مصر موتورز مجتمع السيارات - مشكله فى جوليت بتاعتى

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - مشكله فى جوليت بتاعتى (https://www.masrmotors.com/vb/showthread.php?t=52700)

مشكله فى جوليت بتاعتى

السلام عليكم
انا معايا جوليت 99
العريبه عامله 100804 تقريبا
مغير الزيت وكمان فلتر هواء و فلتر بنزين و سير الكاتينه و البوجيهات والكابلات بتاعتها والمارش ونظفت الرشاشات كمان انا بحط بنزين 92
بلاقى العربيه بتاخر فى التدوير وكمان السحب بعد الميه ضعيف وكمان العريبه مش عايز تجيب 160 بيكون عداد الار ام على 4.5
مش عارف اعمل ايه
فى واحد قال ليه الرشاشات تتغير واحد تانى قال ليه سلك البنزين عايز ينشد شويه
واحد تانى قال ليه ان العربيه صاحبه القديم ظبطها ع 160 يكون الاخر بتاعها
بس المشكله السحب بيكون ضعيف بعد الميه
مش عارف اعمل ايه
ياريت حد من خبراء المنتدى يرد عليه يقولى اعمل ايه
اسف للاطاله

رد: مشكله فى جوليت بتاعتى

غالبا ممكن يكون رشاشات هى بتاخر فى الدوارة دايما يبقى رشاشات او الاحتمال الثانى ممكن يكون موتور بتاع طلمبة البنزين بس متهيائلى على وصفك يبقى رشاشات علشان بتاخر فى الدوارة وموضوع العربية اخرها 160 الضبط دة متهيائلى لا وانتظر رد باقى الاعضاء

رد: مشكله فى جوليت بتاعتى

اقتباس:

المشاركة الأصلية كتبت بواسطة محمود زيزوو (المشاركة 401863)

رأى سليم

يا أبو حنفى

وممكن للأخ ( صاحب السؤال )

عمل محاولة أولا

لتنظيف الرشاشات على جهاز الألتراسونيك

وتجربة سحب ودوارة السياره

بس تحت شرط

يكون كشف على البوجيهات ولقى حريقها عادى

وغير مهببه

رد: مشكله فى جوليت بتاعتى

يا بشمهندس سمير تعليم حضرتك انا كل دة بستفيدة من اراء حضرتك الجميلة وشكرا لحضرتك يا بشمهندسنا

رد: مشكله فى جوليت بتاعتى

اقتباس:

المشاركة الأصلية كتبت بواسطة samirayad (المشاركة 401870)

اولا شكرا لكم ع الرد
ثانيا هو ايه الجهاز الألتراسونيكوبيكون فين
وبعدين انا عملت تنظيف قبل كده للرشاشات
طيب الافضل لو اجيب رشاشات اجيب نوع ايه بظبط
واجيب جديده ولا استيراد
وانا شاء الله منتظر ردود لكم وليه بقى الاعضاء
واسف على الاطاله

رد: مشكله فى جوليت بتاعتى

اقتباس:

ثانيا هو ايه الجهاز الألتراسونيكوبيكون فين

اقتباس:

وبعدين انا عملت تنظيف قبل كده للرشاشات

واضح طبع أن حضرتك منظفتش الرشاشات على الجهاز السابق

فكيف تمت نظافتها

اقتباس:

طيب الافضل لو اجيب رشاشات اجيب نوع ايه بظبط
واجيب جديده ولا استيراد

لو أحتاجنا لتغيير الرشاشات هتجيب طقم أستيراد

سواء خاص بالأكسنت أو ال bmw 1600 cc

بس المفروض تجاوبنا برضه

هل المكنه بتعاكسك وأنت لسه مبطلها وجيت تدور بعد ساعه مثلا وكانت مازالت المكنه ساخنه

وهل لما كشفت على البوجيهات لقيتها مهببه

لو آه

يبقى توكل على الله وغير الرشاشات

رد: مشكله فى جوليت بتاعتى

اقتباس:

المشاركة الأصلية كتبت بواسطة samirayad (المشاركة 402010)

جهاز الألتراسونيك

جهاز هندسى بيتم وضع الرشاشات وتركيبها عليه

وله نظام تشغيل معين

وسيستم نظافه معين للرشاشات

بيتركب عليه الرشاشات من أجل تنظيفها داخليا بواسطة مواد كيميائيه معينه

وموجود فى بعض مراكز الخدمه المتخصصه فى مجال الحقن الألكترونى

واضح طبع أن حضرتك منظفتش الرشاشات على الجهاز السابق

فكيف تمت نظافتها

لو أحتاجنا لتغيير الرشاشات هتجيب طقم أستيراد

سواء خاص بالأكسنت أو ال bmw 1600 cc

بس المفروض تجاوبنا برضه

هل المكنه بتعاكسك وأنت لسه مبطلها وجيت تدور بعد ساعه مثلا وكانت مازالت المكنه ساخنه

وهل لما كشفت على البوجيهات لقيتها مهببه

لو آه

يبقى توكل على الله وغير الرشاشات

بس بضيف على كلام المهندس سمير ان خالى بالك رشاشات البى ام دابليو بتاكل بنزين كتير يخالى بالو من الموضوع دة والاختيار الافضل هو الاكسنت بس ياريت تركبها عند حد يكون بيرجع الرشاشت او بيغيرها بعد تجربة الرشاشات عشان لو فيها عيب تغيرها من عندة على طول زى انا معملت ركبت بتاعت النترا والراجل قعد يخترع ويقولى جميلة جميلة وطبعا وبتوفر وطبعا خربت بيتى واتخانقت معاة وخت فلوسى تانى خالى بالك لان النصب كتير قوى