موتور جديد للريجاتا
 

الإخوة الكرام،

لدي سيارة ريجاتا85 موديل 1986 1500cc
كثرت أعطال الموتور في الفترة الأخيرة و خاصة الكاربرتير و من يومين سير الكاتينة فوت فقررت شراء موتور جديد لأريح نفسي من كثرة الإصلاحات و إهدار الوقت و الجهد كما أيقنت أن هذا الحل أوفر على المدى الطويل.

سؤالي الأول هو؛ هل قطع غيار الموتور 100s متوفرة؟ لطالما رغبت في هذا الموتور لتفوقه بشكل كبيــــــر علي الموتور الذي أملكه حاليا و لظروف الطرق التي أتعامل معها يوميا، فأنا من مستخدمي الدائري و أعاني من سائقي النقل لهذا أفضل السرعة و الــ100s يوفر السرعة مع عزم عالي مما يساوي معدل تسارع أعلي ينقذك في حالة صطل أحد سائقي النقل و يمكن من قيادة أهدئ لثقتك أن السيارة لن تخونك إذا أردت منها الإسراع.

السؤال الثاني هل تنصحوني بأي موتور اخر في حالة عدم توافر قطع غيار الـ 100s كموتور التمبرا مثلا؟

و لكم جزيل الشكر

رد: موتور جديد للريجاتا
 

انا كان عندى نفس المشكلة ريجاتا 84 الموتور كان عاوز عمرة المهم قولت اجيب واحد استيراد اخذت الميكانيكى لعزبة شلبى يوم كامل ولم اجد الموتور المكيف الا عند واحد فقط وقالى 3000 جنية سيبتو ومشيت على طول قلت اجيب واحد عادة واحاول اوفقلو حاجات التكييف بس الاسف كل المواتير كانت عاوزة طقم شمبر فى الاخر سافرت لبورسعيد ولم اجد الموتور المكيف فجبت موتور تمبرا 1600 مكيف بس كان انجكشن فركبت الكاربراتير القديم والحمد للة الموتور طلع تمام وسحب العربية ممتاز
ارجو ان اكون وصلت المعلومة وشكرا

رد: موتور جديد للريجاتا
 

موتور التمبرا 1600 سى سى احسن من s100
قطع الغيار متوفرة
:140109~347:

رد: موتور جديد للريجاتا
 

اخى الكريم ممكن حضرتك تشترى موتور التمبر 1600 سى سى قوى و سحب جبار و فى نوعين انجكشن و كربرتير و كمان بالتكيفو السعر الاخ طارق كان كتب فى حدود 2000 جنية و ربنا الموفق و ياريت تقول لينا هتعمل اية و ربنا يسترها عليك و يلهمك التصرف الصحيح

رد: موتور جديد للريجاتا
 

انا معايا ريجاتا 100 اس و عاوز ابيع الموتور بتاعها علشان انا ناوى اشترى موتور 2000 سي سي

انا برضه من هواة السرعة و عاوز اكبر عزم ممكن
لو حابب تشترى الموتور

راسلنى

رد: موتور جديد للريجاتا
 

معلش يا جماعة أنا إتلخمت مع الصنايعية.
سئلت بالتليفون عند يوسف محمد يوسف و الكيلاني و فيات 2000 و الثلاثة أكدوا أن قطع غيار الــ100 إس متوفرة إلا القليل جدا و هو متوفر إستيراد، فتوكلت على الله و إشتريت الموتور من شارع أحمد سعيد على 2500 و كانت بيعة سهلة و إنشاء الله فيها بركة

مشكلتي دلوقتي في إيجاد كهربائي محترم في الجوار لتركيب الكنترول يونيت و تضبيط الضفيرة لأني نويت أن أشغل الموتور زي ما الخواجة صنعه - بالبلدي على أبوه - يعني عايز أشغل الحساسات و مش ناوي أقلب الكاربيراتير عاده، عايز أسيبو هاف إنجيكشن زي ما هوا

الراجل اللي جبت منو الموتور لسه مديلي إثنين كنترول يونت أجرب اللي هينفع فيهم لأنه مش فاكر اللي بيشتغل مع المكنه إيه و اللي هيشتغل أركبه المشكله إن الفيشه الوحيدة اللي إدهالي مقصوصه، يعني راكبه في اليونيت و طالع منها مجموعة السلوك و لكن بدون فيش في الطرف الأخر

هل سيستطيع الكهربائي تشغيل هذه الفيشة ولا أشتريله واحده بفيشها و أريحه و أريح نفسي معاه. و لو كنت مضطر لشراء فيشه جديدة فكم ثمنها جديده؟

و لكم جزيل الشكر

رد: موتور جديد للريجاتا
 

مبروك عليك الموتور
ثمن الموتور بلفتيس ولا من غير فتيس
هات فيشة جديدة اسئل عليها عند محمد يوسف او الكيلانى ممكن تلاقيها