ناوى اجيب عربية معاقين بأذن الله
 

رد: سؤال من اهل الخبرة
 

ياجماعة حرام والله 8 مشاهدات ومحدش فكر يرد حتى لو قالى معرفش بس الرد ياجماعة متحسسوش الواحد انه بيكلم نفسه كده

رد: سؤال من اهل الخبرة
 

والله يا اخي مش عارف وان شاء الله حيرد عليك اهل الخبرة هنا لا تقلق و مبروك مقدما :CHUBBY~36:

رد: ناوى اجيب عربية معاقين بأذن الله
 

مبروك مقدماً واعتذر عن الرد عن تكاليف الجمارك لانى بجد معرفش :sd:

رد: ناوى اجيب عربية معاقين بأذن الله
 

سعر السيارة المعاقين بيقى فى حدود 50% الى 70% من سعر مثيلتها فى السوق على حسب الحالة

رد: ناوى اجيب عربية معاقين بأذن الله
 

يا أخى حضرتك باين لسة جديد فى الموقع. اولا حضرتك من المعاقين أم ناوى تجبها بأسم واحد من المعاقين....

فى كلتا الحالتين عندك طريقين

1- حد يبعت لك العربية من الخارج وأنت تتحمل كل حاجة زى الشحن والأرضية والتخليص الجمركى وكدة ودى لفه طويلة جدا ويمكن تحتاج مستخلص جمركى معاك ولكن هنا أنت بتجيب عربية على كيفك وممكن تجيب أى عربية تعجبك بس تكون أقل من 1600 CC بالنسبة للمحرك وثلاثة سنين أقدمية عن السنة اللى أنت فيها. الخوف بس لو جرى للعربية حاجة أثناء النقل مثلا تبقى أنت اللى بتتحمل المسئولية.

2- تروح تشترى العربية من المناطق الحرة والعربيات هناك بتكون متخلصة يعنى السعر اللى هيقوله لك التاجر هو السعر اللى مش هتدفع غيرة. وهذا بيكون أحسن لانك مش بتتحمل حاجة ويكون قدامك كل العربيات تختار منها كأنك رايح تشترى من تاجر فى نص البلد. للاسف العربيات من النوع دة بتكون قديمة يعنى 1997 ولحد 2004 وكلها كورى مفيش يابانى . ولكن لو وصيت التاجر مثلا بعضهم ممكن يجيب لك طلبك لو تاجر كبير وليه ناسه بره. العربيات الموجودة فى المناطق الجمركية هى ( الدايو اللانوس والنوبيرا - الماتركس - الفيرنا والألنترا. كمان ممكن تلاقى حته ولا أثنين ( أوكتافيا - بيجو - BMW - باسات ) ودى بتكون قليلة...

أسأل وأنا أجوبك...

رد: ناوى اجيب عربية معاقين بأذن الله
 

نصيحه مني ليك احسن من التييوتا و الانسر هتلاقي في بورسعيد اكتافيات حلوه جدا جدا و هتكون عامله في حدود 40 الي 45 الف و تبقي موديل 2002 و ممكن لو حظك حلو تلاقي 2003