|
مدفع كهربا
بسم الله الرحمن الرحيم
من غير ما اطول ف الكلام انا كنت ماشي بالعربيه علي ١١٠ وعمال ازود بنزين مره واحده سمعت انفجار عالي في البدايه افتكرت فردتين كاوتش مع بعض اصل الانفجار كان عالي المهم هديت ونزلت ملقتش ولا فرده مفرقعه قلت مش مهم يمكن عربيه تانيه او انا دوست علي حاجه المهم انا مشيت ولسا بدور العربيه لقيت ديفل حكايه في صوت عربيتي روحت بصيت علي الشكمان لقيته متفرتك .. بعديها روحت لبتاع الشكمنات قالي شويه حاجات منها ان العربيه عملت مدفع كهربا وخلفت وش التقسيمه كان عندي كام سؤال يجري ايه لو مشيت بالشكمان البايظ في ضرر علي العربيه؟ ايه خلفت التقسيمه اللي بيقول عليها و دي حاجه كويسه ولا وحشه ؟ وايه مدفع الكهربا الي بيقول عليه ؟ ول المدفع دا ممكن يحصل تاني؟ اسف علي الاطاله |
رد: مدفع كهربا
مدفع كهربا بيحصل للسيارات الاسبراتير بيبقى مش مظبوط
الشاكمان لو بايظ او مكسور او منفس العيب الجوهري ان الصوت بيبقى لا يطاق و عند مكان الكسر بودي العربية بيسخن و لو مكسور جامد العزم بيقل شوية لان الباك بريشر بيقل |
رد: مدفع كهربا
هى خلفة التقسيمة دى
لو العربية اسبراتير يبقى الاسبراتير فلسع (ممكن الشاكوش اتكسر) لو العربية حديثة (انجيكشن و كنترول يونت) يبقى حساس الكرنك يا السلك بتاعه يا الفيشة يا اما بقا و العياذ بالله سير الكاتينة نط سنة و لا سنتين |
رد: مدفع كهربا
عالج عيوب الشكمان أولا
فوراد مع علاج الشكمان تنتهى المشكله |
رد: مدفع كهربا
اقتباس:
|
رد: مدفع كهربا
مرة رحت للميكانيكى علشان العربية مكتومة
- هات طقم كهربا - حاضر ........... بس لسه مكتومة - هات فلاتر - حاضر ............. لسه مكتومة - هات وش اسبيراتير - حااااااضر ..... برضه مكتوووومه الميكانيكى مالقاش حاجة تانى يعملها غير أنه يدى امبليهات جامدة جدا و مرة واحدة ..... بووووووو علبة الشكمان فرقعت و بقت نصين - هات بأه علبة شكمان - حاااااااااااااااضرررررررر ررررر :crazyW14: |
رد: مدفع كهربا
اقتباس:
|
| الساعة الآن 12:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017