جايبلكم تخميس بياريس والنترا ونيسان بزفة بالاسكندرية
 

صورتلكم تخميس جامد موت بزفة بالاسكندرية

بتيوتا ياريس وهيونداى النترا ونيسان صنى

شوفوا الفيديو ويارب يعجبكم وما تنسوش الردود


http://www.youtube.com/watch?v=AWQHIfwmqZU

رد: جايبلكم تخميس بياريس والنترا ونيسان بزفة بالاسكندرية
 

الى بيخمس بلصنى غلبان اواى بتاع الالينترا مخلية شكلة وحش اوى

رد: جايبلكم تخميس بياريس والنترا ونيسان بزفة بالاسكندرية
 

موقفين الشارع 10 دقايق علشان فرح
فكرني بمره كنت راجع من القاهره
و لقيت زفه عطلتني علي مدخل المحله يجي ربع ساعه
30 عربيه ولا 40 و قافلين الشارع و موقفين الطريق
و شباب طالعين من الفرح سخنين عمالين يرقصوا و حاجه اخر مسخره و قله ادب
لحد ما وصلت جنب عربيه العريس و قاعد فرحان اوي و مبسوط هو و المدام
روحت جاي جنب الباب اليمين علشان اسمع عروسته
و قمت قولت للسواق هو علشان خاطر تفرح بالحيوان اللي معاك دا تعطل الشارع
و بس!!!!!!!
سيبتهم و انا متاكد ان دمه اتحرق قدام مراته علشان يحترم نفسه بعد كده

رد: جايبلكم تخميس بياريس والنترا ونيسان بزفة بالاسكندرية
 

مع احترامى الشديد ليك يا أستاذ حازم حضرتك غلطان كده فى حق العريس

انا معرفش حضرتك متزوج ام لا بس انت اكيد لاتقبل ذلك على نفسك

وإللى متأكد منه كمان إن اى واحد يوم فرحه بيكون محتاج أصحابه جنبه

ويوم الفرح عمره ما بيتعوض وصدقنى الأيام الحلوه فى عمر الواحد هى اللى بتتحسب من عمره فعلاً

بس عارف يا أستاذ حازم لو الزفه دى كلها سمعت صوت عربة إسعاف هتلاقى الناس توسع الطريق

وكمان هتلاقى ناس فى النص هتدعى للمريض بالشفاء

يبقى كان من الأولى تبارك للعريس مش تحرق دمه وتشتمه امام زوجته

ومتنساش ان ربنا قال لقد كرمنا بنى آدم يبقى ينفع تقول عليه حيوان

أرجو أنك تكون فهمت قصدى ومتزعلش منى واحنا كلنا بنكمل بعض

رد: جايبلكم تخميس بياريس والنترا ونيسان بزفة بالاسكندرية
 

هو بينك وبينك التخميس عادة مش حلوة وممنوعة فى نص الشارع بالغباء دا .. (قمة فى الامبالاة والغباء ) بس نرجع ونقول مادام يوم فرحة اهو خلية يفرحلة يوم .. مش قصة يعنى ..
والف شكر على الفيديو با حمادة

رد: جايبلكم تخميس بياريس والنترا ونيسان بزفة بالاسكندرية
 

بصراحه الواحد بيشوف الحاجات دي و ميبقاش عارف يعلق عليها
ليه مفهوم الفرح عندنا اننا نقفل الطريق
هو انا علشان اعمل زفه في الشارع لازم اقفلها على خلق الله علشان فرحتي تكمل !!!
و لا نمشي 4 او 5 عربيات جنب بعض على اقل سرعه ونحوش الناس ورانا علشان يبقى شكله موكب كبير و كل العربيات دي بتزف العريس !!!

هو لما نوقف الشارع و نمنع الناس انها تعدي بأي حجه بقى شيء عادي ....
و لا ماهي بقت كلها زحمه في زحمه و مواكب و وزرا .. والعريس في ليلته يبقى ملك والدنيا تقف له !!!!!!
انا مش فاهم احنا بقينا بنفكر ازاي !!!!
الصح بقى غلط ... و الغلط بقى صح ... و المفروض نعلق عليه كمان واحنا مبسوطين !!!!!
هو يعني اللي عايز يفرح حتى لو ليله العمر لازم يذنب الناس علشان خاطر سيادته
اللي عايز يروح لدكتور و لا عنده ميعاد و لا تعبان و عايز يروح بيته و لا .... و لا .... و لا مجتش من 10 دقايق !!!!!
العريس مبيبقاش دريان باللي بيحصل ... و اللي بيعملو الكلام ده بيكون هدفهم الاستعراض اكتر من اي حاجه تانيه
بلاش لو اي عربيه من دول في لحظه فلتت ودخلت في الناس اللي واقفه .. كان الفرح اتقلب جنازه
بلاش ... لو كانو حتى العربيتين خبطوا في بعض
بلاش ..
اخبار الاسطوانه و الديسك و الهاند بريك ايه دلوقتي ....
اكيد العربيات دي ايجار ... لأن صحابها لا يمكن حيعملو كده فيها
ولا هما مش تعبانين في تمنهم ptmnlo123per195

بصراحه لما بشوف الكلام ده ببقى نفسي اعمل زي استاذ حازم خضر ... و اكتر كمان ... لكن بكتم غيظي لحد ما اعدي ...
حعمل ايه؟؟ !!!
بلاقي الناس كلها فرحانه و بتضحك ....
بتضحك على خيبتها ... و الجهل والتخلف اللي بقينا فيه !!!

رد: جايبلكم تخميس بياريس والنترا ونيسان بزفة بالاسكندرية
 

بس بتاع اليارس كان مولاعها
بتاع الصنى العربيه ماكنتش مسعاده

وعادى بقا فرح 10 دقائق وى هيعدووووووووو ptmnlo123per1127