|
الريموت فصل
اتوجه بالشكر للا خوه الاعضاء في المنتدي علي المجهود الرائع الذي يقومون به لمساعده الاعضاء
وعلي الاخص موضوع فحص التكييف لان الهوايات عندي كانت بتدخل هواء من الخارج مع عدم تشغيل التكييف وعندما قمت بالخطوات المذكوره فعلا الهوايات منعت دخول الهواء من الخارج شكرا ليكم اليوم وجدت الريموت فصل ولا يقوم بالفتح او القفل وذهبت لمحل مفاتيح ربما يكون البطاريه خلصت وهي السبب لكن وجدتها سليمه والراجل قال لا بد من اعاده تكويد المفتاح مع الكمبيوتر الموضوع كان حصل قبل كده ورئيت الفني في التوكيل لكن مش عارف الخطوات الصح هو دخل العربيه وفتح كونتاكت تقريبا وكان بيدوس علي الريموت والدبراياج او الفرامل مع بعض ارجو من الا خوه مشكورين لمن يعرف الطريق الصح لتكويد المفتاح ان يوضحها وياريت بالصور لو امكن ولكم جزيل الشكر |
رد: الريموت فصل
موضوع الريموت دا كتر ان شاء الله خير
|
رد: الريموت فصل
اقتباس:
وياريت لو الاخوه عارفين الحل يردو عليا |
رد: الريموت فصل
30 مشاهده ولا رد
|
رد: الريموت فصل
اقتباس:
انا مش عارف الحل لكن انا بادعيلك ان ربنا يوفقك ف الحل |
رد: الريموت فصل
هقولك على حل تجربه لأنى جربته انا وكريم على ونجح الحمدلله جربه الأول وبعد كده لو منفعش هجيبلك طريقه تكويد المفتاح :
خلى المفتاح اللى فيه الريموت هو اللى فى الكونتاك طول مانت ماشى بالعربيه يعنى امشى بالمفتاح ده (الريموت ) متمشيش بلمفتاح الأسبير ( الأحتياطى ) لمده يومين كده وقولى على النتيجه . لأنه وهو فى الكونتك بيشحن نفسه بنفسه وبأذن الله ينفع الحل ده معاك ولو منفعش هقولك طريقه التكويد . |
رد: الريموت فصل
ودى طريقه التشفير منقوله بالنص من Speranza Clup للأستاذ / احمد رفعت :
اقعد في الوزة حط المفتاح في الكونتاكت ثم اضغط علي زرار فتح الباب اللى فالريموت ومتسبهوش افتح الكونتاكت واقفلة 4 مرات وانتا لسة ضاغط علية واقفل الكونتاكت وطلع المفتاح وكدا انتا شفرتة تاني مع العربية اهم حاجة انك متسبش الزرار ولا ثانية و انت بتفتح وبتقفل الكونتاكت و متعملش فاصل وقت في الفتح والقفل اكتر من ثانية ومبروك عليكم التشفير من غير كمبيوتر |
| الساعة الآن 01:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017