مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   منتدى الصيانة العام (https://www.masrmotors.com/vb/forumdisplay.php?f=4)
-   -   ارجو الافاده من خبراء هيونداى و سيات (https://www.masrmotors.com/vb/showthread.php?t=52832)

khaled_cs 17-04-2011 03:21 PM
ارجو الافاده من خبراء هيونداى و سيات
 
انا راجل كان معايا عربيه فيات 128 و من بعدها فيات ريتمو و بيعت الاتنين و بادور دلوقتى على حاجه جديده تنتشلنى من عالم الفيات عشان خلاص تعبت من المرواح للصنايعيه كتير فى قصادى دلوقتى عربيتين و طبعاً هما دول اللى على قد فلوسى اولاً سيات ايبيزا 98 او 99 و ثانياً هيونداى اكسنت برضه 98 او 99 بس مشكلتى إنى مش عارف قطع غيارهم متوفره و لا لأ و كمان ايه نظام سعر قطع الغيار عشان طبعاً انتوا عارفين الفيات بتتباع عند البقال و ببلاش انا خايف اجازف و اجيب عربيه تطلع حلوه بس تدبحنى بعد كدا فى قطع غيارها ارجوا منكم الافاده و لو حد ممكن يقترح عليا اى نوع تانى من العربيات يكون محترم و قطع غياره متناوله يبقى كتر الف خيره انا كل اللى معايا يا جماعه 35 الف و انا اسف إنى طولت عليكم

khaled_cs 19-04-2011 05:14 PM
رد: ارجو الافاده من خبراء هيونداى و سيات
 
لو سمحتم يا جماعه حد يجاوبنى انا قربت انزل اشترى العربيه و خايف عايز اى معلومات عن قطع الغيار

mr_astra 20-04-2011 03:49 PM
رد: ارجو الافاده من خبراء هيونداى و سيات
 
اخى الكريم طبعا اكسيل افضل كثيرا من حيث توافر وسعر قطع الغيار
والمبلغ اللى معاك محترم اوى وممكن يجيب لانسر عيون موديل 91 ، 92 ، 93 من راى انها افضل من الاكسل من حيث الاعتمادية والشكل والثبات مع اشتراكها فى كثير من قطع غيار الاكسل حيث ان الكوريين عملو استنساخ من الانسر

returner 21-04-2011 02:21 AM
رد: ارجو الافاده من خبراء هيونداى و سيات
 
أنا متحيز للأكسنت وحاسس أنها افضل سيارة اعتمادية في فئتها نزلت مصر ، قطع غيار متوفرة و رخيصة ، أستهلاك قليل للبنزين ، عفشه معقولة ، تكنولوجيا سهلة وتقريبا كل الميكانيكية بيفهموا فيها، عيبها الوحيد أنها بتهبط لما تركب 2 أو أكتر في الكنبة

khaled_cs 23-04-2011 03:27 AM
رد: ارجو الافاده من خبراء هيونداى و سيات
 
اقتباس:
المشاركة الأصلية كتبت بواسطة mrastra (المشاركة 405853)
اخى الكريم طبعا اكسيل افضل كثيرا من حيث توافر وسعر قطع الغيار
والمبلغ اللى معاك محترم اوى وممكن يجيب لانسر عيون موديل 91 ، 92 ، 93 من راى انها افضل من الاكسل من حيث الاعتمادية والشكل والثبات مع اشتراكها فى كثير من قطع غيار الاكسل حيث ان الكوريين عملو استنساخ من الانسر
متشكر يا باشا على مرورك و الافاده و انا فعلأً خلاص استقريت على اكسيل او اكسنت

khaled_cs 23-04-2011 03:30 AM
رد: ارجو الافاده من خبراء هيونداى و سيات
 
اقتباس:
المشاركة الأصلية كتبت بواسطة returner (المشاركة 406402)
أنا متحيز للأكسنت وحاسس أنها افضل سيارة اعتمادية في فئتها نزلت مصر ، قطع غيار متوفرة و رخيصة ، أستهلاك قليل للبنزين ، عفشه معقولة ، تكنولوجيا سهلة وتقريبا كل الميكانيكية بيفهموا فيها، عيبها الوحيد أنها بتهبط لما تركب 2 أو أكتر في الكنبة
انا برضو سألت و لقيت فعلاً قطع غيار الاكسنت متوفره و طبعاً كل الميكانيكيه نايمين تحتها يعنى مش هاحمل هم فى الكلام دا و ربنا يسهل متشكر على إفادتك يا باشا

طارق ابوذيد 23-04-2011 03:31 AM
رد: ارجو الافاده من خبراء هيونداى و سيات
 
اخى الكريم لا يوجد شئ كامل فالسياره الابيزا احسن بكثير من الاكسنت اما قطع غيار الاكسنت ارخص بكثير ومتوفره ولك حريه الاختيار والله الموفق .


الساعة الآن 11:57 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017