أيه رأيك فى الهجوم العجيب على التيارات الإسلامية بعد ثورة 25 يناير
 

بصراحة أنا حبيت نتكلم فى الموضوع ده بعد مالقيت أن فيه إهتمام غريب فى الإعلام والصحافة بالهجوم على التيارات الإسلامية ومحاولة تشويه صورتهم.
تقريباً كل يوم فى الجرائد وفى برامج التوك شو على الفضائيات لازم تلاقى فيه حوارات عن هذا الموضوع والغريب أنهم سايبين مواضيع كتير أوووووووى هامة فى بلدنا وتنمية البلد فى الوقت الحالى بعد ثورة 25 يناير العظيمة وقاعدين يتكلمو عن التيارات الإسلامية بطريقة تقلق المشاهد منهم وبيحاولو يخفو الناس من هذه التيارات.
هل الصحافة والإعلام موجهين لخدمة أهداف معينة ومصالح شخصية لفئة معينة، يعنى بمعنى أدق تحس أن الفئة ديه هما: الفنانين (أصحاب الشهرة وجنى المال الخرافى فى الآونة الأخيرة) - الراقصات (أكل عيشهم ممكن يوقف) - أصحاب الملاهى الليلية (برده أكل عيشهم ممكن يوقف) مع أنه أكل عيش حرام والأرزاق بيدى الله تعالى- مذيعين التوك شو (اللى أصبحو زى لاعبى الكورة والممثلين فى الشهرة وجنى المال) - أصحاب المطامع السياسية (اللى نفسهم يقعدو ع الكراسى) - وطبعاً بيحاولو يجرفو المسيحين معاهم (لأنهم بيخوفوهم من التيار الإسلامى) - أصحاب الأفكار المعارضة وخلاص (اللى حاسيين أنهم أصحاب الفكر الجديد والأسلام ده ماينفعش غير للعصور الوسطى) - لاعبى الكورة شوية يعنى (عشان رواتبهم ماتنزلش) - أصحاب المرتبات الكبيرة جداااااااا (خايفين من العدالة الإجتماعية فى الآجور)
طيب مع كل مخاوف الفئة ديه (لوحدهم) لو هما فعلاً عاوزين ديموقراطية فى البلد زى مابيقولو خايفين أوووووووى ليه كده مع أن التيار الإسلامى هو تيار سياسى حالياً زيه زى أى تيار موجود على الساحة السياسية وصندوق الإنتخابات هو اللى هيحدد مين التيار اللى عاوزه الأغلبية.
ليه الأنانية ديه فى التسلط وحب الشهرة والمال لهذه الفئة دون الفئات الآخرى فى مصر
والله الواحد نفسه بقى البلد ديه يتعدل حالها وتبقى بلد متقدمة زراعياً زى ماكانت ومنتجة وفيها ديموقراطية وعدالة إجتماعية وأمان وطرق مش زحمة ومواصلات آدامية ومانلاقيش فيها قطاع طرق ولاحرامية ولاشحايتن بهذا القدر الكبير جداااااً وده مش هيتحقق غير لما نبطل نغلب المصالح الفئوية أو الشخصية على المصلحة العامة للبلد ومحاولة تنميتها وإفادتها فعلاً من القلب.

ياترى أنتم رأيكم أيه ؟؟؟

رد: أيه رأيك فى الهجوم العجيب على التيارات الإسلامية بعد ثورة 25 يناير
 

انا راي الشخصي اني بحس ان كلام شوية الجهله دول علي السلفيين يحسسوا الواحد انهم ميعرفوش ربنا مع انهم بيطبقوا المنهج السلفي السني

انا مش عارف عايزين ايه من الهجوم ده كله علي الاخوان والسلفيين

ويحسسوك ان الدولة الدينية ديه هتكون دولة ظلم وقهر وتسمعهم في برامجهم يقولو

الا الدولة الدينية محدش يقول دولة دينية ديه دولة مدنيه

الله يرحم اولايئنا الصالحين كانو ونعم العدل امثال سيدنا محمد وسيدنا عمر ابن الخطاب وسيدنا ابو بكر الصديق

