|
كل شىء عن تصميم وانشاء المواقع للهواية او تحقيق الارباح
http://webmasters-blog.com/wp-conten...importance.jpg الموضوع ده ان شاء الله يشمل كل تفاصيل انشاء وتصميم وادارة المواقع الالكترونية للمبتدئين او غير المتخصصين وربنا يوفقنى واقدر ازودكم بكل المعلومات الاساسيات اللى ممكن تحتاجوها فى المجال ده سواء كان الدافع لانشاء الموقع تجارى او غير ربحى |
رد: كل شىء عن تصميم وانشاء المواقع للهواية او تحقيق الارباح
تسلم ايدك يا ابو نورا
ومستنى بفارغ الصبر الموضوع دة لانة طلبوة منى فى الشغل وانا صراحة ولا اعرف اى حاجة عن تصميم المواقع ولا عن مواقع الاستضافة احنا هنا فى الشغل جهاز مدينة تبع المدن الجديدة وعاوز ارفع على النت موقع اولا مجانى وثانيا يسمح برفع ملفات وورد او بى دى اف هاتكون عبارة عن نماذج واستمارات كمان لازم الجست يكون فى امكانية انة يطرح سؤال ومن جانبنا نقوم بالرد على السؤال اما من حيث امكانيات القسم عندنا فهى امكانيات جيدة جدا نمتلك احدث اجهزة كمبيوتر وجهاز سيرفر لكن غير مستغل سرعة اتصال بالنت 1 ميجا ان ليمتد بليز يا ابو نورا عاوزك تظبطنى الهى يكرمك |
رد: كل شىء عن تصميم وانشاء المواقع للهواية او تحقيق الارباح
الدرس الاول اختيار الدومين - اسم الموقع الالكترونى تسجيل الدومين يعد الخطوة الاولى لانشاء الموقع واختيارة اهم خطوة فى تاسيسة زى ما كل حاجة ليها اسم الموقع لازم يكون ليه اسم وعادة ممكن يكون ليه اسم دارج زى ما بنقول موقع اليوم السابع واسم تانى الكترونى اللى هو youm7.com وممكن يكون الاسم الدارج نفس الاسم الاكترونى زى موقعنا ومواقع كتير اسمها يكتب على الانترنت كما هو بدون اختصارات او رموز ويفضل ان الاسم الكترونى للموقع يكون اقرب للاسم الدارج او التجارى للنشاط او الخدمة اللى قائم عليها الموقع ويفضل دائماً ان يكون الاسم معبر عن المحتوى زى ما بيقولو الجواب يكون باين من عنوانة .... وكل ما كان الاسم دال على المحتوى كل ما كان افضل دوت كوم ودوت نت الاختصارات ديه وضعت للتتميز بين المواقع المعلوماتية والمواقع التجارية والتعليمية والحكومية فالمفروض دوت كوم .com للانشطة التجارية ودوت نت .net لشبكات المعلومات ودوت .edu للمؤسسات والهئيات التعلميمة دوت ,org للمؤسسات الرسمية والحكومية وهكذا لكن فى الواقع وعلى مر السنين الماضية اتركز الاستخدام على .com اكتر وان توفرت بدائل اكتر للاختصارات فدلوقتى ممكن يكون الموقع tv مثلا وبتستخدمة غالباً مواقع القنوات التلفيزيونية او البرامج او دوت .biz للشركات والمؤسسات التجارية .me للمواقع الشخصية حتى المواقع الاباحية هيتاح ليهم التسجيل بنطاق خاص .xxx لكن التنوع ده فى الحقيقة جاء لتوفير نطاقات اكتر متاحة للبيع بعد ان اصبح الحصول على اسم نطاق جيد مهمة مستحيلة لكن يظل الدومين .com هو المفضل لدى اصحاب المواقع او المتصفحين حتى الان |
رد: كل شىء عن تصميم وانشاء المواقع للهواية او تحقيق الارباح
يا فرج الله جالنا اول زبون :Wkiss5:
