مصر موتورز مجتمع السيارات - بعت بتوكيل وقلقان جدا

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - بعت بتوكيل وقلقان جدا (https://www.masrmotors.com/vb/showthread.php?t=61931)

rockeromda

28-06-2011 05:45 AM

بعت بتوكيل وقلقان جدا

السلام عليكم
بعت عربيتي من حوالي 4 شهور بتوكيل والرخصة لسه فيها سنتين تخلص 2013 وطبعا المشتري طلب توكيل عشان يمشي بيها
احنا عملنا عقد ابتدائي وفيه اقرار باستلام العربية وطبعا العقد (اللي بيتباع في المكتبة) فيه تاريخ كتابته وساعته ومضى اقرار في الجزء اللي تحت بتاع اقرار استلام السيارة
ومعايا صورة من التوكيل اللي عملتهوله لكني اكتشفت بعد كده انه كتب رقم بطاقته ناقص رقم (انا معايا صورتها) لكن بقية البيانات مظبوطة هل فيه مشكلة علي؟ انا بعت من زمن واستلمت فلوسي كاملة لكني قلقان وموسوس من انه يعمل مشكلة بيها وهي متسجلة باسمي لسه.
هل العقد الابتدائي يحميني ومعاه صورة بطاقته وصورة التوكيل اللي عملتهوله؟ هل فيه مشكلة انه كتب رقم بطاقته ناقص رقم في العقد الابتدائي (يبطله مثلا) ويبوظ الليلة؟
معلش ياريت حد يطمني لاني قلقان فعلا
وشكرا

طارق ابوذيد

28-06-2011 05:57 AM

رد: بعت بتوكيل وقلقان جدا

اخى الكريم اطمئن فلست الوحيد الذى باع بنفس الطريقه والمهم انك تحتفظ بالعقد الابتدائى لان فيه ما يثبت استلامه للسياره وهذا هو المهم فمهما حدث وجائت عليك المخالفه او محضر من القسم لاى مشكله فكل ما عليك هو اظهار العقد الابتدائى لاثبات تسليم السياره من تاريخه وذلك مع صوره التوكيل ايضا فانى احتفظ بشنطه بها عقود بيع منذ 10 سنوات الى الان خوفا من وقوع اى مشكله والمهم انك لا تقلق فكلنا على هذا الوضع فى البيع وخصوصا تجار السيارات والله المستعان

rockeromda

28-06-2011 06:22 AM

رد: بعت بتوكيل وقلقان جدا

اقتباس:

المشاركة الأصلية كتبت بواسطة طارق ابوذيد (المشاركة 465667)

شكرا يا أستاذ طارق على الرد السريع
لكن هل وجود رقم بطاقة المشتري في العقد الابتدائي ناقص رقم يبوظه واو يسبب مشكلة واللا انا مفيش علي قلق من بياناته الشخصية؟
وشكرا مرة اخرى

ايمن عبدالحميد

28-06-2011 04:22 PM

رد: بعت بتوكيل وقلقان جدا

يا اخى الكريم لا داعى للقلق وتقدر تسلم صورة التوكيل والعقد فى الملف فى المرور ، واليك نصيحة واجبة للجميع (يجب عمل اقرار استلام السيارة فى الشهر العقارى ورسومة 10ج) لأنة هو المعترف بة امام النيابات والمحاكم والاقرار العرفى الغير موثق بيطول فى الوقت شوية علشان تقدر تثبت صحتة

hamaad

28-06-2011 04:50 PM

رد: بعت بتوكيل وقلقان جدا

ممكن تدخل العقد الابتدائى فى الملف ويبقى مفيش مشكلة

rockeromda

28-06-2011 08:12 PM

رد: بعت بتوكيل وقلقان جدا

اقتباس:

المشاركة الأصلية كتبت بواسطة ايمن عبدالحميد (المشاركة 466068)

شكرا على الرد يا استاذ أيمن
بس العربية القديمة كانت مرور الاميرية اللي اتحرق
وهي طبعا على الكومبيوتر متسجلة لكن ملفها اتحرق في المرور القديم
ازاي احط صورة التوكيل وينفع احط صورة العقد ولا لازم اصله؟
وشكرا

ايمن عبدالحميد

29-06-2011 01:22 AM

رد: بعت بتوكيل وقلقان جدا

اقتباس:

المشاركة الأصلية كتبت بواسطة rockeromda (المشاركة 466244)

اه الملف اتحرق ؟ ماشى مفيش مشكلة بردة كبر دماغك ، وابشرك بحاجة سر ولو انها مش هتبقى سر كدة :
القضاء يعتبر مثل هذا التوكيل بمثابة عقد بيع فإذا اضفنا الية الاقرار بالاستلام انتهى الأمر وعموما انا بعت خمس عربيات كدة اتنين منهم بلإقرار عرفى لأنهم لناس اعرفهم والباقى بإقرارات رسمية موثقة والدنيا كلها شغالة عرفى مش رسمى ( اقصد البيع مش حاجة تانية هههههه):THUMBS~220:

الساعة الآن 12:07 AM.

صفحة 1 من 2

عرض 7 مشاركات من هذا الموضوع لكل صفحة