هل هذا طبيعى أم فى حاجة غلط
 

العربية عندى ماتركس 2001 واليوم كنت بسوق. لاحظت حاجة مش عارف هل هذا طبيعى أم لا..

كنت على الأول وأتكيت على البنزين شوية زيادة ولقيت عداد Rpm وصل يمكن لعدد 3000 لفة وصوته ظهر وسمعته والسرعة يمكن مش زادت عن 25 كيلوا فى الساعة. لما جبت الثانى وصلت السرعة 40 كيلوا على عدد لفات 3000 ولما زودت بنزين شوية ووصلت 4000 لفة كانت السرعة 55 وخلاص..... لو أتكيت شوية بنزين كمان لحد ما وصل العداد 4200 وصلت السرعة 60... مش زودت بعد كدة بس معنى هذا ان الغيار جاب حوالى 40 كيلوا بينما الأول جاب 20 كيلوا بس من الصفر.

عاوز أعرف حاجة هو العربيات الحديثة لما بتجيب أخر سرعة النقل مش بتزود سرعه حتى ولو زوت بنزين؟؟ هل هذا طبيعى يا جماعة؟؟

رد: هل هذا طبيعى أم فى حاجة غلط
 

اللى بتحكيه طبيعى مافيهوش أى حاجة

رد: هل هذا طبيعى أم فى حاجة غلط
 

هوا المفروض انك تشبع الغيار كويس ومتغيبش عليه يعنى مطولش رجلك على الغيار يعنى تشبع وتنقل علطول وكله هيبقى تمام دونت ورى

رد: هل هذا طبيعى أم فى حاجة غلط
 

طبيعى جدا وعادى بس اهم حاجة همتعديش من الغيار للغيار عن 3.5 لفة فى عداد rpm

رد: هل هذا طبيعى أم فى حاجة غلط
 

بس على ما اعتقد المفروض لما بتنقل على 3000 لفة يبقى السرعة تعلى يعنى مثلا التانى يعدى 40 كيلو ولو 40 كيلو دة بيبقى عند 2.5 لفة فى rpm وانا بقولك اللى عندى بالضبط انا عربيتى 1500 سى سى

رد: هل هذا طبيعى أم فى حاجة غلط
 

متشكر لكل اللى رد على::
أستاذ محمود زيزو أنا عربيتى 1500 سى سى زى بتاعتك.. السرعة بتعلى طبعا لما بنقل الغيار يعنى نقولها بالراحة

الغيار الأول : السرعة مش تعدى 25 كيلوا حتى ولو ضغطت على البنزين ووصلت عدد اللفات للماتور 3500
الغيار الثانى: يبدأ على 30 كيلوا فى الساعة وعدد اللفات بتكون 2500 ولما أزود بنزين بوصل 45 عند 3000 وأوصل 60 كيلوا على 4200
الغيار الثالث لسة مش جربته لحد دلوقتى من ساعة ما أشترات العربية لانى مش بعدى 45 ولما اسد لحد 60 بتكون دقيقة لظروف الطريق وأرجع تانى لسرعة 45...

رد: هل هذا طبيعى أم فى حاجة غلط
 

كل ما تزود بنزين العربية هتسرع معاك على اى غيار ...

بس يفضل اثناء المشى العادى تنقل ما بين 2500 و 3500 rpm علشان تحافظ على الموتور ..

يعنى تمشى بحيث تكون سرعتك على كل غيار كالاتى :

الاول : من 0 الى 25

الثانى : من 25 الى 40

الثالث : من 40 الى 60

الرابع : من 60 الى 80

الخامس : فوق 80