|
عايز طريق مطار سوهاج الجديدة
عايز طريق مطار سوهاج الجديدة
انا همشي من المنيا وعايز روح مطار سوهاج وعايز المسافة كام من اسيوط لحد سوهاج كام كيلو وشكرااا |
رد: عايز طريق مطار سوهاج الجديدة
:bb127bc6eab060e3e23
|
رد: عايز طريق مطار سوهاج الجديدة
استاذى العزيز اولا المسافة من اسيوط لسوهاج 100 كم تقريباً ولازم اعرف انت هتمشى فى اى طريق علشان ادلك مظبوط لكن مبدئياً لو هتيجى غربى يعنى هتعدى على اسيوط من ناحية مصنع الاسمنت هتفضل ماشى على طول فى نفس الطريق لغاية ما توصل سوهاج وعلى فكرة الطريق بيبدأ من اسيوط يبقى مزدوج واول ما توصل سوهاج هتلاقى تقاطع المطار اللى هو فى منطقة اسمها الكوامل واى استفسار انا معاك |
رد: عايز طريق مطار سوهاج الجديدة
امشي
غربي احسن ولا شرقي انا عندي من المنيا الي اسيوط طريق مزدوج |
رد: عايز طريق مطار سوهاج الجديدة
انا عايز اقولك الاثنين كويسين بس الشرقى مفيهوش غير 22 كم بس مزدوج كمان مسافتة اقصر من المنيا لغاية اسيوط اما الغربى لغاية اسيوط مزدوج بس مسافتة اطول شوية وحدد وانا هكتبلك الطريق بالتفصيل
|
رد: عايز طريق مطار سوهاج الجديدة
انت اقصدك اني طريق فردي صح
طيب ولا من شرقي خوش ازي او منين ولا الغربي منين برضو وازي |
رد: عايز طريق مطار سوهاج الجديدة
انا هقلك على الثلاث طرق 1- لو انت مشيت شرقى لابد عند وصولك اسيوط هتنزل من الكوبرى الجديد اللى على النيل او لو مشيت زراعى برضو هتوصل عند نفس الكوبرى دة لانك مش هينفع تكمل بعد اييوط شرقى وإلا المشوار هيبقى بعيد خالص 2- لو مشيت زراعى على سوهاج هتعدى على كل المراكز اللى بين اسيوط لسوهاج وهما كالتالى ابوتيج - صدفا - طما - طهطا - المراغة - سوهاج واول ما تدخل سوهاج زراعة هتلاقى كوبرى اطلعة هيعديك السكة الحديد وبعدها تكمل فى نفس اتجاة الجنوب وتسأل عن مدخل الكوامل ومنها هتطلعك على صونية المطار وتدخل المطار 3- لو انت جاى شرقى وهتكمل غريى يبقى تفضل على كوبرى النيل فى اسيوط ومتنزلش منة خالص غير فى نهايتة وتكمل الدائرى بتاع اسيوط لغاية مصنع الاسمنت وكمان صونية الصحراوى الغربى ( تقاطع الوادى الجديد - مطار اسيوط ) هتسيبة وتكمل فى الصحراوى الغربى ..... بس لو انت جاى من الغربى هيبقى سكتك على طول ولا تلف يمين ولا شمال زى ما انت جاى من المنيا تكمل على سوهاج وبعد ما توصل سوهاج بالسلامة اول تقاطع فى سوهاج هتسيبة بتاع الكوامل وسوهاج الجديدة وتوصل لصونية المطار وتدخل المدخل بتاع المطار كما فى الصورة المرفقة |
| الساعة الآن 09:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017