الحقوني العربيه بتنتش علي السرعات العاليه...مش عارف اعمل ايه؟
 

لسه مغير بوجيهات وطقم سلك بوجيهات وعامل سيرفيس كامل للسيور والفلاتر والعربيه كان فيها نتشه صغيره علي الاولاني كنت بلاحظها في الشوارع الصغيره الضيقه لاني لو حبيت احرق شويه عشان اجيب التاني وانا ماشي علي السلانسيه كانت تنتش مني.... دلوقتي بقيت ساعات تنتش حتي علي الخامس يعني علس سرعه 100 ........
بصراحه انا مش عارف اعمل ايه ياجماعه ياريت اللي يعرف يفيدني

رد: الحقوني العربيه بتنتش علي السرعات العاليه...مش عارف اعمل ايه؟
 

انت بتحط بنزين 80 لو صح يبقى لازم تغير لو مش صح هقولك تعمل اية تروح عند كهربائى كويس يبص على موتور طلمبة البنزين ممكن يكون هو السبب وربنا معاك

رد: الحقوني العربيه بتنتش علي السرعات العاليه...مش عارف اعمل ايه؟
 

أستاذ محمود شكرا لردك ياباشا بس انا مش بستخدم 80 وانا لسه مغير عوامه وطبعا حضرتك عارف ان الطرمبه بتبقي في التنك ومكنش في مشكله وبعدين انا شاكك في حاجه بس مش عارف صح ولا لا..
ممكن تكون الموبينه اللي هي طالع منها اسلاك البوجيهات تكون بتهيس في توزيع وانتاج الكهرباء لان العربيه بعد قبل مغيرلها البوجيهات كانت بردو بتنتش بس مش علي السرعات العاليه وبعد مغيرتها كانت احسن بس دلوقتي زادت تاني وبردو عندي شك انه ممكن يكون عيب رشاشات مثلا.... والله انا محتار

رد: الحقوني العربيه بتنتش علي السرعات العاليه...مش عارف اعمل ايه؟
 

لو رشاشات العربية هتغيب معاك فى الدوارة دة لو رشاشات
اما لو موبينة ممكن تروح لقطع غيار استيراد وتجرب واحدة لو اتظبطيت يبقى كويس وربنا معاك

رد: الحقوني العربيه بتنتش علي السرعات العاليه...مش عارف اعمل ايه؟
 

طيب هي مش ممكن يكون رشاش بايظ او اتنين والاتنين التانيين شغالين كويس وتشتغل عادي من غير متغيب في الدواره؟ كأنها قاطعه كهربا في الغرفتين اللي الرشاشات بايظه فيهم فأعتقد انها هتننتش بردو بس مش هتغيب في الدواره ....
وبعدين انا كل مالعربيه مسخنت كويس كل ممعدل التنتيش ده اقل
فمش عارف ممكن يكون الحساس بتاع البنزين ولا الموبينه ولا الكنترول اصلا بتاع العربيه اللي بيتحكم في الرشاشات والموبينه؟!!

رد: الحقوني العربيه بتنتش علي السرعات العاليه...مش عارف اعمل ايه؟
 

لا طبعا انا مصدفش معاية حاجة زى دى قبل كدة بس محتمل يكون من الموبينة ممكن زى مقولتلك تجرب واحدة استيراد وتشوف لو تمام يبقى خلاص واشتريها ولو مش كدة ممكن تروح لميكانيكى مخضرم يجبلك اللى فيها بالضبط وربنا معاك

رد: الحقوني العربيه بتنتش علي السرعات العاليه...مش عارف اعمل ايه؟
 

شكرا ليك يا محمود باشاباشا علي الرد والمتابعه..
بس انا اكتشفت حاجه غريبه وانا فاتح الكبوت وببص علي الموتور
لقيت مجوعه الاسلاك اللي جايه للموبينه عن طريق وحده التحكم او دخل الكهرباء العمومي لاقيتها فيها اسلاك عريانه واحتمال تكون بتلمس مع بعض اما العربيه تتعرض لأهتزازات عاليه ويمكن تكون هي اللي بتعمل المشكله
عموما هحاول اعزلها كويس واشوف بردو ايه الاخبار.