هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

سؤال محيرني

أنا أول ما أسوق عربيتي بالليل بانور النور الوسط بتاع العربية... وسواء الشارع منور أو مضلم.. النور منور وما بطفيهوش... ومجرد ما أمشي في الشارع وتجيلي عربية مقابلة ألاقي الرعاش اشتغل في عنيه لحد ما اتعمي، وبعدين أسمع شتيمة... الأول كنت برد عليهم... بعدين كبرت، لإني لو ماعملتش كدة حتعارك كل يوم مرتين على الأقل

تاني..... أنا مش منور النور العالي.... الوسط بس، ومتأكد إنه مضبوط ومش جاي في عين اللي قدامي.

لما بنزل القاهرة بلاقي كل العربيات منورة النور بتاعها، اسكندرية كل العربيات مطفية نورها حتى لو كان الشارع كحل.....

مش عارف....هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟؟ ولاهو نور العربية في اسكندرية عيب ولا حرام؟؟؟؟

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

حضرتك علشان مش بتسوق بقالك فترة فمتعرفش .. بس دة عادى
انا اول مسقت كنت بسمع الفاظ وفهمت الاسباب .. كل ما ف الامر ان النور بيضايق الناس
واحيانا بمشى ف الضلمة علشان مضايقش اللى قدامى .. لان الاضاءة عندى مبهرة فعلا
وليا سوابق مع الاكمنة .. لسة من اسبوعين تقريبا مشغل الصغير وداخل الكمين والظابط مش مقتنع ان دة النور الصغير
عموما حاول تطفي النور لما يقرب منك المقابل بس .. لان الناس اخلاقها بقت مش مظبوطة
ياراجل اللى يخلي توك توك يركب 4 فوانيس زينون وينورهم ف عينك يعميك عشان متشغلت النور المتوسط
بطفي طبعا النور حتى المتوسط ف حالة ان العربية جاية ف المقابل واول ميعدي ترجع نورك عادي

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

فعلا اغلب اسكندرية هنا بيمشوا على النور السهارى وبيعتمدوا على الرعاش لرؤية المطبات اما النور العالى فى الشوارع الجانبية بس !!

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

انا عن نفسى بعمل زيك و الصبح كمان بنور النور الوسط او الشبورة علشان اتشاف و الصبح كل الدنيا بتزعقلى طفى النور و انا بتبسط لانى بتاكد انى متشاف الكلام بعمله من ساعة ما تاكسى حدف عليا فجأه و حلفلى انه مكنش شايفنى ده غير انه مكتوب فى كتيب المرور ان فى ظروف الرؤية المتوسطة زى الصبح بدرى و العصرية بالذات لما تكون الشمس وراك بيبقى وش العربية مضلم خالص حتى المشاه ممكن ميشوفكش فالنور بيبن العربية

اما باليل فانا معظم الوقت منور الوسط برضه الا لو حد رعشلى فده معناه انه مضايقه فعلا فساعات بطفيه لو انا شايف كويس و لو مش شايف بخاف اطفيه

و كذا مرة شكيت فى العربية مع انى ملعبتش فى الفوانيس من ساعة ما جبتها و كنت بنزل امشى بعيد قدام العربية و ابص الاقيه مش مضايقنى و بيبقى الفانوس اليمين طبيعى اعلى من الشمال

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

بما اننا اسكنرانية زي بعض - انا شايف ان معظم شوارع اسكندرية منورة وكتير من الشوارع الجانبية كمان فايه الداعي انك تمشي بنور عربيتك منور علطول نور النور بس لما يبقي الشارع ضلمة ومش شايف فعلا بس بجد لما بلاقي حد في المقابل منور نور العربية والشارع منور بيشلني هوا نور العربية حيعملك اية زيادة عن نور الشارع انت كدا شايف وكدا شايف اية لزمة ان انت تعميني وانا ماشي

رد: هو أنا لازم ألبس نظارة ليلية عشان أسوق في اسكندرية؟؟؟؟؟؟؟؟؟؟
 

أهلا بيك يا أستاذ عكرمة

إنت عندك حق فعلا لما يكون اللي منور النور ده مركب لمبات زينون من اللي بتعمي بجد، أو نور العربية مش مضبوط، يعني اتجاهه منور لفوق شوية أو على جنب شوية،
بس أنا مش معاك إن أي حد منور النور حيعميك وهو ماشي

ليه؟؟؟؟؟؟؟؟؟؟؟؟؟

إذا عرف السبب... بطل العجب

حضرتك نورت نور عربيتك قبل كده؟؟؟؟

حضرتك خدت بالك إن نور العربية له شكل معين؟؟؟؟؟؟؟؟؟؟؟... زي اللي في الصورة ده:
ملف مرفق 12092

أكيد ما خدتش بالك

ببساطة كده ومن غير زعل

حضرتك عارف إن النور ده متصمم بالشكل ده لسبب وجيه؟؟؟؟؟

حضرتك عارف إن التصميم ده بيخللي استحالة النور يعميك أبداً؟؟؟؟؟؟

حضرتك عارف إن قانون المرور في أي دولة في العالم... بما فيهم مصر.... بيلزمك إنك تنور النور من أول ما المغرب يأذن؟؟؟؟؟ ولو ما نورتش تاخد مخالفة؟؟؟؟ طبعا لو ضباط المرور عندنا عرفوا المعلومة دي... صباح المخالفات في اسكندرية



النور متصمم بالشكل ده بحيث إن الجهة اليمين تنور أعلى من الشمال، بحيث إن الجهة الشمال ما تبقاش أعلى من مستوى كبوت العربية المقابلة، يعني عمر ما النور حييجي في وشك
شوف الصورة دي كده... ده شكل إضاءة العربيات اللي مقابلة بعض
ملف مرفق 12093

طب ليه الجهة اليمين أعلى؟؟؟؟
عشان تنور على العلامات المرورية اللي ممكن تكون في الطريق (وعادة بتكون على يمين الطريق)، وجرب كدة إنك تسافر على الصحراوي بالليل وتشوف العلامات منورة قوي كده ليه

يبقى ليه أطفي نور العربية مادام بيساعدني أشوف كويس، ومش بيضايق حد تاني، وكمان فيه قانون بيلزمني... يا راجل دا أن في الشوارع المضلمة اللي مليانة مطبات وحفر بيقولولك طفي النور... أنهي عقل يقول كده؟؟؟؟؟؟ ولما تقع في مطب يكسرلك مقص... حاستفيد إيه؟؟؟؟

معلش أنا ممكن أكون قليل الذوق شوية، بس صدقني لما تعرف الملومات اللي قلتهالك دي.. هتعمل زي، وتتشل من اللي بيقوللك "طفي النور"