|
مياة ريداتير الاكسيل
السلام عليكم و رحمة الله
العربيه اكسيل 1500 مو 95 مكيفه والحمد لله مبتسخنش وكمان ترموستات الكوعه متشال وكنت مسلك الريداتير من شهرين ومظبطه بس النهارده كنت بعمل شغل فى الكربراتير والميكانيكي فضي الميه من الموتور 1- هو الموتور والريداتير والقربه بياخدوا ميه خضرا اد ايه كميه 2- وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟ 3- وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا وبيقولى دول مركزين ولازم يتخفوا بميه ميتحطوش كلهم ؟ 4- المفروض العربيه تتزود كل اد مياه وايه نوع المياه دى وبتيجي منين ؟ متابع للاهمية وشكرا جزيلا |
رد: مياة ريداتير الاكسيل
طيب الاهم هى الميه الى كانت فيها كانت عادية و لا خضراء؟ يعنى كانت متعودة على انهى ؟
|
رد: مياة ريداتير الاكسيل
اقتباس:
و سلكت الريداتير وظبطته وحطيت ميه خضرا من عند بتاع الريداتيرات والميكانيكي كان حالل الكربراتير معرفش فضا الميه ليه الله اعلم ؟ وقبل كده كانت القربة مش نضيفه وفيها صدا وقولتله حلها ونفضلى وقالى اعملها انت ؟ ربنا يهدي الصنايعي ويصحي ضميره شكرا جزيلا لاهتمام حضرتك ومتابع لاتخاذ الاجراء السليم |
رد: مياة ريداتير الاكسيل
اولا ازيك يا وائل باشا .. يا رب تكون بخير ......
لو الريداتير عندك حالته كويسة ونضيف توكل على الله وحط ميه خضرا ... احسن نوع هو الاسبانى ... والميه دى ممكن تحطها وبعد كده تزودها بميه عادية مفيش مشكلة .. بس يفضل انها تكون ميه مقطره او مفلتره (من الفلتر يعنى لو فيه امكانية) ... فى الطبيعى المفروض نظريا العربية متتزودش ميه خالص .. ولكن طبعا العربية لما تكون قديمة شوية لازم الميه هتنقص نتيجة تسريبات دقيقة جدا .. فالعملية نسبية .. بس الطبيعى انك تشيك كل اسبوع على القربة وتزودها لو ناقصة شوية ... وطبعا اتاكد من سلامة غطاء الريداتير والقربة وجميع خراطيم الميه ... ودورة الميه لو فاضية تماما هتاخد حوالى 4 لتر فى المتوسط (تختلف من عربية للتانية حسب حجم الريداتير ولكن عربيتك هتكون فى الحدود دى) .. ROSE4U |
رد: مياة ريداتير الاكسيل
اقتباس:
يارب تكون بخير علطول ويوفقك يارب القربه فيها صدا انضفها ازاى اروح لبتاع الريداتير يطمن على دورة الميه كلها ولا هيقولى مش شغلى ولا ايه نظامه والميه الخضرا اللى عند بتاع الريداتير ايه رايك فيها ؟ واحط الاربعه لتر كلهم مية خضرا بدون تخفيف ولا ايه ؟ وشكرا جزيلا |
رد: مياة ريداتير الاكسيل
اقتباس:
ربنا يحفظك ويباركلك يا لول .. بالنسبة للقربة روح لبتاع الريداتيرات وخليه يحلها ويغسلها كويس ويركبها .. وبعدين خليه يفضى دورة الميه كلها .. وبعدين هات الميه الخضرا الاسبانى ودور العربية وابدأ حطها فى الريداتير واحده واحده لغاية ما يتملا الريداتير .. لو الجركن كفى الريداتير والقربة يبقى خير وبركه .. لو خلص زود ميه عادية مفيش اى مشكلة (ويا ريت تكون مفلتره زى ما قلتلك .. يعنى لو عندك فلتر فى البيت املا منه ازازتين وخليهم معاك) ... بالنسبة للميه السايبة دى معرفش نوعها ايه .. بس اكيد مش هتكون نوع نضيف ... عموما هى الفكره فى الميه الخضرا ان درجة غليانها بتكون اقل من درجة غليان الميه العادية فمتسخنش الموتور .. وكل ما درجة غليانها تقل كل ما تكون احسن ... |
رد: مياة ريداتير الاكسيل
حسام باشا مع تقديرى الشديد لرأيك بس تسمحلى اقول تجربتى
العربية لما تكون متعودة على الميه العادية يفضل عدم استخدام الميه الخضراء لانها حتزيل الصدأ الى موجود فى الدورة و ده حيؤدى لانهيار الجدران و تلف الرادياتير و السربنتينة بتاعة التابلوه و احسن حاجة فعلا عن تجربة هى ميه الفيلتر او المقطرة (الى بدون اضافات حمضية) لو مضمونة و بالنسبة لموضوع درجة الغليان المفروض ان الاحسن هى الاعلى يعنى الميه العادية درجة غلاينها عند 100 بس دورة التبريد مضغوطة فدرجة الغليان بتزيد ممكن ل 130 او 135 و ده احسن لان الميه لو غليت مش حتقدر تمتص الحرارة لكن فعلا الميه الملونة لانها فيها جليكواثيلين الى فايدتة منع التجمد بياثر على درجة الغليان و يوطيها شوية ( وده نظريا اقل كفاءة فى التبريد من الميه العادية بس عمليا الفروقات بسيطة ) و بيبقى فيها مركبات تزيل الصدأ ودى كويسة و العربية زيرو و تفضل طول عمرها تستخدمه لكن مجرد ان العربية استخدمت ميه عادية و ابتدى الصدأ يتكون لو رجعت للميه الملونة حتشيل الصدأ و الرادياتير و سربنتينة السخن حيبقى منخل |
| الساعة الآن 06:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017