ماتريكس 2006
 

السلام عليكم
ارجو الافادة انا لسة شارى ماتريكس 2006 عاملة 43 الف كيلو انا عاوز اعرف اغير السيور وسير الكاتينة امتى واروح توكيل غبور ولا ممكن اروح مركز معتمد من غبور
ويارت حد بقولى اسعار الاكصادمات النيكل الى بتتركب فى الماتريكس
وجزاكم الله كل خيييير

رد: ماتريكس 2006
 

أولا مبروك عليك
ثانيا: ممكن تغير السيور والفلاتر طالما مش عارف المالك السابق غيرهم أمته. للامان تغيرهم وتسكل يوم التغير والعربية عاملة كام كيلوا بحيث انا التغير التالى للحاجات دى يبقى فى وقته الصح.
ثالثا: طبعا أحسن تروح لحد تبع غبور مركز معتمد هيكون كويس أو ميكانيكى شاطر. المركز المعتمد أحسن وخاصة إنك مش هتغير الحاجات دى كل يوم.
رابعا: الديفندر مش مصرح بيه فى المرور بس فى ناس بتعدى لو برتكب اللى ورة والجناب بس. فى ناس بتبيع الدفندر فى الحرفين ويمكن التوفيقية. فى واحد مشهور بيبيع كل مستلزمات الهيونداى أسمة عشم زين ودة فى شارع دمشق. هو مركز خدمة معتمد على ما اعتقد. والدفندر ممكن يدخل فى 2000 حنية على حسب الخامة والحجم. وهو المعادن غالية اليومين دول

لو سمحت أبقى شارك بتجربتك وقولنا جبت السيور بكام ومنين ومصنعية التركيب كام.
كذلك قول لنا لو ركبت الدفندر كلفك كام وجبته منين. اعتقد المشاركة بالخيرة اللى هتخلى المنتدى دة مستمر

رد: ماتريكس 2006
 

فى شارع شامبليون فى التحرير واحد بيبيع من الأخر إكصدام أمامى وخلفى وعتب جانبى 1075 جنيه

رد: ماتريكس 2006
 

نصيحة لوجه الله
اياك و تركيب الكصادامت النيكل وده لعدة اسباب

1. لو بصيت هتلاقى سعرهم من شراء اكصدامين جداد
2. تأثيرهم على السيارات الاخرى مش لطيف (انا معايا ماتركس 2006 و سرحت فلبست فى واحد وقف قدامى و النتائج -مفيش اضرار -بس لو كان فيه اكصدام نيكل ممكن كنت هادفع كتير خاصة ان العربية اللى خبطتها أمريكانى )
3. مشاكل مع المرور كتيييييير و لازم تكون مثبتة ع الرخصة
4. لو لا قدر الله خبطت واحد معدى تخيل الوضع مرة من غير الاكصدام النيكل و العادى الفيبر

رد: ماتريكس 2006
 

ركب اللى فى الجنبين وكمان اللى فى الخلف وبلاش الامامى علشان الناس المعترضة

رد: ماتريكس 2006
 

باشا مبروك عليك العربية و ربنا يديك خيرها و يكفيك شرها بالنسبة للسيور يتم تغييرهم على 60 الف كيلو بس برضه في حاجة تانية ان السيور دي فى الاول و الاخر كاوتش و بما ان العربية موديل 2006 يعني عدي عليهم فى العربية 5 سنوات لو لاحظت هتلقي الضمان على العربية 3 سنوات او 100 الف كيلو ايهما اقرب يعني فى بعض الحاجات ليها عمر افتراضي حتي لو لم تستخدم زي الاطارات مثلا فا الافضل انك تغييرهم دلوقتي احسن و اضمن انا لسه مغيير طقم سيور كامل و 2 بلية كاتينية فى صيانة الـ 60 الف و عملتها بره التوكيل و كلفتني 635 جم بالمصنعية علما بأن السيور المستخدمة كلها اصلي و ممكن تبص على الاسعار فى الرابط ده http://www.masrmotors.com/vb/showthread.php?t=57940
بالنسبة للدفيندر انا مركب الجانبي بس جبته من شارع دمشق 420 جم بالتركيب بس نصيحة لو هتجيبه هاته من شارع شمبليون بوسط البلد ارخص من دمشق و نصيحة كمان بلاش الامامي خليك فى الخلفي و الجانبي عشان المرور و عشان الناس اللي ماشي من غير عربية GIFT4U

رد: ماتريكس 2006
 

:14FEAD~151::14FEAD~151:


ايوة كدة اجابات مميزة. طيب حضرتك اللى اشتريت السيور؟ ممكن تقول لى عن مكان موثوق فيه بيبيع الكورى الاصلى زى اللى فى التوكيل؟ الحقيقة الواحد عاوز يغيرهم بس المهم القيهم اصلى مش مضروبين ويبقى اللى فى العربية احسن منهم. كمان ممكن تقولنا على المكان اللى غيرتهم فيه؟ أكون لك شاكر....

هو فى انواع من الدفندر ولا ايه. واحد زميلى كان شارى من عشم زين بتاع شارع دمش وكان شارى اعلى من كدة. يمكن يكون فى اصناف. اكيد اللى فى شارع شميليون هيكون خامتة اقل من اللى اشترتهم حضرتك. رايك ايه؟؟؟؟؟؟؟؟