|
الحقوني الانسر شغاله على اتنين بوجيه
الحقوني يا جماعه
روحت لميكانيكي يظبط العربيه الانسر بوما 2004 بوظها كنت رايح عشان يظبط الفرامل ظبطها وبعدين قالي التكيهات عاوزه تظبط قولتله ماشي. لقيته بيتصل عاوز طقم سلوك واتنين موبينه جبتهم.... وياريت ما جبتهم ركب والعربيه برده شغاله على اتنين بس كانه مغيرشي حاجه بدلتهم مكان بعض قالي دي بايظه هات غيرها روحت دفعت 220 جنيه تاني وجبت كمان واحده ركب!!!وبرده العربيه على اتنين بوجيه بس لما لقى نفسه مش عارف قالي بكره الصبح روح لكهربائي يظبط الانجكشن السؤااااااااال وارجوكم ردو انا مستني ينفع امشي بالعربيه مشوار طويل كده باتنين بوجيه وهل دا فعلا شغل الكهربائي وايه الي خلا كل دا يحصل من الاول((لاهل الخبره فقط)) وياريت لو حد يعرف ميكانيكي كويس في العربيات الحديثه ويكون عنده جهاز كشف الاعطال يبلغني انا من بركة السبع تليفوني0108315355 بعد اذن الاداره انا قاعد جنب العربيه منتظركم |
رد: الحقوني الانسر شغاله على اتنين بوجيه
يعنى مكنش فى شكوى الا من الفرامل و كانت كل حاجة تانية تمام؟
طيب و لما قال التاكيهات عايزة تتظبط و قولتله ماشى (مع ان بتهيألى ملهاش ظبط تاكيهات العربيات الجديدة على بلوف زيت) عمل ايه بالظبط قبل ما يتصل يطلب السلوك و الاتنين موبينة؟ يعنى هل فعلا فك غطاء التاكيهات و لعب فى حاجة ؟ هل نفس مكان البوجيهين هما الى قاطعين دايما؟ و لا لما بدلهم الى جم مكانهم اشتغلوا و هما فى الاماكن الجديدة مشتغلوش برضه؟ هل لمبة الاعطال منورة؟ يا ريت حد من الاعضاء الخبرة فى اللانسر يدلوك على واحد متخصص فيها |
رد: الحقوني الانسر شغاله على اتنين بوجيه
اقتباس:
ياريييييييييييييييييت |
رد: الحقوني الانسر شغاله على اتنين بوجيه
كده فعلا الموبينتين بايظين (الله اعلم علشان مظلمهوش ايه الى حصل و انت مش موجود و بوظهم )
بس الى مش فاهمة ليه بعت جاب طقم سلوك لان من وصفك العربية ملهاش سلوك بوجيهات ده كل بوجيه راكب عليه الموبينة بتاعته على طول |
رد: الحقوني الانسر شغاله على اتنين بوجيه
اتنين راكبين من البوبينه مباشرة
واتنين راكبين من سلوك بس بطريقه عكسيه يعني كل بوبينه بتشغل بوجيه تحتها وتوصيله لسلك وهكذا البوبنتيت القدام كانو مقطومين من النص التحتاني بس المسامير كانت ضاغطه عليها مخلياها مش بتفصل اوي فلما هو فكها اتقطعت في ايده انا كلمت مركز الرائد دلوقتي الراجل الله يكرمه قالي هات استيراد احسن لان الجديد عادة بيبوظ او بييجي بايظ واقترح اني ااخد بوبينة عربية صديق ليا تكون نفس الموديل واجرب عليها لو ما اشتغلتش افصل على طول وتبقى مشكلة كنترول ولو اشتغلت استنى دقيقتين وافصل وكده اروح اجيب استيراد ويارب تشتغل اهون من مشاكل الكنترول الي انا ما اعرفشي عنها حاجه |
رد: الحقوني الانسر شغاله على اتنين بوجيه
لأ ان شاء الله مش كنترول ان شاء الله على قد الموبينة بس (يا رب)
|
رد: الحقوني الانسر شغاله على اتنين بوجيه
الحمد لله المشكله اتحلت
روحت بنها في هناك واحد واخد توكيل صيانة كيا وعنده ورشه جنبها لصيانة الكوري والياباني اسمه الشيخ ايهاب في نزلة كوبري 15 مايو بصراحه حاجه ممتازه .... احد الصنايعيه عنده حل المشكله في 5 دقايق بالضبط وخد 25 جنيه وطبعا انا اسغليت الفرصه وسالت الشيخ ايهاب شوية اسئله عن العربيه وكان بسم الله ما شاء الله وافي جدا في الاجابه بدون اي ملل ومش هتصدقوا ولا احتجنا اي قطعة غيار غير مكان البوبينه الاولى فاشتغلت وشال التانيه وقالي بايظه "(مع انها جديده) قولتله معايا واحده الميكانيكي القديم قال انها محروقه!!! قالي هاتها ولحسن الحظ كانت معايا في العربيه وسبحن الله ركبها وشرز عملت معاه شراره قام موصل كل حاجه وتمام وقالي جرب فعلا حاجه تانيه ان عربيتك تكون سليمه:playing_music: والحمد لله العربيه بقالها يومين متصلحه وكل حاجه تمااااااام نصيحه اوعى تروح بعربيتك الحديثه لنفس الميكانيكي الي كان بيصلحلك القديمه والتجربه خير دليل:crazyW14: |
| الساعة الآن 01:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017