موضوع مهم بخصوص آداء العربيات مقابل الراحة على الطريق
 

السلام عليكم و رحمة الله و بركاته

موضوع مهم احترت اكتبه في اي قسم

و هو بخصوص الجنوط السبور و زيادة ثبات العربية على حساب الراحة داخل الصالون :(

للأسف الشديد مفيش حاجة كاملة طبعاً .. عربيات كتير زي عربيتي (فيرنا) آداءها كثبات ضعيف جداً بعد 100 110 كم/س بالجنط ال13 المقاس كاوتش مثير للشفقة 175/70/13

بس طبعاً العربية مصممة كعربية مدينة تستحمل و تكون مريحة و كدا

عدلتها و ركبت جنط 15 و كاوتش اعرض 195/50/15
بصراحة فرق الآداء كويس جداً و يستاهل و حاسس ان فيه فرق كويس جداً في الفرامل كمان
لحد هنا كويس لو انت بتستخدم عربيتي استخدام خفيف و لوحدك من غير العائلة

لأن لاحظت كذا مرة ان اهلي لما بيركبوا العربية معايا بيقولوا انها بقت مش مريحة زي الأول

بصراحة حاجة تضايق + ان انا كمان بحس بموضوع النشوفية مع السفر مسافات طويلة (الفيرنا مش مريحة في السفر... مع الجنط الكبير ناشفة و الكراسي ناشفة زي النيسان صني كدا)

انا عايز نصائحكم .. اعمل اية عشان اخلي العربية مريحة اكتر (مع العلم اني صعب استغنى عن الآداء اللي اتعودت عليه)

يا ترى اعمل اية ؟

رد: موضوع مهم بخصوص آداء العربيات مقابل الراحة على الطريق
 

مفيش قدامك غير تغير المساعدين علشان متحسش بنشوفية العفشه

انا والله نفسي اجنط علشان ازود ثبات العربية لاكن محكوم بردك بموضوع الراحه ونشوفية العفشه

رد: موضوع مهم بخصوص آداء العربيات مقابل الراحة على الطريق
 

شوف مساعدين افضل وغيرها

رد: موضوع مهم بخصوص آداء العربيات مقابل الراحة على الطريق
 

جبت 4 جنوط ماليزى واعدت اسبوع بيهم وبعتهم ورجعت الحديد وضوح فارق فى الراحة والنعومة انما انا اقدر احكم نفسى فى السرعة انما الراحة لاة

رد: موضوع مهم بخصوص آداء العربيات مقابل الراحة على الطريق
 

هناك دائما تناسب عكسى بين الراحة و الأداء, لا مفر من ذلك, و كلما زاد قطر الجنط قل حجم الكاوتش و بالتالى كان امتصاص الكاوتش لصدمات الطريق أقل,
تغيير المساعدين لن يأتى بفائدة و المساعدين الخفاف لهم أضرار كبيرة على الثبات.
هناك بعض الحلول الوسط مثل تغيير المقاعد مثلا بمقاعد أخرى أكثر راحة و فى الحالة دى العربية هتبقى مريحة أكتر دون تأثير على الثبات.

رد: موضوع مهم بخصوص آداء العربيات مقابل الراحة على الطريق
 

مشتكر لكل اللي شارك برد

اعتقد صعب موضوع المساعدين ده + ان الفيرنا مساعدينها انعم من عربيات كتير و دا احد اسباب عدم ثباتها على السرعات


بتبان اوي في الملفات + سرعة
او موقف مفاجئ و حبيت تكسر
هو مش فرق وهمي بس العربية بالجنط ال15 احسن
انا لو العربية مش بسافر بيها كنت خليتها بال13 الحديد بصراحة كانت ناعمة جداً فعلاً

فعلاً دي كانت احد الإقتراحات قدامي بس مش عارف حاسسها فيلم طويل

طب اية رأيكم لو عملت فرش جلد + تنجيد؟
هل هتفرق؟

رد: موضوع مهم بخصوص آداء العربيات مقابل الراحة على الطريق
 

ماحدش بياخد كل حاجه
العفشة اما رياضية وناشفه
او ناعمه و ضعيفة
اللي حل المشكلة الماركات و الفئات العليا زي بي ام من الخامسة وانت طالع او مرسيدس اس
في العربيات دي بيتم التحكم في درجة قساوة المساعدين بزيادة او تقليل ضغط الهواء فيها
وبالتالي ممكن تختار بالi drive
في البي ام مثلا بين الراحةcomfort style
او القيادة الرياضية sport style
وهكذا
علي العموم اتمني لك التوفيق و الوصول لحل يسعدك