12 ساعة قبل الشراء
 

اعزائى اطلب منكم النصيحة:

اليوم عند ناشيونال موتورز (أسامة عبد النبى) حجزت كيا سيراتو هاي لاين موديل 2010، نعم 2010 و لسه زيرو و السعر 114000 جنيه كاش لأن البنك يرفض تقسيطها لأنها موديل سنتين عدت، المهم موضوع الموديل ما بيفرقش معايا كتير المهم الكماليات و السعر، نأتى للكماليات:

تكييف تاتش - باور - سنتر - زجاج - مرايات كهرباء بالإشارات - فتحة سقف - فرش جلد - مفتاح بصمه - طاره مالتى جلد - فتيس جلد - راديو CD MP3 مع IPOD - مقابض نيكل - 1 أيرباج - جنوط 16 - اوتوماتيك 4 سرعات - عدادات رياضية - حساس خلفى أصلى - فرامل abs - زر تحكم فى فوانيس الإضاءة - فوج لايت - شبكة نيكل - كمبيوتر رحلات.

السؤال، هل الموضوع يستاهل و هل التاجر سمعته جيده فى السوق؟

شكرا للجميع.

رد: 12 ساعة قبل الشراء
 

اظن ما فيش كيا سيراتو 10 ايرباج كلام اعلانات يا باشا وعموما السعر معقول بس لو كان فيه جنوط 17 يبقى احسن بس بعد هيونداى النترا هى تستاهل كتير يا باشا ومبروك مقدما يا باشا ربنا يعطيت خيرها ويكفيك شرها

رد: 12 ساعة قبل الشراء
 

هي السيارة خليجي؟؟؟؟؟
سعر ممتاز على سيراتو هاي لاين
و ربنا يوفقك و ارجو انك تكون ملم بعيوبها العادية - عفشة ناشفة و غيره و مقتنع بيها
بالتوفيق

رد: 12 ساعة قبل الشراء
 

اخى العزيز
علشان متحتارش كتيير فكر فى الاتى
1 لو مش هتبيع قريب او من هواة التغيير اوك
2- الفتيس 4 من 6 سرعات اوك وصوت الموتور عالى شوية فى 4 سرعات
3 - استلام جيد ومراجعة السيارة جيدا
4 -مراجعة شراء الضمان للخليجى والموافقة علية من عدمة
راجع الاتى واستخير ولا خاب من استشار

رد: 12 ساعة قبل الشراء
 

شكرا لكل من أهتم بالرد و أنا اشتريت بالفعل إمبارح و عملت بالنصيحة فغيرت من EX الى SX و ضحيت بفتحة السقف فى سبيل الآتى:

جنط 17.
6 CD Changer.
10 Airbag توزيعهم كالتالى:
2 أمام السائق و الذى بجواره.
2 قايم أمامى.
2 قايم الوسط.
2 قايم خلفى.
2 فى جنب الكراسى الأمامية.
و الكل عليه علامة الأيرباج.
دواسات نيكل و فتحة شكمان نيكل.

السعر نفسه 114000 و اللون فضى.

و الحمد لله على كل حال.

باقى شىء واحد هل أشترى ضمان أمان الشرق من الشركة بسعر 750ج لسنة واحدة أو 1100 جنيه لسنتين أو 1750 جنيه ل 3 سنوات؟

و جزاكم الله خير على إهتمامكم.

رد: 12 ساعة قبل الشراء
 

على فكره أنا رحت قبل ما اشترى الى غبور العبور لمعاينة الهيونداى إلنترا 2012الجديدة و كنت مستعد فى سبيل الشكل (الوهمى) الجديد انى أشترى المانيوال بسعر 113500 بدلا من الأوتوماتيك لأنى شارى كاش و مش عايز أدخل فى ليلة تقسيط البنوك،

و يا ريتنى ما رحت!!!!

يا شباب غبور كان ناقص يشيل الدركسيون!!

العربية فاضيه تماما، بدون جنوط (!!) رجعنا تانى لغطا الجنط و الأفايز البلاستك، الفرش الداخلى فقير جدا، فرش الأبواب عبارة عن (فبره) مقواه أى و الله، طبعا قلة أدب ان انا اتكلم عن باركنج سنسور او ايرباج او فتحة سقف، فهربت حتى قبل ما أقابل أحد العاملين، و بالمناسبة أنا كنت اتصلت بيهم قبل ان اذهب و قالوا الإستلام آخر السبوع و لا يوجد مقدمات حجز و انما سداد كامل ثمن العربية و الإنتظار!!

بصراحه ...

تهريج!!!!!!!!!!!!!!!!!!!!

رد: 12 ساعة قبل الشراء
 

مبروك عليك الشراء وربنا يعطيك خيرها ويكفيك شرها ومبروك علينا عضو جديد فى السيراتو
نصيحة وعن تجربة مش هاقولك بلاش امان الشرق بس انا جربت مع شركة AAA وهى طلعت شركة محترمة ومهندس المبيعات /محمد السيد زى العسل هو نصحنى بسنتين او 40.000 كم ايهما اقرب ومتعاقدين مع كذا مركز صيانة محترم وانا جربت اواحد فيهم وهو كيا سرفيس المعادى راجع تقرير صيانة 1000 كم بكيا المعادى واى مساعدة انا تحت امرك ومبروك عليك السيارة مرة تانية