|
لكل من يريد شراء افانتى ( النترا 2012 )
بسم الله الرحمن الرحيم بدايه احب ان اعرض بعض الاشياء الهامه طبعا زى ماحنا عارفين انو النترا الشكل القديم ملت البلد صح ؟ وغبور لغايه دلوقتى لسه شغال مبيعات عليها فى 2010 كانت نفس الشكل و 2011 نفس الشكل وبيتكتبلك انها 2011 وده كلام خاطىء لان الافانتى هى المفروض النترا 2011 بس طبعا غبور ازاى ينزلها ؟؟ لازم يبيع كل الى عنده من النترا الى حققت معاه مبيعات عاليه جدا جدا المهم 2010 طبعا كلنا عارفين شكلها و2011 برضو كلنا عارفين شكلها هى هى نفس شكل 2010 بس مزود عليها اشارات فى المرايات والاطار الى فوق الشنطه دلوقتى هو هينزلنا الافانتى 2011 على انها 2012 ما علينا مش دى المشكله العربيه نزلت فعلا عند الاحمدى موتوز بسعر 132 الف جنيه بس خليجى وموصفاتها كالاتى خليجي <table><tbody><tr class="section"><td> Engine</td></tr><tr><td>1600 c.c.</td></tr><tr class="even"><td>140 hp</td></tr><tr class="section"><td>model </td></tr><tr><td>model: 2011</td></tr><tr class="section"><td>optio ns</td></tr><tr><td>تكيف</td></tr><tr class="even"><td>باور ستيرنج</td></tr><tr><td>راديو سي دي</td></tr><tr class="even"><td>جنوط سبور</td></tr><tr><td>مرايات كهرباء</td></tr><tr class="even"><td>زجاج كهرباء</td></tr><tr><td>فوانيس شبورة</td></tr><tr class="section"></tr></tbody></table> طبعا كالعاده الاحمدى بينزل الخليجى قبل اى حد فى مصر مش ده موضوعنا خلينا بقى نخمن هيبقى سعرها كام من غبور؟ انا اتصلت باستاذ شادى توكيل المعادى قال سعرها ممكن يبتدى من 108 الف المانوال الى 130 الف واتصلت برضو باستاذ محمود جمال منسق مبيعات هيونداى قال سعرها ممكن يكون 113 الف الى 115 الف فعاوزين نخمن كده يجماعه هيكون سعرها بيبتدى من كام !! بدايه الكيتجورى فى اعتقادى هيكون كده مانوال مانوال فتحه سقف مانوال فتحه سقف هاى لين هيدروماتك هيدروماتك فتحه سقف هيدروماتك فتحه سقف هاى لين وفى الاخر هيدروماتك فتحه سقف توب لين فى انتظار ردودكم ومشاركتكم :joy23:اه على فكره نسيت اضيف حاجه فى اعتقادى بعد معرض الالنترا يخلص الى هوا الخصم 5000 جنيه هيبتدى يعلن عن الحجز للافانتى بس اكيد هيبقى فى لعبه هيعملها عمو غبور اول حاجه ازاى هينزل النترا 2012 والنترا 2011 الشكل القديم بسعر مقارب؟ طبعا مستحيل ينزلهم بسعر مقارب اكيد هيبقى فى اختلافى بين سعر القديمه وسعر الجديده علشان الى معهوش يجيب الجديده يشترى القديمه والى معاه يجيب الجديده يجيبها بس هيبقى سعر الجديده عالى شويه عن القديمه مثلا القديمه فتحه سقف مانوال 103.500 الف هتلاقى الجديده مانوال فقط بدون فتحه سقف 110 الف وهكذا |
رد: لكل من يريد شراء افانتى ( النترا 2012 )
بما ان ديه المشاركة رقم 2 ليك فلازم ارحب بيك الاول واحييك على تحليلاتك الذكية ديه
لكن حسب معلوماتى من مصادر فى هيونداى كوريا الام ، ان الدعاية الخاصة بهيونداى النترا فى مصر عمالة تتأجل لسبب لا اعلمة تحديداً (يمكن وضع السوق يمكن بالتنسيق مع الوكيل !! الله اعلم) لكن متوقع انها تبداء مع بداية الشهر الجديد وده معناه ان اطلاقها فى مصر رسمياً عبر الوكيل هيكون متزامن مع ده او لاحق ليه وده كله معناه انها فى خلال الشهرين الجايين لازم تكون فى معارض الموزعين او على الاقل متاحة حجز واستلام موضوع يخلص اللى عنده ده مش ممكن لانه اولاً يقدر يخلص اللى عنده بمليون طريقة مفيش توكيل بيغلب فى العربيات اللى عنده ثانياً طول عمر غبور بيبيع عربيتين فى نفس الموديل مع بعض الاكسنت القديمة والفيرنا والفيرنا والنيو