تابع موضوع سيارة خالد الله يرحمه
 

معلش يا جماعه انا قولت اقول الكلام ده في موضوع منفصل علشان الناس كلها تشوفوا


دلوقتي انا اتصلت بجماعة خالد الله يرحمه وفهمت منهم ان العربية عليها دين للبنك بمبلغ 50000 جنيه وهما كانو هكملوا علي مبلغ العربية بعد ما تتباع حوادث ويسددو دين البنك

دلوقتي هما جابو واحد من الحرفيين وقالهم ان العربية هتحتاج نص امامي ونص خلفي وهتتكلف حوالي 22000 جنيه ده كلام السمكري اللي من الحرفيين

طبعا غير شغل الدوكو والميكانيكا


والراجل قالهم ان العربية ديه مش هتجيب مبلغ كويس بعد ما تتعمل لانها هتكون رشه بره وجوه وكل اللي هيشوفها هيعرف انها كانت عامله حادثه قبل كدا



انا مش عارف اعمل ايه دلوقتي لان هما عايزين يخلصوا الموضوع بسرعة مع البنك علشان خالد الله يرحمه يرتاح في تربته من الدين ده

فياريت تقولولي اعمل ايه

رد: تابع موضوع سيارة خالد الله يرحمه
 

احمد ممكن تجيب سمكرى من عنك يكون ثقة لان الكلام دة انا مش هاضمة 22000 دة كتير قوى

رد: تابع موضوع سيارة خالد الله يرحمه
 

من صور العربيه العربيه دي تتصلح و متكلفش ال 5000 جنيه و ترجع احسن من الفبريكه اولا العربيه مفيهاش حاجه عاوزه تتغير غير ممكن الربع الوراني دل لو مش حيتزرجن صح و في ناس ممكن ترجعو زي ماكان من غير ما يتغير و من قدام عاوزه رفرفين و كبود طبعا بلاش الاستيراد عشان ميبقاش اسعار عاليه و بس و الخبطه اللي في الباب تترد علي البارد و لو متحاجه زرجنه تتعمل في سمكري اعرفو في طنطا استاذ بالمعني دا بيرجع الحاجه زي الفبريكه كان واحد صاحبي معاه عربيه لانسر فيها خبطات اشد من دي كانت دخلت في سوبر ماركت و عملها كلفتو حوالي 3000 سمكره و ظبط هوه الباقي السمكري دا قبل مدخل طنطا بعد البهي بتاع قطع الغيار علي الطريق السريع هوه كل تخصصو العربيات اللي زي دي ممكن لو حد هنا من طنطا يبقي يروح له و يشوف الدنيا

رد: تابع موضوع سيارة خالد الله يرحمه
 

رد: تابع موضوع سيارة خالد الله يرحمه
 

كتير اوى موضوع 22 دا

ياريت حضرتك تستنى رد منى النهاردة بليل اكملك الخبراء الى اعرفهم

ولو لقدر الله معرفتش ادخليل بليل ياريت حضرتك تتصل بيا

0100993599

ان مكنش يبقى هتلاقينى مبلغك بكل شئ بكرة ان شاء الله

رد: تابع موضوع سيارة خالد الله يرحمه
 

وهو انا يعني اللي هاضمه يا احمد اانا اتصدمت جدا لما سمعت المبلغ اللي بيتقال

يا ريت لو حد يعرفلنا سمكري كويس يقولي عليه وانا مستعد اروح اخده واوديه لمكان العربية ويشوف الدنيا هتمشي ازاي لان انا شايف ان القوايم سليمه ومش محتاجه غير ربع خلفي ورفرفين وكابوت واكصدام امامي




تسملي يا غالي علي الكلام الجميل ده اللي اداني امل كبير في ان الموضوع ده هيتحل بأذن الله وبأذن الله الموضوع يتحل بالتصليح

رد: تابع موضوع سيارة خالد الله يرحمه
 

العربية يا بشمهندس كان في مشاكل بين خالد والبنك لان خالد اتأخر في سداد القسط 4 شهور ولما راح يسدد ال 4 شهور كلهم مره واحده قالوله لا انتا تسدد مبلغ العربية بالكامل ومن ساعتها ولحد دلوقتي خالد مكنش مجدد العربية في المرور ولا كان بيعملها تأمين لان كان مأمن قبل كدا ولما عمل حادثه المركز بتاع التامين وداله العربية مركز صيانه بهدله العربية اكتر وركبوله حاجات مش حاجتها وغررقوهاله معجون علشان كدا حلف ما هيأمن تاني




تسلملي يا استاذ عبدالله وان شاء الله تكون جبتلي الخبر الياقين النهارده وجزاك الله كل خير وربنا يجعله في ميزان حسناتك