ممكن الواحد يبتدى على موتوسيكل ريس كبير مرة واحدة ؟
 

هل ممكن الواحد يبتدى على موتوسيكل ريس كبير مرة واحدة زى هوندا 900 مثلا انا كنت عايز اجيب حاجة كبيرة و من الاخر مرة واحدة مع انى عمرى ما ركبت بايك خالص بس مش عايز ادخل فى مواضيع البيع و الشراء دة كتير

رد: سؤال؟
 

بص انا هقولك رأي انا
و اختلاف الرأى لا يفسد للود مهلبيه

هوا مافيش حاجه ماتنفعش
بس القصد انك اول ما تبتدى تبتدى فى حاجه صغيره
يعنى انت لو مبتدئ و مركبتش رايس خالص
يأما 250 او 400
علشان تتمكن منهم أكتر
و انت اول مات يجي لل 900
تكون انت اتقنت السواقه
يعنى تعرف تتمكن من البايك

و عموما اصلا السواقه سهله
بتعرف تسوق عجل و عربيات مانيوال تبقا انت كده مش هتكمل على أي بايك نص ساعه و هاتمشى بيها تمام
العجل: علشان التوازن
و العربيات : علشان التبديل فى السرعات و هكذا.. .. ..

و ع بركه

و ارجو تقبل رأي بصدر رحب
وسلام عليكم ورحمه الله و بركاته
:shyy:

:ff5a34af6efef0e643e

رد: سؤال؟
 

تمام يا باشا شكرا

رد: سؤال؟
 

لا طبعا ... هي ايه القصه انك تتعلم علي مكنه صيني مثلا او مكنه صغيره 250 ...
عشان تتعلم وتتقن السواقه والاهم تاخد السنس بتاع بكره البنزين والفرامل ودول هيبقوا خطر لواحد بيتعلم علي 900 فاعلي لان تخيل الاولاني بتاعه بيعدي ال100 كيلو ؟؟؟
لازم تتعلم علي مكنه صغيره الاول....

رد: سؤال؟
 

خد السلم درجه درجه احسن

رد: سؤال؟
 

طيب ايدى على كتفك يا هشام باشا انا واثق فيك من قبل حتى ما اعرفك يا ريت لو فى قدامك حاجة مناسبة تقولى و شكرا

رد: ممكن الواحد يبتدى على موتوسيكل ريس كبير مرة واحدة ؟
 

انت عارف لو بتعرف تسوق وعندك بس السينس بتاع بكره البنزين ممكن ساعتها تسوق 900 بس برده هتبقي قويه وهتاخد فتره لما تاخد علي قوتها وطلعتها .... وربنا يوفقك...