مصر موتورز مجتمع السيارات
صفحة 1 من 5 1 2345
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   BYD (https://www.masrmotors.com/vb/forumdisplay.php?f=129)
-   -   طلب رأي الأعضاء أصحاب الرأي الموضوعي فقط (https://www.masrmotors.com/vb/showthread.php?t=57412)

dana012 24-05-2011 03:46 PM
طلب رأي الأعضاء أصحاب الرأي الموضوعي فقط
 
بسم الله الرحمن الرحيم
أيها الأعضاء الكرام
أنا عضو جديد بالمنتدى وأنا بصدد شراء سيارة جديدة بالتقسيط
وبعد بحث إستقريت على البي واي دي أو اللوجان
المشكلة إني ما أعرفش أي حاجة عن السيارات ففضلت أن أسأل أهل الخبرة مثل الدكتور المحترم المناهري
لكن المشكلة التي لاحظتها بشدة أن جميع الأراء متحيزة جدا وغير موضوعية بالمرة
بمعنى
إني لو سألت أي السياراتين أفضل في منتدى الرينو لوجان أجد كل الأراء في مصلحة اللوجان قطعيا وده لأن كل أصحاب الأراء راكبين لوجان وكل إنسان بيحب يحس إن عربيته هي أفضل سيارة في التاريخ و مان بحس إنه بيطمن نفسه نفسياً بدون وعي عشان ثقته وثقة غيره تزيد بالسيارة
والعكس صحيح لو سألت نفس السؤال في منتدى البي واي دي
فين يا جماعة الخير الموضوعية والنصيحة الخالصة لوجه الله تعالى
وبالمرة أجيب جديد قسط ولا أشوف مستعمل في حدود 35 ألف على قدي وأبعد عن هم الأقساط
وأيضا وآسف للإطالة حد يعرف طريق بي واي دي مستعملة حالتها حلوة
ألف شكر مقدما لكل من سيقوم بالرد

lonedoctor 24-05-2011 05:23 PM
رد: طلب رأي الأعضاء أصحاب الرأي الموضوعي فقط
 
المقارنة الموضوعية تقتضى المقارنة بين مواصفات كل من السيارتين واسعار قطع الغيار وخدمة ما بعد البيع والاعتمادية ممن جرب كل من السيارتين وطبعا بعد التحقق من كل هذه النقاط byd تتفوق وبقوة وبالذات لو كانت الاوتوماتيك
لوجان تكنولوجيا قديمة 2001 موتور 8 صبابات فقط سحب ضعيف واستهلاك بنزين عالى وقطع غيار غالية جدا ومحتكرها التوكيل ولا يركب عليها قطع من ماركات اخرى اتزان اقل امان وكماليات فقيرة جدا واعتقد الموضوع ده واضح جدا وقتل بحثا من قبل
تقبل تحياتى

akerima 24-05-2011 05:47 PM
رد: طلب رأي الأعضاء أصحاب الرأي الموضوعي فقط
 
اقتباس:
المشاركة الأصلية كتبت بواسطة lonedoctor (المشاركة 438483)
المقارنة الموضوعية تقتضى المقارنة بين مواصفات كل من السيارتين واسعار قطع الغيار وخدمة ما بعد البيع والاعتمادية ممن جرب كل من السيارتين وطبعا بعد التحقق من كل هذه النقاط byd تتفوق وبقوة وبالذات لو كانت الاوتوماتيك
لوجان تكنولوجيا قديمة 2001 موتور 8 صبابات فقط سحب ضعيف واستهلاك بنزين عالى وقطع غيار غالية جدا ومحتكرها التوكيل ولا يركب عليها قطع من ماركات اخرى اتزان اقل امان وكماليات فقيرة جدا واعتقد الموضوع ده واضح جدا وقتل بحثا من قبل
تقبل تحياتى


مع اني راكب لوجان بس عمري ما كنت هعيب في البي واي دي بس للاسف اللي انت قلتة يخليني لازم ارد
اولا عمر ما حد قال ان سحب اللوجان ضعيف بالعكس حاول بجد تجرب اللوجان الناس كلها اجمعت انها لا يمكن تبقي 90 حصان وانها اعلي من كدة بكتير
ثانيا استهلاك البنزين الاقل في فئتها 8 لتر/100كيلو داخل البلد 6.5 علي الطريق وبرضة دي حقيقة دي اقل استهلاك للوقود مع ماتور 1600 - بالمقارنة بالنوبيرا مثلا نفس الماتور بنفس التكنولوجيا !! نصف استهلاك البنزين
ثالثا قطع الغيار حتي لو غالية ولو افترضنا انها حتفضل غالية ودا مستحيل بسبب انتشار العربية الرهيب فهي معمرة - طبعا لانها اوربي ودي سمة من سماتة مش صيني
رابعا يكفي انها رينو

