|
افيدوني بالله عليكم لانوس ولا بي واي دي اف3 ؟
انا خلاص نويت ان شاء الله وبصراحه انا كنت متجه لل بي واي دي ولكن واحد معرفه شقلب دماغي علي اساس سعر اعادة البيع للانوس وقطع الغيار الرخيصه بجد انا محتار ومش عارف اخد قرار افيدني ان امكن
|
رد: افيدوني بالله عليكم لانوس ولا بي واي دي اف3 ؟
لا دى ولا دى اللوجان بجد جميله ومعايا بقالها حوالى خمس شهور وبجد مريحانى فى كل حاجه يا باشا لو عايز اى استفسار كلمنى على الخاص بجد سياره بدون عيوب جوهريه وموضوع قطع الغيار بقى منتشر بطريقه جيده جدا
وصلى صلاه استخاره |
رد: افيدوني بالله عليكم لانوس ولا بي واي دي اف3 ؟
انا لا امتلك دى ولا دى
لاكن من حبى للسيارات عملت استطلاعات رائى كثيرة واكتشفت ان كل واحد راكب سياره مقتنع بيها وبيشكر فيها انا عن نفسى نفسى أجيب ال byd f3 وذلك لاقتناعى بها من حيث الموتور موتور متسوبيشى والعفشه تويوتا ووسعه وعاليه وكل من ركبها بيشكر فيها وبعدين احنا لحد هذا الوقت ناس بتغير مواتير وبتعدل وذلك لرفع كفاءة سياراتهم فقتنعت ان عادى لما يكون الموتور متسوبيشى والعفشه تويوتا والجديد ان الاتوماتيك منها الفتيس بتاع النيسان صنى اتوماتيك وربنا يهديك للاصلح تقبل تحياتى |
رد: افيدوني بالله عليكم لانوس ولا بي واي دي اف3 ؟
لوجــــــــــــــــــــــ ــــــــان الفول اوبشن ب 70,000 مفهاش عيب واحسن عربية في الرينج ده
http://img.mundoautomotor.com/web/wp...an-2011-04.jpg |
رد: افيدوني بالله عليكم لانوس ولا بي واي دي اف3 ؟
البى واى دى الاوتو حلوة بس ب 80000 جنيه متهيالى كتير عليها شوية واكيد اعادة البيع بتاع الصينى صعبة جدا
|
رد: افيدوني بالله عليكم لانوس ولا بي واي دي اف3 ؟
خد الخبر ده و بعدين قوللى رايك
http://www.alwafd.org/index.php?opti...#axzz1QIad3bXf و كمان انا لما كنت بادور ولاقيت ان الفرق بين العربيتين دول و بين النيسان فى الفلوس 15 الف و الفرق فى الجوده و الاعتماديه و سمعة الشركه المصنعه كبير لاقيت ان الموضوع يستاهل و واجيب نيسان ولا تقوللى ماتور متسوبيشى ولا فتيس نيسان هات النيسان الاصليه بمتور يابانى و فتيس يابانى و ريح دماغك لكن لو ال 15 الف هايفرقو معاك يبقى فكر فى اللوجان او البروتون ساجا و الله الموفق |
رد: افيدوني بالله عليكم لانوس ولا بي واي دي اف3 ؟
بس الانوس كويسة بس مش زى زمان لان دخل فيها الصين هى زمان من دايو كانت هايلة كانت معاية بس هى كويسة بالنسبة لسعرها وبعدين انا شخصيا بخاف من الصينى لية بقى لان كل حاجة صينى عمرها قليل ولاحظ ان الصين وطبعا المستوردين والوكلاء بيجيبولنا درجة تالتة او درجة مش كويسة علشان يقليلو فى السعر وبصارحة فى مثل بيقول ابعد عن الصينى وغنيلة بس للامانة العربية فيها صاج كويس بصارحة وربنا معاك واسأل بردة الناس اللى معاها بى واى دى وبيقولو عنها اية وربنا معاك
|
| الساعة الآن 06:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017