|
من هم اكثرهم حوادث مؤديه الى الموت
من هم اكثر حوادث مؤديه الى الموت السيدات ام الرجال فاذا كانت السيدات حوادثهم كثيره لكنها ليست مؤديه الى الموت وذلك راجع الى عدم تجاوزهم السرعه اكثر من 80 كيلو فانى اريد عمل احصائيه للحوادث المؤديه الى الموت مثل قلب مكروباص على الدائرى او دخول سياره نقل بمقطوره فى سياره ملاكى او انقلاب قطار او اتوبيس من اعلى الكوبرى فلا بد من المصارحه مع النفس حتى نعترف بأن حوادث الرجال قاتله عن حوادث السيدات فيجب توجيه السيدات الى القياده الصحيحه بدلا من مهاجمتهم فهم شركاء لنا فى كل شئ حتى فى قياده السيارات فبارك الله فى كل عضو يذكر معلومه يستفاد بها باقى الاعضاء حتى نستطيع الحد من حوادث السيارات والله يوفقنا لما فيه الصالح دائما .
|
رد: من هم اكثرهم حوادث مؤديه الى الموت
احب اتفق معاك من ناحية ولكن لازم تعرف ان سواقة السيدات ممكن تعمل حوداث قاتله
شوف الحكاية ديه يعنى لو ماشى جنب ست على طريق السريع وهى على يمينك فجاه الست اتخضت من طوبة او كلب ماشى رحت رمت عليك يا معلم وانت علشان تفاديه رمت شمال وكان واحد دماغه زفت جاى سريع من الشمال هى كده مش عملت حادثة ولكن تسببت فى كارثه احنا لا نهاجم سواقة الستات ولكن انصحهم بفتح مرايات الجانبية والنظر فيها بدلامن النظر امامهم فقط |
رد: من هم اكثرهم حوادث مؤديه الى الموت
اقتباس:
|
رد: من هم اكثرهم حوادث مؤديه الى الموت
يا شيخ طارق بص علي اي حادثة علي الطريق هتلاقي ان كان سببها واحده ست بس هيه طبعا خلعت والباقي لبس في وش بعض
|
رد: من هم اكثرهم حوادث مؤديه الى الموت
اقتباس:
|
رد: من هم اكثرهم حوادث مؤديه الى الموت
يا شيخ طارق وانا على طريق السويس لقيت واحدة بتحط ماك اب وهى ماشية وطبعا الدركسيون فلت منها والعربية بقت يمين وشمال لمسافة كبيرة جدا والحمد لله انها ما اتقلبتش واان كنت وراها حاجزلها الطريق لحسن عربيى تيجى من وراها تشلها
ومرة تانى بنت ضربت فرامل ادام منى بطريقة بشعة كنا ماشيين 100 مثلا والحمد لله انى عرفت الم نفسي ومرة تانى ولاول مرة اشوف بطن العربية النيسان لان البنت طارت بيها زى الحصان واتقلبت على طريق السويس واما نزلنا شوفناهها اية يا ست اللى حصل قالت انها خبطت فى الرصيف ومن 4 ايام بالظبط عربية اتقلبت بتاعة بنت بس معرفتش السبب برضة على طريق السويس وكتير بقى حوادث بشعة لان معظم الناس بيروحو مدينى والرحاب من طريق السويس وفى نسبة كبيرة منهم بنات ربنا يحميهم يا رب بس فعلا هما مالهمش فى السفر نهائى نهائى نهائى |
رد: من هم اكثرهم حوادث مؤديه الى الموت
كلامك صح يا شيخ طارق
لكن هيه مساله نسبه وتناسب : بمعنى كم عدد سائقى السيارات من الرجال نسبة الى السيدات . وما مدى تطابق هذه النسب باختلاف انواع المركبات ؟ هنلاقى يمكن 100% من سائقى النقل التقيل والميكروباصات رجال وهذه المركبات تمثل نسبه عاليه جدا من حوادث الموت على الطرق السريعه . وبدون التجنى على قيادة السيدات ( مع الاعتراف باخطائهم الشائعة ) نجد ان حوادث السيدات سواء حوادث حدثت للسيدات انفسهن او تسببن فيها ، نجد ان معظمها حوادث من النوع الخفيف بدون اصابات بشرية . |
| الساعة الآن 12:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017