بص يا سيدي مبدئياً احنا بنتكلم عن نظامين الاول يسمى نظام مشاركة ملفات وده بيسمح بانك انت وغيرك من زمايلك فى الشغل تتشاركو الملفات وتعدلو عليها مع بعض وتتابعو التعديلات بشكل منظم وفى مكان واحد وتطبيقاتة ممكن تتم باستخدام الامكانيات المتوفرة وبرنامج زى مايكروسوفت شير بوينت sharepoint microsoft http://sharepoint.microsoft.com/en-u...s/default.aspx بس محتاج ادارة فنية شوية وطبعاً لو مرخص تكاليف ترخصية مش قليلة اما لو حاجة مجانية ففى حلول كتير على الانترنت لتإدية نفس الوظيفة ارشح لك منهم http://box.net/ http://www.youtube.com/watch?v=IcjgqQTPFx4 وده وغيرة من الحلول المعتمدة على الانترنت سهلة واقل تكلفة وفى عباء الادارة وبتتيح للموظفين التعاون عبر الانترنت من اى مكان فى العالم وباستخدام اغلب الاجهزة القابلة لتشغيل الانترنت كالتليفونات الذكية مثلاً اما موضوع التفاعل مع العملاء فده يندرج تحت حلول ادارة علاقات العملاء CRM - client relations management وديه فيه منها تطبيقات بسيطة خالص يادوب تاخد استطلاعات من العملاء الى ادارة شاملة للتواصل مع العملاء تشمل استطلاعات ومراسلات او نظام شكاوى ومتابعة وامكانيات كتير وظائف متخصصة اكثر حسب التخصص فحددلى بالظبط المطلوب علشان اقدر افيدك بالانسب |
رد: كل شىء عن تصميم وانشاء المواقع للهواية او تحقيق الارباح
شكرا استاذ وائل مجدي على الشرح المقدم من حضرتك انا كان عندي استفسار
انا قريت خبر من يومين عن ان الشركة ممكن تشتري نطاق خاص بدل مثلا .com تبقى .amr مثلا ايه الغرض او الفائدة من الحكاية دي ؟؟ وهل ممكن نلاقي في يوم نطاق لمصر موتورز:shyy: |
رد: كل شىء عن تصميم وانشاء المواقع للهواية او تحقيق الارباح
اقتباس:
خاصة مع تركيز غالبية الناس على استخدام دوت كوم بالاساس فهى محاولات لترويج نطاقات اكثر وتوفير اسماء اكثر لكافة المستخدمين مش بس كده ده بقى فيه امكانية حجز النطاق بالعربى يعنى تكتب فى المتصفح جوجل.كوم بحروف عربى وطبعا بكل اللغات الاخرى بنفس النظام بس معتقدش تنشر اوى البدائل ديه دلوقتى |
نصائح هامة فى اختيار الدومين domain name
نصائح هامة فى اختيار الدومين 1. اختيار اسم مميز حاول دائما الاسم اللى تختارة ميكونش فيه اسم تانى شبهه لموقع مشهور او معروف لان ده هياثر من ظهور نتائج من موقعك لحساب الموقع الاشهر 2. اختيار اسم يعكس المحتوى يعنى لو بتعمل موقع سيارات يبقى لازم الاسم يكون فيه حاجة ليها علاقة بالسيارات بالطب بالرياضة باى حاجة المفروض يكون الاسم بقدر استطاعتك يصف محتوى الموقع 3. خليك فى دوت كوم كما اسلفنا يفضل اختيار الاسماء المنتهية باختصار .com لانها الاشهر والاكثر شيوعاً للمستخدمين 4. اختار اسم سهل الكتابة اختار اسم يكتب كما ينطق ديه مهمة اوى انك تختار اسم يتكتب زى ما يتسمع علشان اى خطاء املائى فى كتابة الاسم من المستخدمين هيوديهم لمواقع تانية غيرك فحافظ على ان الاسم يكون سهل فى الكتابة وميكونش فيه حروف لا تنطق 5. اختار اسم سهل التذكر كل ما كان الاسم سهل التذكر ومش مكون من كذا مقطع ونطقة وشكل حروفة سهلة كل ما كان افضل 6. عدم استخدام الرموز يفضل تجنب استخدام اى رموز فى الاسم ومها طبعا الشرطة ( - ) او الارقام 7. الاسم الاقصر افضل حاول قد المستطاع كمان يكون الاسم مكون من عدد قليل من الحروف 5 - 8 بالاكثر لان الاسم الاقصر اسهل وافضل 8. اختار الاسم اللى الناس بتدور عليه فيه ادوات كتير تقدر تعرف منها ايه اكتر الحاجات فى المجال اللى بتعمل فيه السايت الناس عادة بتدور عليه فى محركات البحث فكر ايه الكلمات اللى الناس عادة بتكتبها لما بتدور على موضوع يخص مجال موقعك ولو قدرت تختار اسم فيه نفس الكلمات الدلالية اللى الناس بتستخدمها فى البحث ده هيكون افضل بكتير |
| الساعة الآن 12:35 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017