هما فعلا ملهمش غير اللي يسرقهم وينهبهم ويوقع ما بينهم زي النظام السابق


ربنا يهديهم مش هقدر اقول اكتر من كدا

رد: أيه رأيك فى الهجوم العجيب على التيارات الإسلامية بعد ثورة 25 يناير
 

http://www.youtube.com/watch?v=rzmAOyf3Z4E

أحسن رد جدا على كل اللى بيتقال

رد: أيه رأيك فى الهجوم العجيب على التيارات الإسلامية بعد ثورة 25 يناير
 

فعلاً ربنا يهدى والله
أحسن دول بقو يخرفو جامد أوى اليومين دول فى المنهج الإسلامى أكتر من أيام النظام السابق كمان
وبعدين الواحد نفسه يقولهم حاجة واحدة - مش أحنا جربنا الإنحلال والإنفتاح ومافلحناش غير فى زيادة نسب التحرش وزيادة المشاهد الساخنة فى الأفلام والمسلسلات
تعالو بقى نجرب المنهج الإسلامى مش هنخسر حاجة بالعكس ممكن ينصلح حالنا
ملحوظة: أنا والله العظيم لا أنتمى لأى جماعة أو تيار إسلامى - بس أنا بفكر بصوت عالى

رد: أيه رأيك فى الهجوم العجيب على التيارات الإسلامية بعد ثورة 25 يناير
 

انا شايف ان ده ممكن يكون طبيعى من الاجانب و اسرائيل و امريكا لكن الغريب ان يكون الكلام ده من مصريين شافوا بعينهم الظلم اللى كان واقع علينا444546

رد: أيه رأيك فى الهجوم العجيب على التيارات الإسلامية بعد ثورة 25 يناير
 

لا ديه المصيبة أنهم كده بيأكدو الفكرة الغلط والمفزعة اللى عند أمريكا والأجانب ضد المسلمين والفكر الإسلامى وأن الأسلام ده بتاع الأرهاب

رد: أيه رأيك فى الهجوم العجيب على التيارات الإسلامية بعد ثورة 25 يناير
 

الفكر الاسلامي نجح على مر 14 الف سنة في خلق : عدالة اجتماعية - امن و استقرار - فرص متساوية - سلام عالمي - توسعة رقعة الدولة الاسلامية - قوة عظمى و احترام و هيبة العالم كله لها - توفير حريات غير متوفرة حاليا مثل حرية العبادة للمسلمين و غير المسلمين و حرية التجارة و الصناعة - حرية طلب العلم - حرية السكن و التملك - حرية العلاج و التداوي - حرية التنقل و الهجرة - حاول الغرب و الاعداء بشكل عام تدمير دولة الاسلام بكل الطرق و لكنهم فشلوا فلجؤا الى اتجاهين : - تقسيم الدولة الاسلامية الى دويلات - نزع الحكم الاسلامي من هذه الدويلات و تحويله الى حكم علماني يطبق القوانين الغربية
و هنا فشلنا منذ قرن من الزمان بعد بدء تطيبق القانون الفرنسي في مصر و بعد نشر الشيوعية و الاشتراكية و العلمانية و الليبرالية المتحررة و كل الانظمة التي ابتدعها العالم كله و تركنا نظاما حاضرا ارسله لنا المولى عز و جل لكي نصبح في ذيل العالم اجمع لاننا اذا تساوينا معهم في الدين و العقيدة غلبونا في العتاد و العدة و هو ما كان تركنا الدين فغلبونا بالعلم و السلاح و اصبحنا اذلة من بعد عزة
اللي بيحاربوا التيارات الاسلامية حاليا انا اسميهم المنبطحون
اتعودوا على مبدأ الانبطاح لكل فكر غربي و تسيدهم الغرب فاصبحوا عبيدا اوفياء
و طبعا في غير المسلمين لانهم شهدوا في فترة انعدام الاسلام مناخا مهيئا لممارسات ضد العقل و المنطق و الحريات و التحضر و التمدين و الانسانية و لم يجدوا من يردعهم فبالتالي تقدم التيارات الدينية قد يؤدي الى الحد من تجاوزاتهم التي اعتادوا عليها و الفوها