|
محتاج النصيحة لإتخاذ القرار الأخير_إن شاء الله
بسم الله الرحمن الرحيم
انا اول مرة اشتري عربية و مليش اي خبرة في هذا المجال برجاء المساعدة معي 70 الف جنية و محتاج اشترى عربية وبصراحة انا مغرم ب byd f3 و بالانوس بس محتار بين الاثنين الاولى بها إمكانيات كتير و ضخمة و امان اكبر ( بس كل عيبها اللي الناس بيقوله و متخوفين منه انها صيني) الثانية إمكانيات اقل نسبياً و وسائل الامان بها اقل و الاولي (ولكن متوفر ليها كل قطع الغيار و بسعر رخيص و إمكانية إعادة البيع ) ارجو من اخوتي سرعة الاجابة لأني _إن شاء الله_ على ابواب الشراء اخر الشهر و لكم من كل التقدير |
رد: محتاج النصيحة لإتخاذ القرار الأخير_إن شاء الله
اخى الكريم حياك الله
انا طبعا مدرك موقفك جدا وكم هو حساس وخاصة اذا كان هذا المبلغ قد تجمع لديك بعد تعب وعناء العمر كما يقولون واسال الله ان يوفقك الى الافضل والاحسن السيارة بى واى دى سيارة ممتازة جدا وتتفوق على الكثير من السيارات الموجودة بنفس الفئة السعرية وذات اعتمادية ممتازة ولن تندم ابدا على شرائها وهى نصيحتى لك بشرائها دون تردد لو تكمل كمان 10000 جنيه وتجيب الاوتوماتيك يبقى كده افضل وافضل وساعتها ستعرف انها سيارة من سيارات الرفاهية وليست مجرد سيارة شعبية فى متناول البسطاء استخير ربك قبل كل شئ وتقبل تحياتى |
رد: محتاج النصيحة لإتخاذ القرار الأخير_إن شاء الله
السلام عليكم الامر مش محتاج حيره اللانوس صيني من 2004 بل ان ماتورها 84 ح وعفشه ضعيفه وواطيه علي الارض والتكيف لما يشتغل العربيه بتجيب ال60 بالعافيه علي العكس الbyd ماتور متسوبيشى قوي 108 ح عفشه قويه تيوتا كرولا وتكيف قوي لا يؤثر علي اداء العربيه وعربيه عاليه علي الارض وشكلها جميل وربنا يسهلك
|
رد: محتاج النصيحة لإتخاذ القرار الأخير_إن شاء الله
بص لو انت محدد بين الاتنين دول فقط يبقى بلا تردد البيود
لانى اللانوس ماتور قديم وليس بة تكنولوجيا متقدمة زى مواتير الجديدة وانا امتلك فيرنا وعارف المواتير الجديدة مريحة اوى بالنسبة للقديمة فى كل حاجة |
رد: محتاج النصيحة لإتخاذ القرار الأخير_إن شاء الله
لو انت ليك فى العربيات وبتعرف تسوق كويس هات البى واى دى لكن لو سواقتك مش قوية هات الانوس عشان لاقدر الله لو خبطت العربية قطع الغيار رخيصة ومتوفرة بسهولة فالموضوع يتوقف على طلبيعة سواقتك
|
رد: محتاج النصيحة لإتخاذ القرار الأخير_إن شاء الله
اقتباس:
حدث تخفيض كبير على أسعار قطع الغيار من فترة وجيزة وهذه قائمة بالأسعار الجديدة: فلتر هواء: 25 فلتر بنزين: 30 فلتر زيت: 30 فانوس أمامي: 283 فانوس خلفي: 173 عاكس اكصدام امامي: 21 عاكس اكصدام خلفي يمين: 20 فانوس شبورة خلفي شمال: 30 إكصدام أمامي: 240 إكصدام خلفي: 155 زجاج أمامي: 355 زجاج خلفي: 296 طقم تيل أمامي: 100 طقم تيل خلفي: 80 طنبور عجل أمامي: 136 طنبور عجل خلفي: 150 باب أمامي يمين- شمال: 677 باب خلفي يمين- شمال: 636 رادياتير: 517 مقص أمامي: 200 مروحة رادياتير: 215 مروحة تكييف: 165 مساعد أمامي: 376 مساعد خلفي: 297 مراية جنب كهرباء: 157 أكرة فتح باب خارجية: 77 زرار رفع زجاج أمامي فردي: 40 مجموعة رفع الزجاج الرباعي: 171 طقم ريش مساحات: 50 رفرف أمامي يمين- شمال: 227 منقــــول هل قطع غيار اللانوس ارخص من كده لا اعتقد |
رد: محتاج النصيحة لإتخاذ القرار الأخير_إن شاء الله
اقتباس:
اسعار جميلة جدا بلا ادنى شك لكن انتشارها برضه لسه مشكلة وللعلم انا بحب البى واى دى جدا لانها من اكتر العربيات الصينى اللى اثبتت كفاءة لكن وكيلها محتاج يتغير |
| الساعة الآن 07:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017