|
عايز تدافع عن نفسك يوم القيامة
هكلمكو النهاردة عن حاجة اللي خلاني اخد بالي منها ا/احمد بدر ربنا يجزيه عني خير
بعد ما اضفت الاضافة في موضوعه http://www.masrmotors.com/vb/showthr...t=61437&page=2 ان في بعد جديد لاهمية صلاة الفجر غير انها عبادة مهمة جدا جدا جدا انها وسيلة للجهاد والدفاع عن فلسطين!!! تخيل ان انت لما تقوم تصلي الفجر غير انك جاهدت نفسك وتغلبت علي عدوك الا وهي نفسك الامارة بالسوء ومعروف طبعا ان اقصي درجات الجهاد واشدها جهاد النفس لا دة انت كمان اخدت ثواب المجاهد في قضية فلسطين تخيل اللي احنا طبعا مامورين بالجهاد لاسترداد المسجد الاقصي ومطلوب مننا تحريره وبنعمل اقل حاجه الا وهي ان احنا ندعيلهم دة ان كنا بنعمله اصلا لما جولدا مائير قالت مقولتها الشهيرة دي قالتها لية لانها درست الاسلام اكتر مننا تخيل؟ اليهود يدرسو الدين اكتر من اصحابة مش دي حاجه تغيظ؟ انا فعلا اول مرة اخد بالي لاهمية صلاة الفجر من الناحية دي بعد المقالة اللي قريتها دي معني كلامها دة اية اكيد صلاة الفجر دي بتربي جوة المسلم حاجه جامدة اوي في نفسيتة وقوة ايمانية وعقدية عالية جدا المشكلة في البشر ان هم مش بيستخدمو الطاقة اللي جواهم بيستسلمو للكسل لكن لو عزمت وكان عندك همة انت بس امشي خطوة في طريقك لربنا من مية خطوة ومش مطلوب منك توصل للخطوة المية ربنا هيمشي بيك باقي الخطوات بس لازم انت تمشي الخطوة الاولي دية ومتستسلمش زي اللي يروح مثلا اول مرة يصلي الفجر يتسرق حذاؤة يقول بس هو انا عارف بيبقي في علامات كدة للي ربنا بيعرض عنهم وانا واحد منهم ولية متقولش انه اختبار مش لما بتروح تشتري حاجه بتدفع فلوس انت بقي بتشتري حلاوة الفجر وصلاته اية يعني بقي اما تدفع لك حاجه بسيطة زي دي ولية متقولش انه الشيطان عايزك ترجع تاني انت وهو صحاب عالحلوة والمرة؟؟ فجر طاقتك الداخلية بقي واستعين بالله اكيييييييد هتوصل بس زي اي حاجه في الدنيا هتلاقي صعوبات وخليك دايما فاكر ا اذا كانت جولدا مائير انتبهت لاهمية الفجر اكيد في حاجه في الصلاة دي مختلفة اكيد بس مش هتعرفها الا لما تجرب بنفسك وتوصلها بمحاولاتك المستميتة اعتبر ان انت بتحارب عن وطنك حارب بقي عن نفسك ...نفسك متسواش تحارب عنها؟ انا بقول الكلام دة لنفسي قبل ما اقولهولكو اللهم ارزقنا الاخلاص والاتباع ونعوذ بك من النفاق والرياء يتبع،،، |
رد: عايز تدافع عن نفسك يوم القيامة
جزاكي الله كل خير يادكتوره هبه
وفعلا والله جاهد النفس هو فعلا اعظم جهاد {وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }العنكبوت69 عن فضالة بن عبيد – رضي الله عنه قال : سمعت رسول الله صلى الله عليه وسلم يقول : " المجاهد من جاهد نفسه في سبيل الله" رواه الإمام أحمد في مسند الأنصار في مسند فضالة بن عبيد الأنصاري. |
رد: عايز تدافع عن نفسك يوم القيامة
اقتباس:
ربنا يرزقنا جهاد النفس جزاك الله خيرا كثيرا |
رد: عايز تدافع عن نفسك يوم القيامة
