استفسار بخصوص نوع البنزين المستخدم للانوس 2000 اوتوماتيك
 

رد: استفسار بخصوص نوع البنزين المستخدم للانوس 2000 اوتوماتيك
 

بالنسبة لموضوع البنزين ده فيه أقاويل كتير وفتاوى كتير من أصحاب التاكسي ومن مستخدمي اللانوس, والخلاصة هي:
1_ فيه ناس كتير فعلا بتمشي ببنزين 80 وماشية العربية عادي جدا بس في المدى البعيد الموتور بيتضرر.
2_ اللانوس فيها ميزة حلوة جدا وهي وجود فيشة للأوكتان تحت الكرسي اللي جنب السواق ومنها بنقدر نتحكم في نوع الأوكتان اللي نمشي بيه عن طريق تحكمها في الشرارة اللي بتصدر من الموتور لتتوافق مع رقم الأوكتان, وبرضه فيه ناس مجرباها كتير لكن محدش جرب يظبطها على أوكتان 80 على ما أعتقد.
3_ فيه ناس بتقسم البلد نصفين وبتفول التانك نصفه 90 أو 92 والنصف الثاني 80 أو الثلثين 90 أو 92 والثلث 80 ودي إلى حد ما موفرة في البنزين.
الخلاصة: أنا شخصيا بحط بنزين 90 لأن اللانوس استهلاكها في البنزين معقول جدا مش كبير للحد اللي يخلينا نفكر في البنزين ال 80 , يعني مثلا أنا بروح كل يوم الشغل مسافة 70 كم ب 6 لتر بنزين 90 يعني 10.5 جنيه في المشوار وده تقريبا اللي هدفعه في المواصلات رايح جاي يعني مفيش فرق تقريبا وفي نفس الوقت محافظ على تغيير الفلاتر وبحط منظف البنزين بانتظام كل 20000 كم والعربية الحمد لله ماشية كويس جدا.

رد: استفسار بخصوص نوع البنزين المستخدم للانوس 2000 اوتوماتيك
 

اخى الكريم ممكن حضرتك تقولنا اية الضرر على المدى البعيد لبنزين 80 على محرك السيارة
بس قبل ما حضرتك ترد تذكر نقطة مهمة جدا وهى عربيات انجكشن سوا ملاكى او نصف نقل الوقود المستخدم بها سولار ......ذو نسبة الشوائب العالية ونسبة مياة كثيرة مع ان الاتنين فكرتهم واحدة وهو الحقن المتعدد النقاط

رد: استفسار بخصوص نوع البنزين المستخدم للانوس 2000 اوتوماتيك
 

صباح الخيرات
انا لما سالت الراجل اللى معاه نفس موديل العربية بتاعتى قالى انه التاثير هيكون على الرشاشات وده بتتغير كل سنتين وماليش على اى تاثير تانى لانى قولتله هى بتاثر على العربيه فى ايه وقالى كده والراجل التانى اللى معاه موديل 2010 قالى انىه مفيش تاثير بس اغير الفلاتر كل شهر

رد: استفسار بخصوص نوع البنزين المستخدم للانوس 2000 اوتوماتيك
 

صباح الخيرات
يعنى ايه فيشة الاوكتان ووظيفتها

رد: استفسار بخصوص نوع البنزين المستخدم للانوس 2000 اوتوماتيك
 

المحركات في العربيات الحديثة محركات ذات معدل انضغاط 8 بعكس العربيات اللي مصممة على تكنولوجيات قديمة زي اللادا والشاهين فبالتالي لو حطينا بنزين أوكتان 80 التسقيف هيبقى ملحوظ ومتكرر وشديد على الماتور وبالتالي الموتور هيفقد قوته, والكلام ده موجود في كتالوج اللانوس.

رد: استفسار بخصوص نوع البنزين المستخدم للانوس 2000 اوتوماتيك
 

طب اية رايك فى فيرنا من الزيرو لغاية النهردة حوالى 120 الف كم بنحطلها بنزين 80 .........صحيح الادء مش زى بنزين 90 بس ما فيش اى مشاكل لغاية النهردة لا فى الرشاشات ولا اى حاجة تانية
وفى دعابة بنقولها لبعض ( مالك عربية لانوس - مالك عربية فيرنا ) بنقول لبتاع الفيرنا حط بنزين 80 هاتبقى زى الانوس