الحمدلله على كل شيئ .... انا محتار اختار اى عربيه ياريت تساعدونى
 

انا كنت راكب الاول كريستاله والحمد لله ربنا رزقنا بالحلال فقررت اجدد

ياريت تساعدونى لانى هموت لو اخترت حاجه وطلعت وحشه

عايز حاجه تبقى مناسبه لمصر وحنينه ف البنزين وقطع الغيار وكده



BMW 316 2006

Civic 2010

Lancer الشكل الجديد زيرو

jetta 2010

اوكتافيا 2010

رد: الحمدلله على كل شيئ .... انا محتار اختار اى عربيه ياريت تساعدونى
 

بص يا برنس انا من راى الشخصى مفيش احسن من الزيرو....... انا عيزك تقولى انت عايز العربية فى حدود كام وانا هفيدك ان شاء اللة

رد: الحمدلله على كل شيئ .... انا محتار اختار اى عربيه ياريت تساعدونى
 

و الله يا استاذ مش عارف اقولك ايه ... اصل العربيات دي كلها اداء و فخامه و استهلاكهم ... واحد يعني ... و الصيانه بتاعتهم في التوكيلات ...
فحضرتك متجبش الاحسن و تتخنق منها - بعد ما تكون دفعت المبلغ ده - عشان هي العربيه الفظيعه اللي حازت على تأيد المنتدى و تيجي تلاقي الغربيه مش مريحاك نفسيا
بالتالي ارى انك تحاول تتفرج على كل واحده و تركبها و تشوف اني اريح فيهم ... اصل انت اللي هتركبها و دي فلوسك ... و اللي هترتحلها هتدفعلها و تهتم بيها بنفس ...
على العموم انا لو مكانك ... الاوكتافيا .. توكيلها كويس و هي حكايه ... معلش طولت عليك ... ارجو اكون افتدك ...
تقبل سلامي :THUMB_~112:

رد: الحمدلله على كل شيئ .... انا محتار اختار اى عربيه ياريت تساعدونى
 

انا رأيى لو كل العربيات دى حالات ممتازة و كسر زيرو ..

يبقى الـ 316 وبعدين الاوكتافيا وبعدين الجيتا وبعدين السيفيك واخيرا اللانسر ....

الـ 316 : عربية bmw مش محتاجة كلام يعنى بالتاكيد هى الافضل (كعربية) ..

الاوكتافيا : عربية جميلة وشكلها رياضى وشيك جدا ومليانة اوبشنز وثباتها عالى و عالية .. ولكن الموتور الـ 1600 mpi اللى متوفرة بيه فى مصر ضعيف شوية عليها ومش مديها قوة تسارع كبيرة ... الموتور كويس جدا (شغال اوى يعنى) بس لما تدفع 200 الف فى عربية يبقى لازم تكون على دراية بكل شئ صغيرة وكبيرة ..

الجيتا : تعتبر نفس الاوكتافيا باختلاف الشكل وبعض الحاجات البسيطة .. يعنى مثلا واطية عن الاوكتافيا ...

السيفيك : كعادة موديلات السيفيك منذ بدايتها .. عربية اداء ...

اداء عالى وسلس جدا وتسارع ممتاز وثبات رائع .. ولكن الاوبشنز قليلة على عربية بالسعر ده ....

الانسر : عربية محترمة جدا طبعا ولكن صعب نقارنها ببقية العربيات دى .....



حاول تجرب كل واحده منهم واستخر ربنا .. وتوكل على الله ....

ومتنساش تفرحنا معاك لما تشترى باذن الله .....

رد: الحمدلله على كل شيئ .... انا محتار اختار اى عربيه ياريت تساعدونى
 

تمام بس المشكله انى وقتى مش هيساعدنى انى اجرب كل دول :(

هما حالاتهم كلهم كويسه ع حسب كلام اصحابهم فانا عايز حد يقررلى اجيب ايه لانى مليش خبره اوى

رد: الحمدلله على كل شيئ .... انا محتار اختار اى عربيه ياريت تساعدونى
 

بص من الاخر كدة لو انت متاكد ان العربيات ممتازة ومفهاش اى عيب يبقى اختار الى يريحك علشان كل العربيات الى انت مقترحها ممتازة خاصة bmw .........
بس انا من راى مفيش احسن من الزيرو يعنى تشترى العربية وانت حاطت فى بطنك بطيخة صيفى يعنى ولا تقولى عيوب ولا خبطة ولا اى حاجة يعنى Lancer من الاخر
بس انت برضو مقولتليش انت عايز العربية فى حدود كام عيب عليك يعنى دة انا رادد عليك اول واحد :014FDA~117:

رد: الحمدلله على كل شيئ .... انا محتار اختار اى عربيه ياريت تساعدونى
 

BMW 316 2006
هى عربية بسم الله عليها جميلة جدا وانا افضلها عن كل اللى موجود عليها ..............وان شاء الله ربنا يبارك ليك فيها ان شاء الله