samirsaber 24-05-2011 05:52 PM
رد: طلب رأي الأعضاء أصحاب الرأي الموضوعي فقط
 
اقتباس:
المشاركة الأصلية كتبت بواسطة akerima (المشاركة 438496)
مع اني راكب لوجان بس عمري ما كنت هعيب في البي واي دي بس للاسف اللي انت قلتة يخليني لازم ارد
اولا عمر ما حد قال ان سحب اللوجان ضعيف بالعكس حاول بجد تجرب اللوجان الناس كلها اجمعت انها لا يمكن تبقي 90 حصان وانها اعلي من كدة بكتير
ثانيا استهلاك البنزين الاقل في فئتها 8 لتر/100كيلو داخل البلد 6.5 علي الطريق وبرضة دي حقيقة دي اقل استهلاك للوقود مع ماتور 1600 - بالمقارنة بالنوبيرا مثلا نفس الماتور بنفس التكنولوجيا !! نصف استهلاك البنزين
ثالثا قطع الغيار حتي لو غالية ولو افترضنا انها حتفضل غالية ودا مستحيل بسبب انتشار العربية الرهيب فهي معمرة - طبعا لانها اوربي ودي سمة من سماتة مش صيني
رابعا يكفي انها رينو
انا مش عيب فى الرينو لان الرينو عربية محترمة
بس هاقولك بص على الرابط ده من بق اصحاب الرينو نفسهم
http://www.masrmotors.com/vb/showthread.php?t=55007

corsair 24-05-2011 05:55 PM
رد: طلب رأي الأعضاء أصحاب الرأي الموضوعي فقط
 
اللوجن عربية معروفه من قديم الازل واسمك راكب تكنولوجيا اوروبي

ابعد عن الصيني وغنيله اللي زي البطيخة يا قرعه يا قرعه دلوقتي نادر لما تلاقيها حمرا

تقفيل ال بي واي دي فضيحة بمعني الكلمة انا شوفتها في المعرض بتاع النزهه قولت ربنا يسترها علي اللي راكبها

nktis 24-05-2011 05:58 PM
رد: طلب رأي الأعضاء أصحاب الرأي الموضوعي فقط
 
renault logan.........

lonedoctor 24-05-2011 06:02 PM
رد: طلب رأي الأعضاء أصحاب الرأي الموضوعي فقط
 
دى شكوى رابطة اصحاب اللوجان للشركة
نص الشكوى:
=====================
عزيزي سيدي الرئيس ،

اولا: افتخر كونى احد ملاك السيارة رينو لوجان.
الاسم:
رقم الشاسية:
رقم الموتور:
العنوان البريدى:

ثانيا: نتيجة للثقة المطلقة فيكم النابعة من سمعة شركتكم العالمية ارسل لكم هذه الشكوى ضد وكيل رينو في مصر:
عدم توفر و انتشار قطع الغيار مع ارتفاع اسعار قطع الغيار بشكل مرتفع جدا على عكس ما هو متوقع لسيارة اقتصادية و ايضا بالمقارنة مع غيرها من سيارات فى نفس الفئة السعرية (fiat- albia, cheverloet –loanos, hundai –verna, porton- saga) وللاسف اغلى ايضا من بعض سيارات فى الفئة السعرية الاعلى منها. و أليكم بعض الامثلة:

"كوبلن ب 3600 جنيه وعلبة دركسيون ب 7000 جنيه و مراية جانبية ب 550 جنيه و فانوس امامى 630 و كبوت 1300 و باب 1400 و اكصدام امامى 850 و اكصدام خلفى 650 ورادياتير يعدى الاف جنيه وغيره وغيره و ......................... "

ثالثا: مصنعية تركيب قطع الغيار فى التوكيل كبيرة جدا مقارنة بتركيبها خارج التوكيل بشكل مبالغ فيه جدا.

رابعا: هذه الشكوى ليست شكوى فردية بل شكوى جماعية انتشرت بشكل كبير جدا فى مصر وايضا فى العديد من المنتديات على الانترنت وبدأت بالفعل تأثر وتؤدى لتجنب العديد من الافراد شراء اللوجان والاتجاة لشراء السيارات الاخرى.

اخيرا: نحن مجموعة من ملاك السيارة لوجان سوف نبدأ باتخاذ خطوات ايجابية نحو الرأى العام ضد الاستغلال - و لكن بعد مناقشات و مداولات بيننا وجدنا ان نبدأ اولا بارسال هذه الشكوى لكم ونحن نبحث عن إجابة في اسرع وقت ممكن كما نتوقع دائما من رينو.

شكرا
وده الرابط
http://www.masrmotors.com/vb/showthread.php?t=55007


الساعة الآن 10:28 PM.
صفحة 1 من 5 1 2345
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017