طيب نتكلم بقي عن صلاة الفجر واهميتها ربنا قال عن صلاة الفجر دي اية اقسم بيها ودة من الحاجات القليلة التي اقسم الله بها في القران والفجر وليال عشر (الواو واو القسم) نعتها بالقران!! ان قران الفجر كان مشهودا مشهود من الملائكة وخصص الفجر مقالش اي صلاة تانية نبيك صلي الله علية وسلم قال اية طيب عنهم قال صلى الله عليه وسلم : "بشر المشائين في الظلم إلى المسجد بالنور التام يوم القيامة تخيل بقي لما بتبقي لابس لبس جديد مش بتبقي مبسوط ؟ طب امال بقي لما تبقي عليك حلل من نور يوم القيامة في وسط الخلائق وتبقي مميز هيبقي شعورك اية وقال تعالي للذين احسنو الحسني وزيادة http://a7lashare.com//uploads/images...5e1c0e3aae.jpg طب يعني اية اعمل خير انت بس وربنا هيجزيك باذنة الجنة طب واية كمان ؟وزيادة، هو في زيادة عن الجنة؟ اه ،الي هو اية؟ لذة النظر الي وجه الكريم تخيل بقي كدة لما تشوف ربنا ،اذا كان الواحد لما بيشوف بديع صنع الله بيبقي مبسوط اد اية ويقعد يقول سبحان الله http://a7lashare.com//uploads/images...0836727f97.jpg http://a7lashare.com//uploads/images...a84bdcc24e.jpg فما بالك بالمبدع نفسة لما تشوفه هتقول اية اللي بيحب حد بيحب يبص لية اللي بيحب الكعبة بيحب يبص ليها انت بقي بتحب ربنا؟ قال صلى الله عليه وسلم: "إنِّكم سترون ربَّكم كمَا ترون هذا القَمرَ لا تُضامونَ في رؤيته ، فإن استطعتم أن لا تُغلبوا على صلاةٍ قبل طلوع الشَّمسِ وقبلَ غروبها فافعلُوا ثم قرأ: {وسبح بحمد ربك قبل طلوع الشمس وقبل الغروب} طولت عليكو ؟ طب كمان السطرين دول بس معاك كمان صلاة الفجر دي ضمان ضد النارقال صلى الله عليه وسلم: "لن يلج النار أحدٌ صلى قبل طلوع الشمس وقبل غروبها " أخرجه مسلم. تخيل بقي تعيش في الدنيا وتدفع القسط الشهري بتاع الضمان دة بلاش شهري يومي ميستاهلش جلدك الضمان دة وعلي فكرة الضمان دة مش من النار بس وضمان طول ما انت صاحي في يومك قال صلى الله عليه وسلم: "من صلَّى الصبح فهو في ذمة الله ". طب ماشي هنصلي الفجر بس عشان هي عبادة وطاعة لله وضمان من الناربس؟ لأوعايز كمان فايدة الدنيا وتكسب فلوس وتعيش مبسوط!!! شوف بقي الحديث دةوقال صلى الله عليه وسلم: "يعقدَ الشيطان على قافية رأسِ أحدكم إذا هو نام ثلاث عقد، ويضرب على مكان كل عقدة عليك ليل طويل فارقد، فإن استيقظ وذكر الله انحلت عقدة ، فإن توضأ انحلت عقدة ، فإن صلى إنحلت عقدة، فأصبح نشيطاً طيب النفس ، وإلا أصبح خبيث النفس كسلان " متفق عليه يعني اية؟ يومك هيبقي حلو ومنتج ونفسك طيبة وسعيدة واية كمان وقاية ضد الاحباط معقولة اه معقولة بس احب اقول اخر حاجه بقي الكلام دة لازم يتعهده المداومة يعني لو صليت يوم 2 انت ممتاز متوقفش طب نمت يوم معلش متقولش انا كدة خلاص لا كمل طب وعشان اداوم اعمل اية .......... هقولكم بس المرة الجاية بقي |
رد: عايز تدافع عن نفسك يوم القيامة
جزاكى الله كل خير والهمك الصواب وبعد عنك الشيطان شكرا على الموضوع يا فندم |
رد: عايز تدافع عن نفسك يوم القيامة
1- ترتيب الاولويات وتجديد النية وتعددها دلوقتي احنا اتكلمنا عن فضل صلاة الفجر وان فيها لذة وسر مش هتعرفة الا لما توصل (نحن في سعادة لو عرفها الملوك لجالدونا عليها بسيوفهم)، هذه العبارة منقولة عن بعض السلف الصالح وقال ابن تيمية (ان في الدنيا جنة من لم يدخلها لم يدخل جنة الاخرة) ها هتطلع الرحلة؟ هتستي لحد امتي متدوقهوش؟ اصل انا لسة بس بذاكر دلوقتي ولما اخلص ان شاء الله والله انا ناويها هروح له وامرمغ وشي في التراب من السجود وهبقي انسان تاني خالص http://www3.0zz0.com/2011/06/23/10/722803843.jpg معلش هو في حاجه صغيرة بس انت مش واخد بالك منها احب نعرفها مع بعض علي فكرة انت اصلا بتعمل وبتذاكر وبتاكل وبتنام وكل حياتك طاعة له احنا بنعمر الارض لية لطاعته يعني لازم تجدد نيتك في كل حاجه انها لية يعني انا وانا باكل دي عبادة؟ تخيل ؟؟؟؟ وممكن اخد عليها ثواب ؟ اة والله بجد دة انت مش ممكن تاخد ثواب واحد لا ثوابات كتير بيقولك الصحابة كانو تجار نوايا يعني اية يعني يعمل عمل واحد لكن نياته تتعدد قبل العمل ودي اصول التجارة!! التجارة مع الله اديني مثال بابا جة قالك عايزين نزور عمتك في المستشفي(عمتك اللي كل ما تشوفها تقولك انت بتذاكر مبتذاكرش لية الواد دة شكلة مش فالح يا محمد – محمد دة باباك-) تروح معاه وانت قرفان ومتضايق وبتنفخ ونفسك تقلب السرير بتاعها او تقول للدكتور يديها حقنة هوا طب انت كدة ضيعت وقتك ومخدتش ثواب ويمكن تتخانق مع باباك وتاخد ذنب طب اية رايك تاخد علي عملك العادي في الحياة ده ثواب تدخل بيه الجنة (والله يضاعف لمن يشاء) وقال صلي الله علية وسلم الحسنة بعشر امثالها الي سبعمائة ضعف اولا هعصر علي نفسي لمونة ومش هقلب وشي (ولا تتبعوا صدقاتكم منا ولا اذي) ثانيا هاعتبر ان دة 1-بر والدين ماشي واية كمان 2-وعيادة مريضقال رسول الله صلى الله عليه وسلم إن الله عز وجل يقول يوم القيامة يا ابن آدم مرضت فلم تعدني قال يا رب كيف أعودك وأنت رب العالمين قال أما علمت أن عبدي فلانا مرض فلم تعده أما علمت أنك لو عدته لوجدتني عنده يا ابن آدم استطعمتك فلم تطعمني قال يا رب وكيف أطعمك وأنت رب العالمين قال أما علمت أنه استطعمك عبدي فلان فلم تطعمه أما علمت أنك لو أطعمته لوجدت ذلك عندي يا ابن آدم استسقيتك فلم تسقني قال يا رب كيف أسقيك وأنت رب العالمين قال استسقاك عبدي فلان فلم تسقه أما إنك لو سقيته وجدت ذلك عندي وكمان اية 3-وصلة رحم ( من سره أن يبسط له في رزقه , وينسأ له في أثره , فليصل رحمه )طب وثواب ادخال السرور علي قلب مسلم (ودة مش مسلم واحد دول 2) واية كمان 4-وجهاد ؟ طب اللي فات كلة ماشي انما جهاد ازاي مش انت سبت العيال صحابك ومروحتش البلايستيشن ومقعدتش عالقهوة مع انك كنت مديهم معاد مهم جاهدت نفسك بقي ولا لأ وبعد اللي انت عملته دة والله ربنا هيبدلك لذة في قلبك وراحة في نفسك مش هتصدقها ويا سلام بقي لو صممت انك تجيب معاك كيلو شوكولاتة من فلوسك انت http://www2.0zz0.com/2011/06/23/10/878428189.jpg عشان باباك يحس اد اية انت مبسوط وانت رايح معاه اللمسات دي صدقني مش بتضيع 5-دة انفاق في سبيل الله!! قال تعالي مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَاللّهُ يُضَاعِفُ لِمَن يَشَاء وَاللّهُ وَاسِعٌ عَلِيمٌ} http://www12.0zz0.com/2011/06/23/10/213546657.jpg.. يبقي نستفيد اية انت مش عايش لنفسك وهتستقطع شوية وقت لربنا الصلاة دي اساس حياتك يبقي لازم ترتب الاولويات لان اسفة يعني انت دلوقتي بصحتك او في مقولة حلوة سمعتها من درس روحله بطوعك قبل ما تروح له غصب عنك يعني ادعية وانت سليم بدل ما يبتليك ابتلاء وتدعية وانت مضطر يعني هتنوي في الفجر اية (مستنبط من المشاركة السابقة) طاعة لله سؤال النور التام يوم القيامة طلب البركة في اليوم الايمان الحق والبعد عن صفات المنافقين من احب الله احب لقاءة جهاد النفس ضمان من النار الجهاد في فلسطين وتاصيل كراهية اليهود في القلب ولو حد عنده اضافة يا ريت يشاركنا يتبع,,,, |
رد: عايز تدافع عن نفسك يوم القيامة
والله بارك الله فيك يا اخى الكريم
دة اللى ربنا امرنا بيه سبحانه وتعالى الجهاااااااااااد ربنا يجعله فى ميزان حسناتك |
| الساعة الآن 05:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017