مصنع فولكس فاجن ... مدينة قائمة بذاتها
 

رد: مصنع فولكس فاجن ... مدينة قائمة بذاتها
 

اولا تسلم ايدك على الموضوع وعلى مجهودك الرائع
وثانيا هو ده الجودة فى العمل وهى توفير جميع الامكانيات التى سوف ترفع من قيمة المنتج
فعلا اهتم بالعمل وجودته يرفعك

رد: مصنع فولكس فاجن ... مدينة قائمة بذاتها
 

حاجه جامده جدا

رد: مصنع فولكس فاجن ... مدينة قائمة بذاتها
 

الحمدلله ربنا كرمني و قدرت اني اقضي يوم كامل في مدينة السيارات الخاصة بفولكس فاجن اثناء زيارتي لألمانيا عام 2002 و شفت خط تصنيع الجولف4 و طبعا كل الصور اللي فوق دي شفتها على الطبيعة و اكثر كمان بس للأسف الصور اللي عندي عادية مش ديجيتال
الناس دي ما بتهزرش ..و معندهومش وقت للهزار
واليوم ده كان أحد أسباب إقتنائي لسيارات فولكس فاجن فيما بعد
شكرا على الموضوع

رد: مصنع فولكس فاجن ... مدينة قائمة بذاتها
 

رد: مصنع فولكس فاجن ... مدينة قائمة بذاتها
 

والله الموضوع يطول شرحة بس حلخص علشان محدش يمل
بداية و قبل سفري رشح لي احد الزملاء المهتمين بالسيارات ان اقوم بزيارة مصنع مرسيدس بمدينة هامبورج بناء على تجربة شخصية له
وعليه وبعد وصولي لألمانيا قمنا بلإتصال للأسفسار و الحجز فوجئنا بأنه زيارات المصنع محجوزة مقدما لمدة شهرين و طبعا انا كل فترة اجازتي في المانيا كانت حوالي اسبوعين
وهنا بدأنا البحث عن البديل و طبعا كان حظنا حلو و كانت مدينة السيارات الخاصة بالفولكس فاجن بولفسبرج لديها إماكانية استقبال زائرين
طبعا تذاكر الدخول على ما أذكر كانت ب 20 يورو للفرد و المساحة كانت شاسعة و بإمكانك أن ترى المدينة من على بعد وخصوصا البرجين الزجاجيان الخاصان بركن و عرض السيارات بعد تصنيعها
والمفاجأة الأكثر دهشة أن هذين البرجين كانا وسط بحيرتين من المياه...يعني لا أحد يستطيع الإقتراب أو لمس الزجاج.....و السيارت كانت بتدخل البرج من الأسفل فقط
مجموعة فولكس التي تشمل كل من
1- لامبورجيني
2-بنتلي
3-أودي
4- سيات
5- فولكس فاجن

كل شركة كان لها صالة عرض صوت وضوء مميزه بشكل يأخذ العقل...يعني أفتكر صالة عرض اللامبورجيني كانت عبارة عن مبنى كبير على شكل صندوق أسود و بمجرد دخولك تجد سيارة لآمبورجيني ديابلو صفراء معلقة على الحائط و مع بداية عرض الصوت و الضوء تجد السيارة تختفي لان الجزء المتصل بها على الحائط يدور حول نفسه (يعني العربية بتخرج من المبنى و تخدل تاني على حسب العرض) و مش عايز أقول على صوت السيارة عامل إزاي مع الدولبي المحيط بيك من كل اتجاه

أيضا كان هناك متحف للسيارات و ده عايز شرح يوم لوحده و حصلي موقف محرج جدا مع سيارة بوجاتي كلاسيك مافيش منها غير نسخة واحدة في العالم ...بس كان معايا عذري و الحمدلله عدى على خير

طبعا ركبنا الترماي اللي بيعمل الجولة على خط الإنتاج بس كان أحدث من اللي في الصور اللي فوق و كله شاشات ديجيتال و الجولة كانت باللغة الإنجليزية و عايز أقول لحضرتك ان خط الإنتاج زي ما حضرتك شايفة في الصور كده أقسم بالله أنظف من مستشفى دار الفؤاد اللي عندنا هنا

خلاصة الكلام احنا قدمنا سنين طويلة جدا على ما نفكر نعمل حاجة زي دي

والحمدلله على كل شيء

رد: مصنع فولكس فاجن ... مدينة قائمة بذاتها
 

موووووووووووضوع جااااااااامد جدا
تسلم ايدك