اكسنت والنيو اكسنت والار بى عادى جداً الراجل معندوش مشاكل ده فى وقت كان بيبيع 3 موديلات من الاكسنت النيو اكسنت ساعتها والفيرنا المصرى والهندى .... ده جباااااااااااار اما بالنسبة للسعر فى الظروف ديه والوقت ده وباعتبار عوامل المنافسه معتقدش انها هتنزل باسعار اقل من 120 ل 140 والشاهد على كده النيو اكسنت الار بى نزلت من اخر التسعينات 93 - 95 باوفر برايس وبتوصل ل 115 وهو لسه بيبيع نيو اكسنت القديمة عادى فاعتقد ان التسعير هيبقى كالتالى من 80 - 90 نيو اكسنت من 90 - 100 نيو اكسنت ار بى من 95 ل 110 النترا الحالية من 120 ل 140 النترا الجديدة وبكده يبقى اداك خيارات لكل المستويات وفض الاشتباك بين اسعار الموديلات القديمة والجديدة وعنده مجال ينزل عروض بعد كده وميز العربيات اللى بيعتبرها موديل 2012 وشكل جديد احدث من الالنترا والسيراتو والكروز واللى عايز الاحدث لازم يدفع اكتر بس ... خلاص :fun_36_1_39[1]: |
رد: لكل من يريد شراء افانتى ( النترا 2012 )
اقتباس:
تسلم يا ابونوره على التحليل الجامد :1463B6~153: |
رد: لكل من يريد شراء افانتى ( النترا 2012 )
اقتباس:
نتمنى مشاركته اللطيفه:0959C9~155: |
رد: لكل من يريد شراء افانتى ( النترا 2012 )
يا أستاذ بدر انا اتفق تماما معاك في الرأي بس انا بحب اضيف ان توكيل غبور من التوكيلات الاكثر استغلالية في مصر يعني مثلا هل يعقل هيونداي النترا(طبعا الشكل الجديد رائعة )انها تكون قرب سعر الكورولا الياباني 100% او النيسان بلوبيرد او النيسان قاشقاي يعني حرام الحاصل من هذا التوكيل
|
رد: لكل من يريد شراء افانتى ( النترا 2012 )
عدنا لكم معى اخر الاخبار !!
دلوقتى يجماعه اتفتح باب الحجز للالنترا 2012 او الافانتى 2012 واخبار مؤكده بان سعرها ابتداء من المانوال سيكون 114 الف جنيه وهذا للمانوال وليس لدى معلومات عن سعر الاوتوماتيك لكن مانوال فول اوبشن تكييف باور استرينج زجاج كهربائى للاربعه فتحه شنطه وتانك من الداخل وسينتر لوك وخلافه من فول اوبشن المانوال مثل سى دى ومخرج ipod وسيتم الحجز عن طريق الاستاذ الفاضل محمود جمال منسق مبيعات هيونداى فقط قم بالاتصال به وتسجيل بيناتك اسمك رباعى وعنوانك ورقم بطاقتك وسوف يعطيك رقم الاوريكل orecale code وتترك لهم اللون المختار عباره عن ست ارقام وباذن الله سوف يتم استلام السياره فى اول 10 ايام من شهر سبعه وذلك باوليه الحجز عند حصولك على رقم الاوركيل يجب عليك ان تدفع مبلغ لحجز السياره اى مبلغ تريد سواء 500 جنيه او 1000 جنيه وذلك لاوليه الحجز ويتم الدفع عن طريق اى فرع من فروع توكيل غبور اوتو وذلك بالتنسيق معى استاذ محمود جمال ! :waving:اها صحيح فتحه السقف بتزيد 3000 جنيه عن سعر العربيه |
رد: لكل من يريد شراء افانتى ( النترا 2012 )
ورجعتلكم تانى باخر خبر !
نزلت الالنترا 2012 او الافانتى 2012 خليجى موديل 2012 عند الاحمدى موتورز بسعر 132 الف هيدروماتك <table><tbody><tr class="section"><td>Engin e</td></tr><tr><td>1600 c.c.</td></tr><tr class="even"><td>140 hp</td></tr><tr class="section"><td>model </td></tr><tr><td>model: 2011</td></tr><tr class="section"><td>optio ns</td></tr><tr><td>تكيف</td></tr><tr class="even"><td>باور ستيرنج</td></tr><tr><td>راديو سي دي</td></tr><tr class="even"><td>جنوط سبور</td></tr><tr><td>مرايات كهرباء</td></tr><tr class="even"><td>زجاج كهرباء</td></tr><tr><td>فوانيس شبورة</td></tr><tr class="section"></tr></tbody></table> :waving: |
| الساعة الآن 07:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017