متكنش مغيرة نص او ربع او فيها لعب في الشاسية ولو عربية موتورها ميت وصاجها وشاسية نضيف خدها هتاخدها بسعر كويس وتسقط موتور كويس عليها مع عفشة كويسة لو هتحط موتور اكبر من بتاعها لو هتجيب موتور نفس السعة بس احدث مظنش هتحتاج تغير عفشة بس العفشة تغيرها مفيد حتي علي الموتور الاصلي العربية دي من اجمل العربيات بصراحة وحتي قطع غيارها متوفرة استيراد وفي مستوي اسعار الافيو مثلا |
رد: هى قطع الغيار متوفرة بس غالية....ولا مش متوفرة اصلا
اقتباس:
علفكرة اقل عربية بي ام 1600 هتعدي معاك 200 كيلو مرتاح اوي لو العربية حالتها كويسة لو عايز حاجة متجريش هات موتوسيكل صيني اخرة 80 كيلو هههههههههههههههههه |
| الساعة الآن 05:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017