كريستاله ولا مكواه
 

انا محتار اوى يا جماعه ياريت حد يساعدنى انا كل شويه يتعرض عليا انى ادخل عربيتى فى واحده تانيه تبادل يعنى الاول كان bmw 316 92 ونصحتونى بلاش خلينى فى الى معايا احسن بس المرادى العرض مغرى شويه انا عربيتى لانسر 2000 فبريكه بره وجوه كامله اوتوماتيك 2 ايرباج abs فتحه سقف لسه معدله مكنه mivc 1500cc معروض عليا المرادى لانسر 2002 مكواه بس رشه بره دواخل زيرو بس مانوال مش فتحه ولا ايرباج ولا abs و1300cc ومعروضه عليا بدون فرق اعمل ايه

رد: كريستاله ولا مكواه
 

انت الى معاك حاجه مميزه اوى لانها كامله و اوتوماتيك و فتحة شقف و 1500 و ربنا يباركلك فيها
بس اقولك بلاش خليك فى الكريستاله الفرق فى المساحه مش كبير لان المكوه برضه تعادل وسع الكريستاله
و بعدين حاجه تانيه لازم انت تكون عارفها اسعار قطع الغيار بتاعة المكوه عاليه عن الكريستاله كتير و برضه مهياش متوفره اوى زى الكريستاله كده و اسال مجرب للمكوه المرايه كانت بـ850

و من جهة اخرى المكوه شكلها احلى من بره و تابلوها برضه مختلف عن الكريستاله و فيه حركات اكتر من الكريستاله و فخمه شويه عن الكريستاله برضه

و فى الاخر صلى ركعتين استخاره و ربنا يوفقك

رد: كريستاله ولا مكواه
 

مشكور جدا على ردك اخ sasa3

رد: كريستاله ولا مكواه
 

رينا يبارك في عربيتك هي افضل

رد: كريستاله ولا مكواه
 

رد: كريستاله ولا مكواه
 

خليك في الكرستالة احسن
اولا عربيتك متظبطة وانت عارفها كويس
لكن العربية التانيه مهما ان كانت حالتها او مودلها ممكن يكون فيها مشاكل وتظهر معاك انت
عشان كده بقول خليك في اللي تعرفه

رد: كريستاله ولا مكواه