|
الدال ع الخير كفاعله
السلام عليكم ايها السادة الافاضل...
قررت بعد طول تفكير ان اشتري عربية سوزوكي ماروتي..... وجدت عربية ماروتي بياناتها كلاتي:موديل 2005-فابريكة بالكامل ماعدا رفرف خارجي يمين-عداد 25 الف كيلو-اول مالك...رخصة سنة ....سعر 23 الف جنيه... انا برضو لسة محتار....خايف البس ف الحيط ...عشان انا بصراحة ماليش ف حوارات العربيات دي خالص... ارجو افادتي سعرها كويس ولا ايه ...وهل اشتري بتوكيل ولا بعقد وايه الفرق بجد شكرا لكم.... |
رد: الدال ع الخير كفاعله
اعتقد السعر دا مناسب
بس خلي ميكانيكي وسمكري يكونوا أمناء يبصوا عليها للتأكيد طرق الشراء: الطريقة الأولى: عقد نقل ملكية في الشهر العقاري: ودا بيتكلف تقريبا في حدود 1500 جنيه ودول بيبقوا على المشتري اللي هو حضرتك وساعتها لازم تعمل نقل ملكية في المرور خلال شهر. الطريقة الثانية: توكيل بيع للنفس وللغير (لا يلغى إلا بحضور الطرفين) ودا بيتكلف 10 جنيه تقريبا، ودا لازم يبقى موجود معاك على طول لأنك بتبقى ماشي بالعربية والرخصة باسم واحد تاني. وكدة كدة لما تيجي ترخص لازم تبيع لنفسك الأول ( الطريقة الأولى) وبعد كدة تطلع على المرور تنقل ملكية. أفضل طريقة هي الأولى طبعا - رغم انها مكلفة وهاتجبرك انك تروح المرور وتفحص وكدة - عشان اليومين دول الواحد مش بيبقى مطمن لأي ورقة رسمية. نصيحة أخيرة - عشان تبقى مطمئن على الآخر - خلي ميكانيكي يرفعلك بصمة الموتور والشاسية وتقارنهم باللي مكتوب في رخصة العربية، وتروح تسأل على ملف العربية في المرور بتاعها وتتأكد من البيانات. |
رد: الدال ع الخير كفاعله
اقتباس:
طب انا من الجيزة ...والعربية مرور اسكندرية .....تفتكر لما اروح اسكندرية اسئل في المرور علي عربية نوع كذا برقم شاسيه كذا ورقم موتور كذا ....ولا السؤال بيكون ازاي؟؟؟؟ ده رقم واحد رقم اتنين :انا مش عايز ادخل ف حوارات عقد البيع والتسجيل وكدة...ايه رايك ف حوار التوكيل ده؟ وهل ده كفاية ولا ايه؟ لان انا مش معايا غير ال 23 الف دول....وهو اقسم ان العربية مش محتاجة اي شيء... الف الف الف شكر ع الاهتمام يا باشا :018A1D~146::018A1D~146:: 018A1D~146::018A1D~146: |
رد: الدال ع الخير كفاعله
انا عن نفسي مش بحب موضوع التوكيلات دا
بس إن كان ولا بد يبقى تتأكد ان اللي بيبيعلك هو صاحب العربية وان الرخصة باسمه ومش معاه توكيل - عشان لو معاه توكيل يبقى لازم تتأكد ان التوكيل دا سليم وساري من مكتب الشهر العقاري - وكمان تتأكد من صحة بيانات رقم الشاسية والموتور ومطابقتهم مع الرخصة. عشان مايبقاش في مشكلة لو الحاجات دي مختلفة وماتكشتفهاش غير لما تروح تجدد. وأعتقد لو رحت المرور بتاع العربية في اي مكان وحبيت تسأل برقم الرخصة وتتأكد من وجود ملف للعربية عندهم برقم الشاسية والموتور دول عشان تبقى مطمئن تماما. والعادي انك هاتعمل عقد ابتدائي للعربية اكيد بيبقى فيه بند بيقول ان العربية دي لم يصدر عنها توكيلات من قبل وكدة، يعني حاجة قانونية اعتقد بتبقى موجودة في العقد. انا بقولك على كل الاحتمالات اللي تأمن بيها نفسك لاني شفت مشاكل حصلت كتير مع زمايلي في موضوع البيع والشراء دا. |
رد: الدال ع الخير كفاعله
يا باشا شكرا ليك ع الافادة ..
