|
الفيرنا مكتومة
السلام عليكم ياشباب
العربية فيرنا 2008 كاملة مانيوال عداد 42000 كيلو المشكلة كانت مكتومة وتغيب فى الدوارة بعد الرجوع من مشوار اسيبها مثلا 1/2 ساعة ادور تغيب اوى ودتها لميكانيكى بس كانت مكتومة اوى وبتمشى بالعافية ومش بتستجيب الى دوسة البنزين غير فلتر بنزين وبوجيهات نوع فرنساوى ظبطت شوية بس لسة بتغيب فى الدوارة بس اول ماادورها الصبح بتدور عادى الكلام دة بعد مشوار روحتولوة تانى غير حساس الكرنك والمشكلة لسة زى ماهية اللى انا شارية منه كان بيمون 80 بس انا بمون 92 حد يعرف من اية اصل حاسس ان الميكانيكى ده ربع لبة مع انة المفروض احسن واحد عندنا رايحلوة على السمع |
رد: الفيرنا مكتومة
شوف يا غالى ...
هقولك على كام حاجة لازم تشيك عليهم وباذن الله هتتحل ... مبدئيا شيك على فلتر الهوا ولو مسدود غيره وبعدين نضف البوابة وحساس الايدل بالاسبراى ... وده فيديو اكيد هيفيدك .. http://www.youtube.com/watch?v=GfVqZ...eature=related لو مظبتتش معاك يبق احتمال كبير عندك عيب فى الرشاشات ... شوف وطمئننى عملت ايه ... |
رد: الفيرنا مكتومة
فى احتمال ان كل مشكلة من المشاكل اللى عندك سببها غير التانى
يعنى يكون تاخير الدوارة عيب فى البطارية مثلاً لو مغيرتهاش من ساعة ما اشتريتها ممكن تكون خلاص بتودع وممكن يكون مشكلة السحب بسبب الديسك والاسطوانة او بسبب حاجة فى الانجكشن او حتة طرمبة البنزين |
رد: الفيرنا مكتومة
يا راجل يا طيب في فيرنا في الدنيا تمشي 80 ده انتا لازم تفور الطرمبه بالكامل
|
رد: الفيرنا مكتومة
الف شكر يا جماعة
ربنا يجعلة فى ميزان حسناتكم وهجرب الحل بتاع ا/حسام الاول واقولكم ان شاء الله على النتيجة |
رد: الفيرنا مكتومة
والله انا متابع باهتمام لانى عندى فيرنا وعايز استفاد والحمد لله الواحد عندة خبرة كافية بس احب اعرف اكتر
وللعلم كل اللى عندك هو عيب رشاشات وبكرة تقولى انت صح المهم فك وش الكفر اللى فوق وش السلندر اللى هيفتحلك البوجيهات فك بوجية بوجية وشوف لونهم زى بعض من تحت ولا لاة واهم حاجة شوفة اى بوجية جاب اصفر من اى حتة فية وقولى اية اللى عندك لو لونهم اسود ومفحم او فيهم اصفرار نتيجة الحريق يبقى عيب رشاشات لانك لسة مغير البوجيهات مع انى افضل بوجيهات العربية تكون الاصلى بتاعها المهم حتى لو طلع رشاشات يتنظفوا بالجهاز التراسونيك او تجيب غيرهم افضل نم التوكيل لعلمك الخاص انا من السويس وانت عارف طبعا انها ام البترول لكن للاسف كلة البنزين ومشتقات البترول الجيدة ومصنوعة على جودة تامة بتتصدر وبناخد اللى يتبقى منهم وطبعا مليان رصاص المهم انا بحط 92 وبرضة الرشاشات اتسدت بس بسيط لانى مع العربية اول باول فعرفت اول ما حصل كانت زيادة فى البنزين وكدة فعرفت فما بالك بنزين 80 يعمل اية بقى فى الرشاشات فتوكل على الله وشوف الموضوع وانتظر اراء الاعضاء هم اكثر خبرة منى وقولنا عملت اية ضرورى اخوك محمد بس بالله عليك ترد على السؤال دا وانت راجع بطهرك وبتركن وبتكسر الدركسيون مرة شمال ومرة يمين لحد ما تضبط معاك هل بيحصل انك بتسمع تكة بسيطة كدة مرة واحدة بس فى الركنة ولا مفيش اى صوت واللى قراء المشاركة وعارف دا اية يقولى اصلى عملت كل حاجة ومراحتش لدرجة انى قلت انها موجودة من زمان وانا اللى مش واخد بالى حد يساعدنى فى الموضوع دا بعد اذن صاحب الموضوع انى حطيت المشكلة فى موضوعة وشكرا |
رد: الفيرنا مكتومة
على فكرة ده اكيد المنافولد عايز ينضف بس
|
| الساعة الآن 03:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017