سؤال عن صوت موتور الميجان
 

انا عربيتى ميجان مو 2006 ... صوت الموتور بتاعها هادى جدا لكن اول ما ال RPM يوصل او يعدى ال 3000 الصوت بيعلا وكمان بيبقى فى صوت "ونه" ... مش عارف دا عادى ولا فى مشكلة عندى، مع العلم ان عربيتى السابقة (كليو 2003) ما كانش فيها الصوت ده!

رد: سؤال عن صوت موتور الميجان
 

على فكرة انا عارف ان العربية 16 صباب وبعد ال RPM 3000 اعتقد جميع الصبابات بتفتح، بس بردوا الكليو اللى كانت معايا كانت 16 صباب

رد: سؤال عن صوت موتور الميجان
 

سيدى الفاضل انا معايا رينو 19(شامادا)الفرنساوى
وركبت كليو وميجان 1
وكلهم فيهم اوبشن معروف جدا
وهو ان الار بى ام لما يعدى ال3000 العربيه بتدخل فى المود الرياضى
والسحب بيعلى جامد واستهلاك البنزين وصوت الموتور بيعلوا
ومكتوب عندى فى المانيوال ان الار بى ام لما يعدى ال3000 ده المود الرياضى وده بيديك اقصى قوه للموتور
ومكتوب ان القوه دى احتياطيه
يعنى فوق ال3000 ار بى ام ده سحب اعلى صوت اعلى استهلاك بنزين برضه اعلى
ده بالنسبه للعربيات السابق ذكرها بالنسبه للميجان 2 اعتقد انها المفروض تكون زيهم لان دى صفه عامه فى الرينو من زمان(وممكن تكون حضرتك مخدتش بالك من موضوع ان صوت الكليو كان بيعلى تلاقيك مركز اوى مع الميجان جديده بقى)
وارجو انى اكون طمنت حضرتك او افدتك ولو بقدر بسيط

رد: سؤال عن صوت موتور الميجان
 

شكرا يا POP ... بس اللى قالقنى مش بس الصوت العالى لكن بيبقى معاه صوت "ونه" مزعجة شوية

رد: سؤال عن صوت موتور الميجان
 

ممكن تكون بلية شداد كاتينة او بلية شداد الدينامو هي اللي مطلعه الصوت ده والله اعلم....

رد: سؤال عن صوت موتور الميجان
 

المحترم /ميسو
السلام عليكم ورحمة الله وبركاته
انا عندي ميجان 2006
اعتقد الصوت ده طبيعي وواضح في الاوتوماتيك
خاصة عند ضغط البنزين بقوة وزيادة السرعة بشكل مفاجئ
ودي ميزة بتنقل السيارة للوضع الرياضي
وده كلام مدير الصيانة (مهندس مصري ) في التوكيل هنا في جدة

رد: سؤال عن صوت موتور الميجان
 

شكرا يا جماعة على الردود ... انا كنت فى التوكيل من يومين بعمل صيانة للعربية وسألت المهندس على الموضوع ده وقاللى ممكن تكون حاجة ليها علاقة بطقم الكاتينة بس لازم يجرب العربية الأول واتفقنا على ميعاد الصيانه القادمة لأن يومها ما كانش فى وقت ...