ان شاء الله انا هستمر ف موضوع التوكيل ده ..لان العربية بتاع مراته وهي اول مالك وان شاء الله هخليه يجيبلي شهادة مخالفات ويعملي التوكيل ونكتب العقد الابتدائي واديله الفلوس واخد عربيتي... ملحوظة:العربية كان فيها خبطة ف الرفرف الامامي يمين وعليها بتاع كدة زي المعجون..وانا عايز اشيله ....... مش عارف اعمل ايه ده رقم واحد رقم اتنين ..ان شاء الله بعد ماشتريها المفروض اركب وادوس علي طول ولا اعمل صيانة حاجات معينة...؟ وايه هي الحاجات اللي لازم تتشال علطول....؟ ولو تعرف مكان كويس ف الجيزة يكون بيعمل الحوارات دي كلها يبقي كتر خيرك. اخيرا بقي يا باشا والله انا بعتذر لاني عارف ان اسئلتي مملة ... الف الف الف شكر يا استاذ حمزة وان شاء الله ربنا يجعله ف ميزان حسناتك ويديك ثوابه ف حياتك......... ......................... ........شكرا جزيلا واسف ع الاطالة.................. :THUMBS~220::THUMBS~220:: THUMBS~220::THUMBS~220::T HUMBS~220: |
رد: الدال ع الخير كفاعله
لا يا باشا ولا اسئلة مملة ولا حاجة
المنتدى هنا ماشاء الله مافيش حد بيبخل على حد بمعلومة بالنسبة لموضوع انك تركب على طول وتدوس الافضل لما تشتري عربية مستعملة انك تعمل صيانة عامة كدة يعني تغير زيت وفلاتر وتبص على السيور تشوفها محتاجة تغيير مثلا انا عندي ميكانيكي كويس بتعامل معاه راجل أمين وخبرة ماشاء الله لاقوة إلا بالله عنوانه: شارع الهرم - شارع ضياء - تاني شارع على ايدك الشمال من شارع ضياء اسمه محمد راضي قوله انا لسة مشتري العربية وعايزك تشوف ايه اللي محتاج يتغير وهو راجل امين ومش هايعمل عليك شغل ولا حاجة والله المستعان |
رد: الدال ع الخير كفاعله
اقتباس:
يا فندم تم الشراء بالتوكيل والحمد لله ......... بس بقي ظهرت حاجات مش تمام .... يعني مثلا وانا سايق العربية بشم ريحة بنزين قوية حبتين ..دي رقم واحد العربية الصبح بتاخد وقت ف التشغيل...حوالي اربع او خمس مرات...صوت كدة زي تك تك تك تك تك.....وبعدين تشتغل. والحمد لله .......الحمد لله مافيش اي عيوب تانية حتي الان ياريت من الاخوة الافاضل اللي يعرف ميكانيكي من الجيزة يكون نضيف يبقي كتر خيره.... واللي يعرف العيب فين يبقي كتر الف خيره..... .................شكرا لكم........ ملحوظة: انا فقط غيرت زيت موتور وفلتر زيت...البنزين 90 ...زيت مصر للبترول. ايه ياترىايه ياترىايه ياترىايه ياترىايه ياترىايه ياترىايه ياترىايه ياترىايه ياترىايه ياترىايه ياترىايه ياترى |
| الساعة الآن 07:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017